ٴزاۋلىم قىزمەت بيناسىنىڭ تەرەزەسىنەن تىسقا قاراپ جاڭبىردان كەيىنگى تۇنىق اۋادان ٴلاززاتتانىپ، باسىنا قاراساڭ باس كيىمىڭ تۇسەتىن عيباراتتارمەن كوركەم كوشە جولدارىندا قايشالىسقان كولىكتەرمەن جۇرگىنشىلەرگە كوز تاستاپ، قالا قۇرىلىسى دامىعان، كوك اسپان، تۇنىق اۋا، ءمولدىر سۋ، جاسىل جايىلىمى بار وسىنداي كوركەم ورتادا جاساپ قىزمەت ىستەگەنىمدى ماقتانىش ساناپ تۇرعانىمدا؛ كەڭسە مەڭگەرۋشىسى كىرىپ كەلىپ، قولىما ءبىر پاراق قىزىل باستى حۇجاتتى ۇستاتتى دا شىعىپ كەتتى.

    حۇجاتتا تاۋلە قۇماش ۇلى «2022-جىلى تامىز ايىنىڭ ءبىرىنشى جۇلدىزىنان باستاپ دەمالىسقا شىعادى» دەپ جازىلعانىن كوردىم دە سوڭىن وقىماستان توبەمنەن جاي تۇسكەندەي مەلشيىپ وتىرىپ قالدىم.

    كۇندە باتىپ جۇمىستان ٴتۇسىپ ۇيگە باردىم، تاياۋدا دەمالىسقا شىعاتىن سياقتىمىن دەپ جان ۇياما جاسىرىپ كوڭىلسىزدىگىمدى كوز شالدىرمادىم، وتباسىمداعىلاردا جاقسى بولدى دەپ مارە-سارە قۋانىپ كەتتى.
مەزگىلسىز تاڭ اتپايدى دەگەن راس ەكەن، تاڭ اتقانشا اۋناپ- قۋناپ.

    «ۋاقىت نەدەگەن تەز ەدى» شەرىك عاسىر ياعىني 42 جىل قىزمەت ىستەگەن كەشەگى بوزبالا بۇگىن سامايىن قىراۋ باسقان دەمالىستاعى قارت كادرلاردىڭ قاتارىنا قوسىلعالى تۇرعانىم شىن با؟ 42 جىل قوعام ءۇشىن قوماقتى قىزمەت ىستەپ حالىقتىڭ قانداي مۇددەسىنەن شىعا الدىم با؟ ءتىلشى پارتيامەن حالىقتىڭ تىل- قۇلاعى، جاقسى ٴىستىڭ جارشىسى بولۋداي داڭىقتى كاسىپتى ساۋلەلەندىرىپ، ءبىر پارتيا مۇشەسىندىك رولىمدى تولىق اتقارا الدىم با؟ جوق الدە مەملەكەت قارجىسىنان ەڭبەكاقى الىپ، اپپاراتىم موينىمدا، قالام -داپتەرىم قوينىمدا سارپالداڭ قۇمىر كەشتىم بە؟ دەگەن سۇراقتار بىرىنەن-كەيىن ءبىرى سۋرتباقشا سۋرىلىپ، ويىمدى ونعا ءبولىپ، كوڭىل-كۇيىمدى بورداي بوپىراتىپ، بەس مينۋت كوز ىلدىرمەي مازالادى.

    راۋانداپ تاڭدا اتىپ، جۇمىسقا شىقتىم، كاسپتەستەردىڭ بارلىعى داڭىقپەن دەمالىسقا شىققانىڭىز بىزگەدە جۇعىستى بولىپ، ٴسىزدىڭ اق جولىڭىزدى بەرسىن دەپ قۇتتى بولسىن ايتىپ جاتتى.

    اقپارات دەيتىن الىپ كەمەنىڭ ۇستىندە قالامدى قارۋ ەتىپ اقپاراتقا ات سالىسىپ ورتاق قۇلشىنىپ جۇرگەن كاسپتەستەردىڭ اراسىنان الىستاۋ قابىرعامدى قايىستىرىپ، جۇرەگىمدى جۇدەۋ تارتتىرىپ، كوڭىلىمدى كوڭىلسىزدىكتىڭ بۇلتى تورلاعانىن قايدان ءبىلسىن باسىمدى يزەپ كاسىپتەستەرگە راقىمەت دەي بەردىم....

