ينفورماتسيا اشكەرەلەۋ: mzjubao@cnr.cn

ادەبيەت ارناسى

كۇيزەلدى الەم، اق تاڭى جىلاپ (اقىن ەركىن ءىلياس ۇلىنىڭ قازاسىنا)

来源:جۇڭگو قازاق راديو تورابى     |责编:达吾力别克 |     发布日期: 2020-06-23 15:47

توكەن ءابدىعالي ۇلى


وتكەلدەر ەستە قولداسپ وتكەن،
قۇربىلاس جەتىم، سىرلاسى كەتكەن.
شولدەيدى جانىم ساعىنشىڭىنان،
وزەندەي قۇرىپ، ارناسى كەپكەن.
كەزىكتىك قالاي جاعدايعا مىناۋ،
اقىننىڭ جولىن الداشى كەسكەن.
نەدەگەن ارمان وكىنش ەدى،
جازىلماي جىردىڭ جالعاسى كەتكەن.
جەڭىمپاز جىردىڭ جەلماياسى ەدى،
كەسكەن- اي تاعدىر بۇيداسىن وقپەن!
جۇرىنىن جىردىڭ شىرىلداپ جانى-
ءبىر ۇلى ەدىڭ جيناسىپ وسكەن.
قىپ- قىسقا عۇمىر ارمانعا جۇكتى،
تۇل قالدى جۇرتى تۋماسى كەتكەن.
شىدايدى جانىم جىلاماي قايتىپ،
كومىلدى دارىن بىرگە، اقىرەتپەن.

توپ- تولىق ايىڭ جارتىلاي قالدى،
كۇرسىنىپ الەم، جەر شىر اينالدى.
جالعاندى جالپاق جالماسا تويماس،
سۇم اجال ناعىپ القىمداي قالدى.
ايبوزى جىردىڭ ارماندا كەتىپ،
ايتىلار ولەڭ ايتىلماي قالدى.

ارتىندا قالعان ەستەلىك ولەڭ،
تەربەتەر جۇرتىن ەسكەگىمەنەن.
عۇمىرلىق جىردىڭ بايشەشەگى ەدىڭ،
قۇلپىرعان جىلدىڭ كوكتەمىمەنەن.
قارعالداق ەدىڭ قاڭتاردا وسكەن،
قار- مۇزدى جارىپ، كوك تەمىر دەنەڭ.
ارىسقا كىرگەن ارىستان ەدىڭ،
تاعدىردىڭ تاققان كەسكەگىمەنەن.
ولەڭىنىڭ سۇلۋ سۇلەيى ەدىڭ،
سەرتتەسكەن جانىڭ كوكبوى مەنەن.
الەمدى كەزىپ شارلادى ويىڭ،
شابىتىتىڭ سامعاپ كەپتەرى مەنەن.
پەرنەسىن جىردىڭ باسا الماس سەندەي،
سان اقىن تۋىپ- وتكەنىمەنەن.
كوك تۇمبا جىردىڭ شۇڭەتىن قۋدىڭ،
ساناسپاي جولدىڭ وتكەلىمەنەن.
حالىقتىڭ ايدىن جانىندا قالدى،
ولەڭىمەن جازعان كەستەلى كەمەڭ.

اڭىراپ التاي اسقارى قۇلاپ،
قايعىدا قالدى قاپتالى شۋلاپ.
ەركىنىن جوقتاپ ەڭىرەپ ەرتىس،
قارالى كوشىن باستادى بۇلاق.
جىلاتتى مەزگىل جۇرەگىن ەلدىڭ،
شاتتىققا تولى شاقتارىن ۇرلاپ.
ايتستىڭ دارا شولپانى كەتىپ-
كۇيزەلدى الەم، اق تاڭى جىلاپ!


توكەن ءابدىعالي ۇلى اقىن ەركىن ءىلياس ۇلىمەن ءبىر اۋىلدا تاي- قۇلىنداي تەبىسىپ وسكەن قۇرداس. ايماقتىق، اۋداندىق ايتستاردا جۇپتارى جازىلماي جۇرەتىن دوس بولاتىن.

 

中央广播电视总台 央广网 版权所有

كۇيزەلدى الەم، اق تاڭى جىلاپ (اقىن ەركىن ءىلياس ۇلىنىڭ قازاسىنا)

وتكەلدەر ەستە قولداسپ وتكەن، قۇربىلاس جەتىم، سىرلاسى كەتكەن. شولدەيدى جانىم ساعىنشىڭىنان، وزەندەي قۇرىپ، ارناسى كەپكەن.