ينفورماتسيا اشكەرەلەۋ: mzjubao@cnr.cn

ادەبيەت ارناسى

كەزدەيسوق ايتىس

来源:جۇڭگو قازاق راديو تورابى     |责编:达吾力别克 |     发布日期: 2020-06-24 19:13
قورعاس اۋدانىنىڭ اقىنى نۇرعالي مامىت ۇلى مەن اباي جارىقاسىن ۇلى قايدان كەزكسە سوندا ايتىسىپ كەتەدى ەكەن. ءبىر جولى اباي الدە ءبىر جەزدەسىنىڭ تويىندا جۇرسە نۇرعالي كەزگىپ قالىپتى. دومبىراسىز بولسادا اۋزدارىمەن «دومبىرا شەرتىپ» سۇيەمەل جاساپ نۇرعالي ەكەۋى ءبىر مايدان ءازىل ايتىس جاساعان ەكەن.

نۇرعالي:

ادامعا اسقاقتاعان جامان ادەت،

ايلانىپ ول وزىڭە سالار الەك.

مۇشايرادا ءۇىشىنشى جۇلدە الپسىڭ،

ۇمىتتەنسەك ءبىرىنشى بولاما دەپ.



ولەڭمەن سەن ىلەنى ارالادىڭ،

جاقسى مەنەن جاماندى سارالادىڭ.

سۇلۋ كورسەڭ سۋماڭداپ ۇمتىلاسىڭ،

باۋىرىم، بويىڭا ءبىر قارامادىڭ.

اباي:

كوڭىلدەر ساباقتاسپەن تولادى ەكەن،

باق قۇسى دا مەزگىلسىز قونادى ەكەن.

مۇشايرادا ءۇشىنشى سيلىق الدىم،

جۇيرككەدە ءبىر تومار بولادى ەكەن.



قيالىم ارمانىممەن كەڭەسەدى،

قاشاندا بەرەكەلى ەل وسەدى.

نۇرعالي ءبىلىپ تۇرىپ قالاي ايتتىڭ،

ەرمەن ايەل جاتقاندا تەڭەسەدى.

نۇرعالي:

اباي اقىن تانىلدىڭ ايماعىڭا،

اسقاقتاماي قاراشى جان –جاعىڭا.

ەر مەن ايەل جاتقاندا تەڭەسكەنمەن،

تاعى دا قارايدى ەكەن سايمانىڭا.

اباي:

ءبىز دەگەن ورتا جۇزدىڭ نايمانىمىز،

بەلگىلى دوس-دۋشپانعا ايبارىمىز.

قىزمەتتە تاماشا ۇستاز بولىپ،

جانۇيادا ۇرپاققا جايدارىمىز.

بويىمىز الاسالاۋ بولعانمەنەن،

قوياننىڭ سيراعىنداي سايمانىمىز.

نۇرعالي:

ابايدىڭ شابىت الدىق ولجاسىنان،

كوكجالسىڭ اۋزىن اشسا قان ساسىعان.

قوياننىڭ ءوزىن كورىپ اتاڭ قازاق،

سويماي تۇرىپ تۇڭىلگەن قالجاسىنان.

اباي:

جاسىمنان مەن ۇمبەتكە ەلىكتەدىم،

نۇرعالي جاراسىپ تۇر جەلىككەنىڭ.

قالجا دەگەن بىلگەنگە ەت ەمەسپە،

جوق ەكەن -اۋ وزىڭدە تولىق سەنىم.

قويان قۋدان ماندىعان ەت شىقپايدى،

سيراعىن ولشەپ سەن كورىپپەدىڭ؟

نۇرعالي:

بىلەمىن سەن ۇمبەتكە ەلىكتەدىڭ،

ولەڭمەن مەندە وزىمشە جەلىككەمىن.

ەلىكتەگەن سول اعاڭ حال ۇستىندە،

كوڭىلىن سۇراپ اقىنىم، كەلىپپەدىڭ؟

اباي:

شاپانىمدا قۇنى بار قىرىق قويدىڭ،

كەلسەڭ -كەل دەپ بىلەكتى تۇرىپ قويدىم،

ۇمبەت اعام شىنىندا ناۋقاس ەكەن،

تەلەفونمەن حال-جايىن ءبىلىپ قويدىم.

قىزمەت سەبەبىنەن بارا المادىم،

كوڭىلىمدى كاسىنا ۇرىپ قويدىم.

نۇرعالي:

توي جۇرگىزىپ جۇرەسىڭ ەلدى كەزىپ،

اۋىرعاندا اعاڭنان كەتپە بەزىپ.