    توعىسپالى اقپارات ورتالىعى جالپى قىزمەتشىلەر قاتىناسقان مەنى اتتاندىرۋ شاعىن جيىنىن اشىپ، مەڭگەرۋشى چىڭ شۋاڭشي، انار سەرىك قىزى: بۇگىن وتە ءبىر قۋانىشتى كۇن بولدى، ويتكەنى، تاۋلە جولداس ءوزىنىڭ ارمياعا قاتىناسقان مەرەكە كۇنىندە داڭىقپەن دەمالىسقا شىقتى، ءبىر ٴومىرىن اقپاراتقا ارناپ، «شاعانتوعاي حابارى»، «بارلىق اياسى» ارناۋلى حابارلاردىڭ جاۋاپتى رەداكتورى، اعا ءتىلشى بولىپ ىستەۋ بارىسىندا ەشقانداي اعاتتىق وتكىزبەدى، سونىمەن بىرگە ەگىن-مال شارۋاشىلىعىن اتتى-جاياۋلى ارالاپ حابار-ماقالا جازىپ شاعانتوعايدى سىرتقا ۇگىتتەۋدەگى توكگەن تەر مارجانى تەگىن كەتپەدى. 11 رەت مەملەكەت دارەجەلى اقپارات سيلىعىنا، 30 رەت اۆتونوميالى رايون دارەجەلى اقپارات سيلىعىنا، 35 رەت وبلىس دارەجەلى اقپارات سيلىعىنا، 31 رەت ايماق دارەجەلى اقپارات سيلىعىنا يە، بۇدان سىرت كوپ رەت اۋدان جانە قىزمەت ورنى جاعىنان تاڭداۋلى پارتيا مۇشەسى، ۇزدىك اقپارات قىزمەتكەرى بولىپ، قىزمەت ورنىمىزعا جاقسى اتاق، كاسىپتەستەرىنە ۇلگى بولدى، دەمالىسقا شىققانىڭىز قۇتتى بولسىن دەپ ەستەلىك لوڭقا، كاسپتەستەردە ەستەلىك بۇيىم ۇسىنىپ قيماستىقپەن شىعارىپ قويدى.

    سەنەسىزبە؟ مەنىڭ قاتقان قابىرعامدى قايىستىرعان تاعى ءبىر ءىس بولدى، كەسكىنٴتۇسىرۋ، سۋرەت تارتۋ جانە كومپيۋتەر سياقتى قىزمەت ورنىمنىڭ قۇرىلعىلارىن تاپسىرىپ بەرگەندە «نوقتا- جۇگەنىن» العان جىلقىداي بولىپ، سالىمىم سۋعا كەتكەندەي ەسىم شىعىپ لەفىتپەن تۇسپەي باسپالداقپەن ٴتۇسىپ كەتىپتىم.......

    ءبىزدىڭ ٴۇي قىزمەت ورنىما 200 مەتردەي باسباي جولى بويىندا، ۇيگە تاياعان جول بويىنداعى جۇرگىنشىلەر دەمالاتىن ورىندىقتا ەندگى قىزمەت ورنىم وسى بولاتىن بولدى دەپ ويعا باتىپ وتىرمىن قولىمدا ءبىرقانشا كىتاپ-جۋرنالىم بار.

    كوشەدەن كوگونىس الىپ كەلە جاتقان جۇبايىم ماينۇر كەلىپ، جۇمىستان ەندى تۇستىڭبە دەدى؟ ٴيا، بۇگىننەن باستاپ دەمالىسقا شىقتىم مىناۋ دەمالىسقا شىققان كۋاناما، مىناۋ قىزمەت ورنىممەن كاسپتەستەر ۇسىنعان ەستەلىك بۇيىمدار دەپ قولىنا ۇستاتتىم. پو، باسشىلارىڭمەن كاسپتەستەرىڭە العىس ايتامىن، جاقسى بولىپتى دەپ قۋانىپ كەتتى.

    ال مەنشى؟ قىزمەت ورنىممەن كاسپتەستەرىمدى قيماي وكىرىپ جىلاعىم كەلىپ تۇرعانىن سەزدىرمەي، ٴيا، جاقسى بولدى دەدىم.

    ۇيگەدە كەلىپ، ەسىك اشىلار-اشىلماستان جۇبايىم ەكى بالاما شۇيىنشى اكەلەرىڭ داڭىقپەن دەمالىسقا شىعىپتى، قۇتتى بولسىن ايتىڭدار، مەن تاماق ىستەپ جاقسىلاپ تويلايىق،- دەدى.

    دەمالىسڭىز قۇتتى، دەنىڭىز ساۋ بولسىن اكە دەپ موينىمنان قۇشاقتاپ بالا كوڭىلدەرىن ٴبىلدىرىپ جاتعان قۇلىندارىما راقىمەت دەي بەردىم.

