ينفورماتسيا اشكەرەلەۋ: mzjubao@cnr.cn

ادەبيەت ارناسى

جالپاقتالدا اۋىلىم

来源:جۇڭگو قازاق راديو تورابى     |责编:阿依娜|     发布日期: 2023-05-10 16:54

(شاعىن ەسسە)


    باقىتبەك شايحى ۇلى

بارلىق تاۋعا ارقا سۇيەپ كوسىلگەن،
ىرگە تەۋىپ قۇت قۇلىستاي توسىنەن.
جانعا جايلى جالپاقتالىم جان ۇيام،
قۇشاعىنان تالاي تولەك وسىرگەن.
جالپاقتالدا اۋىلىم،
تارامايتىن ساۋىعىم.
بەرەكەسى جاراسقان،
اعايىن-تۋىس باۋىرىم.
جەر ٴجانناتى جاسىل پۇلىس جامىلعان،
الىستاسام قۇت مەكەنىم ساعىنام.
تاڭبالى تاس تاريحىڭنان سىر شەرتىپ،
بابام شەرتكەن شەجىرەلەر تابىلعان.
اڭساپ ارمان قۋعان جەر،
بەلىمدى العاش بۋعان جەر.
الديلەگەن انامداي،
ارداقتىسىڭ تۋعان ەل.
انگە سالىپ ٴۇش كەزەڭنىڭ بويىندا،
كوكپار تارتىپ كولدەنەڭنىڭ قوينىندا.
قۇربىلارىم قايدا بۇگىن بىرگە وسكەن،
سونىڭ ٴبارى ورالادى ويىما.


    قاراپايىم وسى ٴبىر ٴاندى ٴار كەز توي قۋانىش، باس قوسۋلاردا ٴان اۋەسكەرلەرىنىڭ ورىنداعانىن ەستىگەنىمدە قايتالانباس ٴومىر ساپارىمىزدا قىزمەت قاجەتىمەن اۋىل-قىستاقتاعى بولعان كەزدەرىمىزدە جاراتىلىس ٴوزى سيلاعان شۇرايلى جەر، ونداعى بەرەكە-بىرلىگى ايرانداي ۇيىعان قاجىرلى دا قاراپايىم اۋىل ادامدارىنىڭ ورتاسىنداعى ەستەن كەتپەس كۇڭىلدى كۇندەرىمىز ەسىمە ٴجيى ورالىپ، ۋاقىتتىڭ وتۋىمەن بۇل كۇندەرى ساعىنىششقا اينالىپ بارا جاتقانداي سەزىلەدى.


    «جالپاقتالدا اۋىلىم» ٴانى شىققاننان كەيىن كوپتەگەن دوس-جاران، ساباقتاستارىم، ۇزاق ۋاقىت حابار، ماقالا جازىپ، احبارات سالاسىندا ەڭبەكتەنگەنىڭىزدى بىلەمىز ال، ٴان تەكىسىن جازاتىن اقىندىق ونەرىڭىزدىڭدە بار ەكەنىن ەندى بايقاعانداي بولدىق دەسىپ قولداپ-قۋاتتاۋ كورسەتىپ، قۇتتى بولسىن ايتىسىپ، قۋانىشىما ورتاقتاستى. مەندە ٴان تەكىسىن جازۋداي توسىن ٴجايتتىڭ كەلۋ بارىسىن ولارعا تۇسىندىرۋمەن بولدىم.


