بەيسەنباي ساۋىت ۇلى

قايتقان قۇستار قاناتتارىن قاعادى،
ارتقا تاستاپ جانى قۇشتار جاعانى.
مەزگىلمەنەن باسەكەگە تۇسكەندەي،
وراعىتىپ بۇلتتاردان وزادى.

قىركۇيەكتە قوڭىرسىعان كۇز ەدى،
تابيعاتتىڭ بۇلدا سالعان ءىزى ەدى.
ءبار ـ بارىدە الشاڭدايدى وزىندىك،
ءتىرى جاندىك تىرلىك جولىن تۇزەيدى.

ىرعالادى قاراعاي، قايىڭ بوراننان،
بار تابيعات سارى تۇسكە ورانعان.
جان ـ جانۋار ۇلى تاۋدان قۇلديلاپ،
ساعىنىشتان مەكەنىنە ورالعان.

مالشى بالا قوي قايىرعان ورىستەن،
اسىل جانىن اياماعان ءار ىستەن.
قوڭىر تاۋدىڭ قوڭىر مىنەز اڭ ـ قۇسى،
ءۇنى شىركىن ەستىلەدى كەڭىستەن.

تاۋ جاڭعىرتقان ءار تۇلىكتىڭ داۋىسى،
ءتورت ماۋسىمنىڭ بۇلدا مىنە اۋىسى.
ساباعىنان ۇزىلىپ تۇسكەن جاپىراق،
سەكىلدەنىپ قىسقى قاردىڭ جاۋىسى.