ىلگىدايلىق جاس اپەكەڭ قىلمىڭداعان،

اقىننىڭ ساۋ بۇيرەگىن قۇرتتى ەزىپ.

اباي:

جاس شاعىڭدا تالپىنىپ ءبىلىمدى ىزدەن،

جاقسى ولەڭ شىعىپ جاتىر بۇگىن سىزدەن.

باياعىدا قۇرىعان كارى اعاڭنىڭ،

الايىن دەپ ءجۇرمىسىڭ قۇنىن بىزدەن؟

نۇرعالي:

ۇمبەت اعا بىزدىكى ەمەس حالىقتكى،

قازاقتان ءبىر تۋاتىن الىپ مىقتى.

الپىستان ارستانداي اسىپ ەدى،

سول اپەكەڭ اقىرى الىپ تىندى.

اباي:

مىقتىلار بەرەكەلى جۇرتتان شىعار،

ۇمبەتىڭ ادامداعى سىرتتان شىعار.

پالەنى اپەكەمە شاپتاي بەرمە،

بۇرىنعى جەڭگەلەرىڭ قۇرتقان شىعار.

نۇرعالي:

تايدىڭ تاۋعا شاپقانى بىلىنبەيدى،

توبىلعى ءوز جەرىندە دۇرىلدەيدى.

سەندەر جاقتا ۇيلەنىپ، تۇرىپ ەدى،

الىپ كەلسەك بۇيرەگى دىرىلدەيدى.

قۇداي اتىپ ول جاققا نەگە باردى؟

ايەلى سەندەر جاقتىڭ سۇلۋ دەيدى.

قورعاستاندا ءبىر قاتىن شىعار ەدى اۋ،

التىن اعام القىنىپ قۇنىن جويدى.

اباي:

جامان ات وقىرىندا قۇنىن جەيدى،

سۇلۋلىق كۇن استىنان كۇلىمدەيدى.

ۇمبەتىڭ كۇيەۋ بولماي تۇرعان كەزدە،

اياعى كارىلىكتەن دىرىلدەيدى.

ناۋقاستى ۋاعىندا ەمدەتپەسە،

ەسكى جارا قوزعالىپ ىرىڭدەيدى.

ازبان بۇقا سەكىلدى كارى اعاڭدى،

ءبىزدىڭ اپاي ءبىر كۇنى ءبۇرىپ جەيدى.

ەت قاقپانعا تۇسكەن سوڭ قارت جولبارىس،

وكىنىپ ءوز بوربايىن جۇلىپ جەيدى.

اعاڭدى جولعا سالىپ جاس اپايىم،

اي سايىن ناپاقاسىن كۇلىپ جەيدى.

نۇرعالي:

ۇمبەتتىڭ كۇلىپ جەسىن بار تاپقانىن،

بالاسى قورەك قىلسىن تاعى اسقانىن.

ءوزىڭ كەلىپ بارىنە باس -كوز بولىپ،

اپايىڭنىڭ جيىپ كەت ەت قاقپانىن.

اباي:

جىگىتپىز جاقسىلققا كۋا بولار،

مولدانىڭ اۋىزىندا دۋا بولار.

اعا ولسە جەڭگەسىنە ءىنىسى يە،

ول قاتىن ەندى ساعان مۇرا بولار.

نۇرعالي:

ابايىم ون بەسىندە تولعان ايسىڭ،

سۇقتانىپ سۇلۋ كورسەڭ قىلجاقتايسىڭ.

شىنىن قۇسا امەڭگەر سەن بولاسىڭ،

جەسىرىن قاڭعىرتپاعان ورازايسىڭ.

اباي:

وسىلاي ءسوز قادىرىن ارداقتا دوس،

تورعايمىن دەپ ال وندا ءجونىڭە كوش.

الستاعى ابايدى سۇيرەلەمەي،

جەڭگەمدى جاقىنداعى شايزاتقا قوس!


中央广播电视总台 央广网 版权所有

كەزدەيسوق ايتىس

قورعاس اۋدانىنىڭ اقىنى نۇرعالي مامىت ۇلى مەن اباي جارىقاسىن ۇلى قايدان كەزكسە سوندا ايتىسىپ كەتەدى ەكەن. ءبىر جولى اباي الدە ءبىر جەزدەسىنىڭ تويىندا جۇرسە نۇرعالي كەزگىپ قالىپتى. دومبىراسىز بولسادا اۋزدارىمەن «دومبىرا شەرتىپ» سۇيەمەل جاساپ نۇرعالي ەكەۋى ءبىر مايدان ءازىل ايتىس جاساعان ەكەن.