ينفورماتسيا اشكەرەلەۋ: mzjubao@cnr.cn

ادەبيەت ارناسى

ايتىسىپ كەتكەن جۇرگىزۋشى

来源:جۇڭگو قازاق راديو تورابى     |责编:达吾力别克 |     发布日期: 2020-06-24 19:14
2016-جىلى 5-ايدىڭ ا- كۇنى اپامىز نەسىپقان جۇنىسقان قىزىنىڭ توقسان جىلدىق مەرەي تويىندا تويدى اباي جارىلقاسىن ۇلى جۇرگىزىپ تۇرىپ بەلگىلى اقىن بەگالىنى شاقىرعاندا:

كوڭىلدەر جاقسىلاردى ساعىنىپتى،

مۇسىلمان ءبىر اللاعا باعىنپتى.

انا وتانىم اياۋلى قۇت بەسىگىم،

قۇشاعىندا تەربەگەن ءار ۇلىتتى.

بايىعاننىڭ بەلگىسى وسى ەمەسپە،

پۇشىعى مەن قارعىسى قاعىنىپتى،-دەپتى. ساحىناعا شىققان بەگالى دا بوس كەلمەي ابايعا قايتارمالىق ايتىپ توسىلماپتى. سونىمەن وسى ءبىر مايدان ءازىل ايتىس بولعان بەگالى:

بۇل تويدا جاقسى جايساڭ وتىر بۇگىن،

جىرىمنىڭ كورسەتپەيىن جەتىمدىگىن،

اباي سەنى ارداقتى اعا دەسەم،

بەگالىنىڭ ايتتىڭبا سوقىرلىعىن،

بىرەۋدىڭ جىرتىعىنا قول سالاتىن،

نازىكە، وسى ەمەسپە قوتىرلىعىڭ،-دەپ، اباي اعاسىنىڭ رۋىنا قول سالادى،

اباي:

بەگالى حالىق باردا جاسىماڭىز،

سەنىڭدە ءبىر تويىڭا اسىعامىز.

كەشەگى اپپاق پەنەن راحىمجان،

ماحابباتتا بىزدەرگە اسىل اڭىز.

شەگىرتكەدەي سەرىلىك قۇرابەرمەي،

كەلىنشەك اپ قارت اكەڭدى اسىراڭىز.

باق پەنەن سور اي مەن كۇندەي ەگىز دەيدى،

قىشىماعان جەرىمدى قاسىماڭىز،-دەيدى.

بەگالى:

ومىردە كوپ بولعان سوڭ بايقاعانى،

اقىن عانا ورامدى وي تابادى.

وتىرىپ قالعان جىگىت قوزعالعاندا،

وتىرىپ قالعان قىزدار باي تابادى.

ناۋقاستىڭ ەڭ جاقسىسى قوتىر دەيدى،

قاسىعان سايىن جانىڭ جاي تابادى.

اباي:

بەگالى باسىڭدا سان تاقىرىپ بار،

جىگىتسىڭ جاقسى ءسوزدىڭ باسىن ۇستار.

اللا بەرگەن ونەردىڭ ارقاسىندا،

دۋشپانىڭدى قوعاداي جاپىرىپ قال،

باۋىرىم سوقىرلىقتان ازات بولىپ،

قوتىر بولىپ ماڭگىلىك قاسىنىپ قال.

بەگالى:

اياۋلى ۇستازىمسىڭ، ەرسىڭ اعا،

بىزگەدە ەل باعاسىن بەرسىن، اعا.

مەدەتتەي حاس مىقتىنىڭ ۇرپاعىسىڭ،

ايتقانىڭىز اينىماي كەلسىن اعا،-دەپ كوزىنە ستىق جاس الىپتى.

سوندا اباي:

تەرەڭ جەردەن سۋ شىعار بۇرعىلاسا،

جۋاستاندا ءسوز شىعار ۇرعىلاسا،

بەگالى تىلەگىڭدى حالقىم بەرسىن،

سوقىر كوزدەن جاس شىعار شىن جىلاسا،-دەپ دوس ءىنىسىن جۇباتقان ەكەن. سونمەن تويدىڭ سالتاناتى اسىپ تويشىل قاۋىم ءبىر جاساپ قالىپتى.

中央广播电视总台 央广网 版权所有

ايتىسىپ كەتكەن جۇرگىزۋشى

2016-جىلى 5-ايدىڭ ا- كۇنى اپامىز نەسىپقان جۇنىسقان قىزىنىڭ توقسان جىلدىق مەرەي تويىندا تويدى اباي جارىلقاسىن ۇلى جۇرگىزىپ تۇرىپ بەلگىلى اقىن بەگالىنى شاقىرعاندا: