ينفورماتسيا اشكەرەلەۋ: mzjubao@cnr.cn

ادەبيەت ارناسى

اياق استىنان شىققان ايتىس

来源:جۇڭگو قازاق راديو تورابى     |责编:达吾力别克 |     发布日期: 2020-06-24 19:15

اباي جارىلقاسىن ۇلى 1975- جىلى 8-قازاندا توعىزتاراۋ اۋدانىنىڭ كەنجە بۇلاق دەگەن جەرىندە تۋىلعان. 1996- جىلى 8-شىلدە دە كۇيتىن وقۋ- اعارتۋ شوەيۋاننىڭ حانزۋ ءتىلى كلاسىن تامامداعان. ىلە وبىلىستىق جازۋشىلار وداعىنىڭ مۇشەسى.


2013-جىلى 12-ايدىڭ 31-كۇنى ۇمبەت سايران ۇلىنىڭ توعىزتاراۋ اۋدانىنداعى ۇيىندە ۇمبەتتىڭ ايەلى مۇنازيرا، بالدىزى گۇلباني، اقىلبەك، نۇردان، نۇرعايىپ، جۇماتاي، توقاي، باقىت دابىت ۇلى قاتارلىلار بار، قوناعاسىدا ازىلدەسىپ وتىرىپ ۇمبەتپەن اباي اياق استىنان ايتىسىپ كەتىپتى.

ۇمبەت:

ساعىندىم اقىن اباي سەتەرىمدى،

كوڭىلىم سەنى كورىپ كوتەرىلدى،

جاڭا جىل قۇتتى بولسىن ايتا كەپسىڭ،

ۇستاپ وسكەن ءىنىم ەڭ ەتەگىمدى،

ءوزىڭدى سالبۋرىنعا ءبىر سالايىن،

شاقىرىپ شابىتىمدى نەشە كۇنگى،

الاقانداي اۋىزعا الەم سيار،

دۋشپاندار كوپ ايتادى وسەگىمدى،

اللا باسقا سالعان سوڭ ءدام جاراسىپ،

الپسىمدا جاڭعىرتتىم توسەگىمدى.

جايساڭ جىگىت اعامەن تارتىسپايدى،

تارتىسسا جىرلارىنان ءنار شىقپايدى.

جانى سۇلۋ جان ەكەن بويى جىلى،

جەڭگەڭ نەگە دەنەمدى بالقىتپايدى.

باياعى نار شابىتقا قايتا ءمىنىپ،

تاپتىرايىن دەپ ءجۇرمىن الپىسبايدى،-دەيدى.

سوندا اباي:

كەلمەسىن ەرباسىنا كۇلىپ قايعى،

جاس كەلىنشەك كارى شالدى قۇرىقتايدى،

بۇل كۇندە ساتيرانىڭ ساردارى سەن،

ەڭبەگىڭدى ەرتەڭ ەل ۇلىقتايدى،

ەلدىڭ جۇگىن كوتەرگەن نارما دەسەم،

مىنەكي ۇلكەن جولدان ءبىلىپ تايدى.

الپىسىندا القىنعان اسىل اعام،

ءوزىنىڭ كىناراتىن شىن ۇقپايدى.

جەڭگەمە الپىسبايدى سەن تاپتىرماي،

مەن تاپتىرىپ كەتپەيىن قىرىقبايدى.

ۇمبەت:

اقىن ەم بىرگە تۋعان الاتاڭمەن،

سەن تايلاقسىڭ شايناسپا نار اتانمەن.

كارى مەرگەن تەكە اتار قار جاۋعاندا،

سان سۇلۋدى اۋىزىما قاراتام مەن.

قازاقتىڭ قارا ولەڭىن مۇرا قىلىپ،

ونەگەمدى ەرتەڭگە تاراتام مەن.

الپىس ەكى ايلامنىڭ بىرىنە ساپ،

جەڭگەڭدىكىن توسامىن الاقانمەن.

اباي:

قازاقتىڭ ءان قالىقتاپ دالاسىنان،

وزەنى اسىپ اققان ساباسىنان.

تاي -قۇلىنى جەتىلىپ ءىزىن باسسا،

تۇلپار نەگە توزادى تاعاسىنان.

ولجاسىز ورالماعان مەن ءبىر قىران،

ونەگە العان بەكحوجا اعاسىنان.

جەڭگەمدىكىن توسساڭىز الاقانمەن،

ساۋساعىڭنىڭ بارادى اراسىنان.

ۇمبەت:

الىس جۇرسەك ساعىنىپ وبىسەمىز،

جاقىن جۇرسەك جىلقشا تەبىسەمىز.

جەڭگەنىڭ ءبىر بۇتى راس قايىندىكى،

كەلىندىكىن ءبىز قالاي بولىسەمىز.

كوڭىل دەگەن جۇيىرىك قوي كوك دونەندەي،

ءايتپ -بۇيتىپ وعاندا كەلىسەمىز،

بولماسا ناق مايداندا ولىسەمىز.

اباي:

ورگە قاراي سۇيرەيدى كەمەسىن ەر،

تۇلپارلارعا تاعامىز نەگە شىدەر.

اڭساعان بيىگىڭە شىعا الماساڭ،

اڭدىسقان دۋشپانىڭمەن ەگەسىپ ءول.

انتۇرعان، كەلىنڭە قىرىنداما،

ورازاي تەكسىز اۋىل دەمەسىن ەل.

دەگەندە ۇمبەت:

-«مەن قارا قاسقا ءيت ەدىم، سەن قاسقىر ءيت بولىپ جەتىلىپسىڭ» دەپ اعىنان اقتارىلىپ ابايعا اقجول تىلەپتى.

中央广播电视总台 央广网 版权所有

اياق استىنان شىققان ايتىس

2013-جىلى 12-ايدىڭ 31-كۇنى ۇمبەت سايران ۇلىنىڭ توعىزتاراۋ اۋدانىنداعى ۇيىندە ۇمبەتتىڭ ايەلى مۇنازيرا، بالدىزى گۇلباني، اقىلبەك، نۇردان، نۇرعايىپ، جۇماتاي، توقاي، باقىت دابىت ۇلى قاتارلىلار بار، قوناعاسىدا ازىلدەسىپ وتىرىپ ۇمبەتپەن اباي اياق استىنان ايتىسىپ كەتىپتى.