    2016-جىلى 3-ايدا شاعانتوعاي اۋداندىق ۇيىمداستىرۋ ٴبولىمىنىڭ ورنالاستىرۋى بويىنشا شينجياڭ قازاقتارىنا تانىمالى كومەدىك قۋانتاي زاقان ۇلى، ٴبىرقانشا تانىمالى تەرمە، اندەردىڭ اۆتورى سازگەر باۋىرىمىز تۇرسىنعالي مۇقامەتجان ۇلى جانە باسقادا جولداستاربار اۋداندىق مادەنيەت دەنە- تاربيە راديو-تەلەۆيزيا ساياحات مەكەمەسىنەن قارابۋرا اۋىلىنىڭ جالپاقتال قىستاعىنا «حالىق جاعدايىن ۇعىسۋ، حالىققا تيىمدىلىك جاساۋ، جۇرت جۇرەگىن توعىستىرۋ» قىزمەت تالابى بويىنشا قىزمەت گرۋپپاسىنىڭ مۇشەسى بولىپ تۇسىپ، قىستاق ەكى كوميتەت كادىرلارىمەن كولەكتيۆ ۇيرەنۋدە، ەڭبەكتە بىرگە بولۋمەن قاتار قىستاقتاعى وتباسىلارىن ارلاپ، حالىق بۇقاراسىنىڭ حال-جايىن ۇعىسىپ، پارتيامەن ۇكىمەتتىڭ حالىق بۇقاراسىنا قاراتقان ٴتيىمدى ساياساتتارىن ٴار ٴبىر وتباسىنا دەيىن ۇگىتتەدىك. ٴارى ٴوزىمىزدىڭ مادەنيەت دەنە-تاربيە راديو-تەلەۆيزيا مەكەمەسىندە قىزمەت ىستەگەن كاسىپتىك ەرەكشەلىگىمىزدەن ۇتىمدى پايدالانىپ، قىستاقتا مەرەكە-مەيرامداردا حالىق جۇرتشىلىعىن مادەنيەت دەنە-تاربيە قيمىلدارىنا ۇيىمداستىرىپ، قىستىق ۇزاققا جۇگىرۋ، ارقان تارتۋ، كولەمدى باي مازمۇندى ادەبيەت كوركومونەر ويىن-ساۋىق نومىرلەرىن قويۋ، سونداي-اق اقىندار ايتىس ارەكەتتەرىن وزدىرىپ، حالىق بۇقاراسىن رۋحاني مادەنيەتپەن سۋسىنداتۋعا قۇلشىندىق.


    «ەل ٴىشى التىن بەسىك» دەگەندەي قاراپايىم دا قاجىرلى، پاتشا كوڭىل اۋىل ادامدارى، قىزىققا تولى اۋىل تۇرمىسى بىردەن وزىنە باۋرادى. بىزدە اۋىل تۇلەگى بولعاندىقتان بارعان ورتامىزعا بالداي باتىپ، سۋداي ٴسىڭىپ كەتتىك. قىزمەت بارىسىندا قىستاق ەكى كوميتەت باسشىلارى دا ٴبىزدىڭ قىزمەتىمىزدى قولداپ-قۋاتتاپ، سەلبەستىك جاساپ ٴار مەزگىل قىستاۋلىق، جايلاۋلىق وڭىرلەردەگى مالشىلارعا باستاپ بارىپ، حالىق بۇقاراسىمەن ىشكەرلەي ەتەنە بولۋىمىزعا جەر-سۋىمەن تانىسۋىمىزعا قولايلىق جاراتتى. كۇندەلىكتى قاربالاس قىزمەتتەن كەيىنگى كەشكى دەمالىس ۋاقىتىمىزدا قۋانتاي زاقان ۇلى اعامىز دومبىراسىن، تۇرسىنعالي مۇقامەتجان ۇلى گيتاراسىن الىپ شىعىپ قوس داۋىستا تامىلجىتا اسەم انگە سالىپ، شاعىن جاتاعىمىزدىڭ ٴىشىن دۋمانداتىپ جىبەرگەن كەزدەر دە ماڭايىمىزداعى كورشىلەر، قىستاق كادرلەرى كەلىپ، شاعىن كونسەرتىمىزدىڭ قۇرمەتتى تىڭدارمانى بولۋشى ەدى. ماۋجىراعان مامىر ايىنىڭ ٴبىر كەشىندەگى اڭگىمە دوكەنىن قۇرعانىمىزدا، سازگەر تۇرسىنعالي باۋىرىمىز اعالار ماقۇلدىق بەرسەڭىزدەر ٴبىر ۇسىنىس قويايىن دەپ وتىرمىن، ۇيىمنىڭ ورنالاستىرۋىمەن جالپاقتال قىستاعىنداعى بەرەكەسى ۇيىعان ەلىمەن، شۇرايلى جەرىمەن تانىسقانىمىزعادا ٴبىر جىل ۋاقىت بولدى. باي بارلىقتىڭ باۋرايىنداعى شۇرايلى جەردە ەگىن مال شارۋاشىلىق وندىرىسىمەن شۇعىلدانىپ باياشاتتى تۇرمىستىڭ ٴلاززاتىن بىرگە تاتىپ كەلە جاتقان ٴار ۇلت حالقىنىڭ بەرەكەلى تاتۋ ٴتاتتى ىنتىماعى ماعان ەرەكشە اسەر قالدىردى، سىزدەرگەدە سونداي اسەر ەتتى دەپ ويلايمىن. وسىنداي بەرەكەلى ورتاداعى باياشاتتى تۇرمىستى جىرلايتىن ٴبىر ٴان شىعارىپ، ەستەلىك ەتەيىك دەگەن ويىن ورتاعا سالدى.


