قازىر پارتيانىڭ ساياساتى جاقسى ءار ۇلت حالقىنا ۇلتتىق قولونەر مادەنيەتىن دامىتۋدى جولعا قويىپ، قولداپ-قۋاتتاپ، جەكەلەر يەلىگىندەگى شاعىن كوپەراتيۆ، شاعىن سەرىكتەستىك قۇرىپ، ۇلتتىق كەستەشىلىك قولونەردى دامىتۋ تۇلعاسىندا سول وڭىردەگى ارتىق ەڭبەككۇشتەردى كاسپتەندىرىپ وتىر، بۇل وتە قۋانارلىق جاعداي، ەندى وسىعان تولىق ويىسىپ، ورايدى قولدان جىبەرمەي قۇلشىنا ىستەۋمىز كەرەك، ۇكىمەت سۇيەمەلدەپ قولتىعىڭىزدان دەمەگەن سوڭ ٴسوز جوق قاناتىمىزدى كەڭ جايساق دامۋدىڭ كوگىلدىر اسپانىندا سامعاۋىمىزدا شەك جوق. ءبىر كاسىپتى ىستەۋ ءۇشىن جۇرەكتىلىك پەن ۇمتىلىس، سەنىممەن باتىلدىق بولۋ كەرەك بۇعان ۇلتىمىزدىڭ كوپتەگەن ازاماتتارى مەن ازاماتشىلارى سايكەسىپ، وزىندە وزگەنى دە كاسىپتەندىرىپ وتىر. ال وسى ۇلتتىق قولونەر كەستەشىلىك ونەرمىزدەن ورىمدەي بولىپ شىعاتىن قارالا-سارالا سىرماقتار جايلى سىرلاسار بولساق، قازاق حالقىمىز سىرماقتى وتە قاستەرلەگەن حالىقپىز، بىرەۋ ۇيىنە كەلىپ بەلدەۋىنە ات بايلاسا ەسگىن اشىپ تورگە شىعارىپ، استىنا سىرماق جايادى، كوشكەندە جۇك ارتقان بەلدى اتان تۇيەلەردىڭ ۇستىنە سىرماقتىڭ ٴوڭىن كورسەتىپ جاۋىپ، كوشتىڭ سانىن، ۇلتتىڭ مادەنيەتىن بىلدىرەدى. بۇدان سىرت ۇلدى ۇيلەندىرۋ، قىزدى ۇزاتۋعا كۇنى بۇرىن جاساۋ دەپ ءار قايسىنا ازدەگەندە 3 دە 5 سىرماقتى تىگىپ دايىندايدى. ەرتەرەكتە حالىقتىڭ تۇرمىسى بىركەلكى بولماعاندىقتان كەي ۇيدە سىرماعى بولماسا باردامدار ۇيىندە سيىرىپ سالار ءبىر سىرماعى جوق دەپ سوگەتىن. قۋانىشتى توي-تومالاقتا تۋىس-تۋعان، اعايىن-دوستارى سىرماق اپارسا سىرماق اكەلىپتى دەپ جوعارى سانايتىن. قازىر قارجى بولسا بارى بار، وڭايىنا قىزىعىپ كىلەم اپارعان سوڭ سىرماقتىڭ قادىرى كەتىپ جۇرگەن جوق پا؟.

    مەن قارا قوستا قوزى قۇشاقتاپ، كۇشىك سۇيرەپ مالدى اۋىلدا ەرجەتكەنمىن. شەشەمنىڭ قولىنان ۇلتتىق قولونەر بۇيىمداردىڭ كەلمەيتىنى سانامالى ەدى، سوندىقتان شىعار ۇلتتىق بۇيىمداردىڭ كوپ ساندىسىنا قانىقپىن، سولاردىڭ ىشىندە سىرماق جايلى تاعى ايتار بولساق قازىرگى سىرماقتىڭ سانى مول، ساپاسى تىم شىركىناي بولماعاندىقتان قاباتقا شىعاالماي، شىقسادا تۇراقتاپ تۇرالماي كۇرەسىنگە تۇسىپ قادىرىنىڭ كەتىپ جۇرگەنى سول شىعار.

سۋرەتتە: تىگىپ جاتقان قازاقتىڭ قارالا-سارالا سىرماعى