اعا ساعىنىشى
بەيسەنباي ساۋىت ۇلى
قياندارعا كوز تىگىپ،
قاناتىڭدى قاقتىڭ با.؟
زەڭگىر كوككە تەلمىرسەم،
جۇلدىزىم بوپ نۇر شاشتىڭ با.؟!
اسقارىن قار قىمتاعان،
تاۋىڭادا قايتتىڭ با.؟
لۇپىل قاققان جۇرەككە،
قۇستان سالەم ايتتىڭ با.؟!
شىرقاۋ شىڭعا شارىق ۇرىپ،
قارعالداعىن وپتىڭ بە.؟
ساحاراعا ءسان بولىپ،
جۇرەك گۇلىن ەكتىڭ بە.؟!
قىزعالداعىن ارالاپ،
بۇلدىرگەنىن تەردىڭ بە.؟
لازاتىنا قاندىرعان،
تۋعان ەلگە جەتسىن بە.؟!
ساعىندىرىپ سارىلتقان،
سارقىمىزعا جەتتىڭ بە.؟
ساۋمال سامال تەربەتىپ،
جاڭبىر بولىپ توكتىڭ بە.؟!
قيال قۇسىڭ شارىقتاپ،
قيانداردان وتتىڭ بە.؟
تابىندىرىپ تالدىرعان،
ارماندارعا جەتتىڭ بە.؟!
جۇلدىزدارعا قاراتقان،
سيقىر سەزىم تەكتى مە.؟
الاۋىنا الدىرعان،
اتار تاڭىڭ جەتتى مە؟!.
جاسىن وتى جارقىلداپ،
وتكىر ساعىم كەپتى مە.؟
قۇلازىعان قۇزداردىڭ،
قابىرعاسىن سوكتى مە؟!.
ماڭدايىڭنان ايمالاپ،
اعاڭ بوپ ءوپتى مە.؟
كول قۇسىنداي ويناعان،
پەرىشتەم بوپ جەتتىڭ مە.؟!