    داستارقان جايىلىپ، استا دايار بولدى، قازىرگى حابارلاسۋ قۇرىلعىلارى قانداي تەز الىس-جاقىنداعى تۋىس-تۋعان، دوس-جاراندارعا دا جەتىپ ۇلگىرىپ، بارلعى قۇتتى بولسىن ايتىپ جاتىر.

    بالالارىمنىڭ اناسى مەنىڭ كوڭىلسىز ەكەنىمدى الدە قاشان سەزىپ، اكەلەرىڭ دەمالىسقا شىقعانىنا رازى ەمەس سياقتى، ويتكەنى، اقپارات كاسبىن جان-تانىمەن سۇيىپ قىزعا ىستەيدى، ءبىرىڭ وقىتۋشى، ءبىرىڭ دارىگەر «دوكتور» سەندەردە دە اكەلەرىڭ سياقتى ۇكىمەت ىسىندە پاك، ادال بولىپ، پارتيا مۇشەسىندىك رولدارىڭدى بارىنشا ساۋلەلەندىرىپ، قىزمەت ىستەگەندە العا ۇمتىلاتىن جىگەر بولسىن، ال 42 جىل قىزمەت ىستەپ داڭىقپەن دەمالىسقا شىعۋىڭنىڭ ءوزى ءبىر باقىت، پارتيا، ۇكىمەتكە العىستان باسقا ايتارمىز جوق سولاي شىعار بالالارىم دەپ، ٴسوزىنىڭ سوڭىن سۋرتباقتاپ سەندەر نەدەيسىڭدەر دەگەندەي بولدى.

    ال مەن كۇندەگىدەي كوڭىلدى ەمەسپىن، تۋىستاردان كەلگەن قۇتتى بولسىن تەلفونىن اۋىرعان ادامشا ازەر الىپ، راقىمەت دەي سالىپ وتىرمىن.

    ءبىر كەزدە بالالارم اكە دەمالىسقا شىققانىڭىزعا كوڭىلسىزسىزبە؟ ءبىر ءومىرىڭىزدى اقپاراتقا ارناپ شەرىك عاسىر قىزمەت ىستەپ پارتيا، ۇكىمەتكە، تۋىپ-وسكەن اۋىلىڭىزبەن قىزمەت ورنىڭىزعا، وتباسى، تۋىس-تۋعاندارىڭىزعا جامان ات قالتىرماي داڭىقپەن دەمالىسقا شىققانىڭىز قانداي قۋانىش، باقىت. اقپارات كاسىبىن سۇيەتىنىڭىزدى بىلەمىز ەندى بوس ۋاقىتىڭىز ءتىپتى كوپ تاۋعا شىعىپ تابيعاتتى سۋرەتكە ٴتۇسىرىپ، تارتىمدى تۋىندى جازساڭىز دەمالىسقا شىقتى دەپ ەشكىم جازىپ-سىزۋىڭىزعا شەكتەۋ قويمايدى، قايتا، شىندىقتى نەگىز ەتىپ حابار-ماقالا جازساڭىز اقپارات باسىلىمدارى جاريالاپ، پارتيا، ۇكىمەت قولدايدى دەگەندە، ۇيقىدان ويانعانداي سەلت ەتىپ، جۇزىمە كۇلكى، بويىمدى قۋانىش تەربەپ، دەمالىسقا شىققانىمدى قۇتتىقتاۋعا الا جازداي اق باس شىڭىن قار باسىپ جاتاتىن بارلىق تاۋىنىڭ تەرىسكەيىندەگى تاستى ساياحات كورىنىس رايونىنىڭ كوركىم تابيعاتىن تاماشالاپ ءارى اپپارات كوزىنە تۇسىرۋگە وتباسمىزبەن اتتانعان ەدىك.

    ٴيا، «ۋاقىت نەدەگەن تەزەدى» سودان بەرى دە جىل اۋناپ، ايلار جىلجىپ، كۇندەر زىمىراپ باراسىڭ، تابيعاتقا تاڭعالمايمىن وكپەم جوق جارىق الەم داناسىڭ، حالقىم امان، باقىتتى زامان بولسىن دەپ اسپاندا كۇلىمدەگەن قىزىل كۇنىم، جەردە جەلبىرەگەن قىزىل تۋىم نۇرىڭدى توگىپ تۇراسىڭ تەك؛ سەندەر عانا تىرلىگىم مەن تىنىسىم!