    بۇل ۇسىنىستى بىردەن قابىل العان قۋانتاي زاقان ۇلى ٴبىر دەم ويلانىپ الدى دا ٴسوزىن قايتا ساباقتاي جالعاپ ٴان ٴسوزىن قالامىنان تالاي جاقسى حابار، ماقالا شىققان قارت تىلشىمىز باقىتبەك شايحى ۇلى جازسىن. وعان قويار تالاپ؛ ٴان ٴسوزى قاراپايىم دا ۇعىنىقتى حالىق بۇقاراسى ٴار كەز ايتىپ جۇرۋگە قولايلى بولسىن . ال ٴان اۋەنىن تۇرسىنعالي باۋىرىم ٴوزىڭ جاز دەگەن ورنالاستىرۋىن جاساعانى. بىزدە باسشىمىزدىڭ ورنالاستىرۋىنان الشاق كەتە المادىق.


    مەندە قىستاقتاعى كونە كوز قارتتاردان جەر-سۋ اتتارىن ىشكەرلەي سۇراپ ۇعىسۋىم مەن ارادا ٴبىر قانشا ۋاقىت وتكەننەن كەيىن كۇيىمنىڭ كەلىسىنشە ٴان ٴسوزىن جازىپ شىقتىم. ٴارى تەكىستى كورىپ، جالعاستى اقىلداسا ارتىنان اۋەندە شىققاننان كەيىن جوعارىداعى ەكى قىزمەتتەسىم دومبىرامەن گيتتارادا قوس داۋىستا ورىنداپ قىستاقتا ايتىپ ٴجۇردى. قىستاق باسشىلارى دا تىڭداپ، ٴساتتى شىققان تاماشا ٴان بولدى دەپ راحىمەتتەرىن ايتتى ٴارى 2017-جىلى 6-ايدىڭ 15-كۇنى جالپاقتال جايلاۋلىعىندا قىستاق جاعىنان وتكىزىلگەن مادەني قيمىلدا قۋانتاي مەن تۇرسىنعالي ارناۋلى ورىنداپ تۇساۋىن كەستى. وسىدان سوڭ قىستاقتاعى مەيىربان انالار قوعامىنىڭ مۇشەلەرى اۋىلىمىزعا ارنالعان وسى ٴاندى ٴبىز قىستاعىمىزداعى وزدىرىلعان ٴتۇرلى قيمىلداردا ايتىپ جۇرسەك دەگەن ۇسىنىستارىن ايتۋىندا مەيىربان انالاردىڭ ٴان اۋەسكەرلەرىنە ارنايى ۇيرەتىلدى. كەيىن قىستاقتان قايتاتىن ۋاقىتىمىزدىڭ جاقىنداۋىنا وراي قىزمەت گرۋپپامىزدىڭ باستىعى قۋانتاي زاقان ۇلى، قىستاق تۇرعىندار كوميتەتىنىڭ باستىعى قايرات كارىپجان ۇلى قاتارلى جولداستار باس بولىپ، قىستاقتاعى ونەرپازداردى جەبەپ، دارىپتەۋ ماقساتىندا ايماقتىق ويىن ساۋىق ۇيىرمەسىنىڭ ونەرپازدارىن جالپاقتال