العىستى مەن مالشىنىڭ شاتتىعىنان كوردىم، قويىنىڭ قوزىلاعانىنا، سيىرىنىڭ تولدەگەنىنە ءماز، بالالارىنىڭ ۋنيۋەرسيتەت وقىعانىنا، قىزىنىڭ ورتا مەكتەپتە اعالاپ الدا جۇرگەنىنە شاتتانعان بەينەسىنەن كوردىم. ەندى بىردە ول ايەلىنىڭ دە قىزمەتكە ورنالاسىپ، قاربالاس تا ءماندى كۇندەر وتكەرگەنىنە ءماز. العىستى مەن اناۋ دۇكەنشىلەردىڭ جانارىنان كوردىم. اناۋ مالشى بالاسىنىڭ بىرنەشە دۇكەنمەن قوسا، مالشارۋاشىلعىن دامىتۋ سەلبەستىك كوفەراتيۋىن قۇرىپ، مال ءناسىلىن اسىلداندىرىپ، كىرىس كوزىن اشىپ، ءداۋىرگە ىلەسكەن شاتتىعىنان كوردىم. ءوزىنىڭ اقىل -پاراساتىمەن، داۋىرمەن تەڭ ىلگەرلەگەن جانداردىڭ اۋزىنان ءداۋىرگە دەگەن العىس ەسۋدە. ولاردىڭ ءبارىنىڭ دە جانارى تولى العىس، جارقىلعا تولى، شۋاققا تولى. سولاردى كورگەن سايىن ءوزىم دە بەلگىسىز العىس پەن شاتتىققا شومدىم!

    مەن العىستى اناۋ اۋلادان كوردىم، بىرەۋى پارنيىك سالسا، بىرەۋى جەمىس-جيدەك گۇل -شوپتەر ەگىپ، سولاردىڭ جايقالا تۇسكەنىنە قاراپ، شاتتانادى، ول ەڭبەكتىڭ الا كەلگەن شاتتىعىنا دەگەن العىس ەدى.

    - قوزىلارىم ساتۋعا جارادى، اناۋ تۇرعان بۇزاۋلاردا ءناسىلدى. بازار باعاسى نەداۋىر جاقسى، مالىمنىڭ جالپى سانى كوپ بولماعانىمەن، كىرىسى جامان ەمەس دەدى، ول ءوز جاعدايىن تانىستىرا. ءاسىلى قوراسىنداعى بىرنەشە تۇياق سير، جىلقىلاردىڭ ءبارى دە ءناسىلدى مالدار بولىپ سول اۋىلدىڭ وزىندەگى مال تۇقىمىن اسىلداندىرۋ فۋنكيتىنەن يگىلىكتەنىپ، مال ءناسىلىن جاقسارتقان ەكەن.

    بىزدە ۇلكەندەرى قادىرلەيىن اسىل سالت بار دەدى، اۋىلدىڭ قاتىستى جاۋاپتى كادرى ءسوز كەزەگىن الىپ، ءبىراق، ءبىز ۇرپاق تاربيەسىنە ءمان بەرۋىمىز كەرەك، ويىن تاماشاعا كوپ ۋاقىت ءبولدىك پە، ەڭبەككە مە قانەكي؟! قايسسىنا ۋاقىتتى كوپ بولسەڭ، ءسىز قايسسىنى كوپ حورەكتەندىرسەڭىز، سول جەمىس بەرەتىننە سەنىڭىز. باي بولساڭ، بالا وقىت،،،مىنە بۇل بۇگىنگى تاڭداعى ماقالدىڭ ساراسى!

    ۇلكەندەر ونىڭ ءسوزىن قۇپتاي جونەلدى. راس-اۋ، ۇرپاقتى ونەرمەن بىلىمگە، عىلىم مەن تەحنيكاعا باۋليىق. مىنە، ءبىزدىڭ ۇل ۇيدە وتىرىپ-اق تراكترعا سويلەسىپ، دەمدە، جەرىن جىرتقىزىپ، الدى، ال جازدا دا ءشوپتى سولاي شابادى، حابارلاسادى، ءشوپ شابۋ كولىگى دەرەۋ جەتەدى، باياعىداي جارىم -جارتىلاي كوشىپ بارىپ، اي بويى شوپپەن الىسۋ دا كەلمەسكە كەتىپ بارادى. وندا ءتىپتى اۋارايىنىڭ قاباعىنا قاراپ، تالاي ۋاعىمىز ءوتۋشى ەدى-اۋ. راس-اۋ، مەن العىستى اتىزداردا گۇرىلدەگەن كومبايىن داۋىسىنان، ءشوپ شابىس مايدانىنداعى موتور گۇرىلىنەن دە ‹‹كورگەندەيمىن››! ولاردىڭ بارىنەن مول ءونىمنىڭ، ىرىس-قۇتتىڭ بەلگىسىن بايقايمىن. مەن سايىن دالا توسىندەگى تۇلپارلار دۇبىرىنەن دە، تابىن -تابىن سيىرلار مەن قورا -قورا قويلاردان دا، ولاردىڭ الاڭسىز ۇيەزدەپ، ماڭعاز كۇيسەۋىنەن دە ءداۋىر تىنىسىن تىڭدايمىن. مىنە بۇل ءبىزدىڭ اۋىل، ءبىزدىڭ اۋىلداعى العىسقا تولى ساتتەر. سونىڭ ءبارى ءسىزدىڭ دە جۇرەككە جىلۋلىق، كوڭىلڭىزگە شاتتىق ۇيالاتارىنا سەنە بەرىڭىز!

    مەن العىستى عاسىرعا جۋىق جاساعان اتانىڭ اڭگىمەسىنەن، اجەنىڭ اقىلىنان كوردىم. مەن العىستى ونەردى سۇيگەن جۇرەكتىڭ قاجىرلىلىعىمەن، تاباندىلعىنان كوردىم. ونەر كوپكە جەتكىزەر دەيتىن تاعىلىمنىڭ تەرەڭىنەن ۇعىندىم. سوسىن دا ‹‹ءوزىڭدى ءوزىڭ ءاردايىم قايراماساڭ،

    قاتارىڭنان دەپ ەدىڭ قايدان اسام›› دەپ ونەر جولىندا تالپىنعان جانداردىڭ قۇرمەتتىڭ بيىگىندە، تابىستىڭ تورىندە جۇرگەننەن كوردەم، ونەر وعان سيلاعان بيىك بەلەستەردەن، ونەر ءبىلىم جولىندا تامعان ەڭبەك تامشىلارىنان كەيىن دە، تىم -تىم تازا ءمولدىرشىقتاي العىستاردى كوردىم. ءيا، اۋىل العىسقا تولى، وتاننىڭ بايتاق دالاسى العىسقا تولى...