قىستاعىنا ٴبىر مايدان كونسەرت قويۋعا ارناۋلى ۇسىنىس ەتىپ، قىستاقتاعى ونەر اۋەسكەرلەرىن كاسىپتىك ونەرپازداردان تاجىريبە قابىلداپ ونەرىن ۇشتاۋلارىنا مۇمكىندىك جاراتىپ، ساحىنا كورۋىنە جەبەۋىندە اۋىل ونەرپازدارى قاناتتانىپ، قىستاق، اۋىل اۋدان جاعىنان وتكىزىلگەن مادەني قيمىلداردا وزدەرى دايارلاعان شاعىن كونسەرت نومىرلەرىن قويىپ حالىق بۇقاراسىنىڭ قارسى الۋىنا يە بولدى. ٴارى قىستاق ەكى كوميتەتى مەن قىزمەت اترەتى، شينجياڭ تەلەۆەزياسىنىڭ «جولاۋشى» ايدارىن قارابۋرا اۋىلىنىڭ جالپاقتال قىستاعىنداعى حالىق اراسىنان ٴبىر مايدان كونسەرت ٴنۇمىرىن الۋعا ارناۋلى ۇسىنىس ەتۋىندە 2017-جىلى 11-ايدىڭ 6-كۇنى قىستاقتاعى ونەر اۋەسكەرلەرى ٴبىر جارىم ساعاتتىق تارتىمدى كونسەرت قويدى. سول رەتكى كونسەرتتە قىستاقتاعى مەيىربان انالاردان قۇرالعان ٴان اۋەسكەرلەى «الپاقتالدا اۋىلىم»ٴانىن توپتىق حور رەتىندە ورىنداپ، كوگىلدىر ەكران ارقىلى بۇكىل رايونىمىز كولەمىنە تارالىپ حالىقتىڭ جاقسى باعاسىن الدى.


    وسى ورايدا ٴان ٴسوزىن تۇڭعىش جازۋىما جەبەۋشى بولعان اعايىن جولداستارعا، سونداي-اق كوگىلدىر ەكىرانعا كوتەرىلىپ، بۇكىل رايونىمىز كولەمىنە تارقالۋىنا كوپتەپ كومەك كورسەتكەن شينجياڭ تەلەۆيزياسىنىڭ جولاۋشى ايدارىنداعى قىزىربەك، باقىتگۇل قاتارلى جولداستارعا، بۇل كۇندەرى جالپاقتال قىستاعىنداعى مەرەكە-مەيرام، باس قوسۋلاردا «جالپاقتالدا اۋىلىم» ٴانىن ورىنداپ جۇرت جۇرەگىنە ۇيالاتقان انشىلەرگە سانسىز راقىمەتىمدى ايتامىن.


شاعانتوعاي اۋداندىق توعىسپالى اقپارات ورتالىعى

中央广播电视总台 央广网 版权所有

جالپاقتالدا اۋىلىم

بارلىق تاۋعا ارقا سۇيەپ كوسىلگەن، ىرگە تەۋىپ قۇت قۇلىستاي توسىنەن. جانعا جايلى جالپاقتالىم جان ۇيام، قۇشاعىنان تالاي تولەك وسىرگەن.