كەزەك دۇنيە كەزبەلى نەسىبە (اڭگىمە)
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2017-08-30 16:13:00

    راحىمەتحان شوناي ۇلى 

    جاڭادان الماسىپ كەلگەن مەكەمە باستىعى جايشىلىقتا سىرتقا كوپ شققانىمەن قويماي، كەڭسەسىندە بولعان كەزدەرى ءار ءتۇرلى جۇمىستارمەن كەڭسەسىنە اناۋ-مىناۋ كەلىپ شارۋا بىتىرتسە، كەيبىرەۋى جۇمىسى بىتسەدە كەتپەي باستىقپەن بىرگە قىسىر كەڭەس سوعىپ وتىرىپ الاتىن-دى. سونىڭ كەسىرىنەن، ءجونىن كەلتىرىپ باستىعىنا جاقسىلاپ ايتا الماي جۇرگەن ورايبەكتىڭ بالاسىنىڭ ءبىر ماڭىزدى جۇمىسى بار بولاتىن. مەكەمەگە الماسىپ كەلە قالعاندا ارنايى قوناققا شاقىرىپ تانىسىپ اڭگىمەلەسۋگە قيۋى دا ءبىر كەلمەپ ەدى. جۋىقتان بەرى كوپ سىرتقا شىقپاي كەڭسەسىندە وتىرعان باستىعىنا ەندى ايتايىن دەپ ءجۇر ەدى، قىرسىققاندا باسپالداقتان ءتۇسىپ كەلە جاتىپ ابايسىزدا اياعىن قايىرىپ جىعىلىپ، ءبىر اياعىن جارالاپ العان باستىعى شيپاحاناعا جاتىپ قالعانى.


    تۇسكى استا ورايبەكتەن، ونىڭ باستىعىنىڭ شيپاحاناعا جاتىپ قالعاندىعىن ەستىگەن ونىڭ جۇبايى اقىلگۇلدىڭ ويىنا ءدال وسىنداي كەزدى تابىلماس وراي ەتكەن ەڭ ءبىر قولايلى امال تۇسكەنىن، كەشتە قىزمەتتەن تۇسكەنسوڭ قىمبات باعالى زاتتارىن الىپ، ەرلى-زايپتى ەكەۋى شيپاحاناعا باستىعىنىڭ كوڭىلىن سۇراي بارىپ اسىقپاي اڭگىمەلەسە وتىرىپ بالاسىنىڭ شارۋاسىن ايتىپ قالۋ تۋرالى ورايبەكپەن شۇيركەلەسە وتىرىپ اقىلداستى.


    -بۇنىڭ دا قيسىنى بارءجون ءسوز ەكەن- دەگەن ورايبەك از ويلانىپ بارىپ: - ءاي، ءبىراق، قازىر ولاي ىستەۋگە بولماس، ۇيتكەنى قازىر بۇرىنعىداي ەمەس زاڭ-ءتۇزىم قاتاڭ، ونىڭ ۇستىنە ادام كوپ شيپاحانادا ءبىزدىڭ اپارعان تارتۋ-تارالعىمىزدى ول كىسى قابىلداي قويارما؟ ەگەر اپارعانىمىزدى الماي قايتارىپ جىبەرسە قايتتىك ؟ بىلاي بولسا قايتەدى، وتە باعالى نارسە الماي-اق، قالپتى عانا سالەمدەمە الىپ كوڭىلىن سۇراي بارىپ وڭاشا بولسا اڭگىمەلەسە وتىرىپ شارۋامدى ايتىپ، شيپاحانادا ادام كوپ قولايسىز بولعاندىقتان، بۇل جولى پالەندەي قۇندى نارسە اكەلە الماعاندىعىمنىڭ سەبەبىن، قاجەت ەتكەنى بولسا كەيىن ارنايى ۇيىنە اپارىپ بەرەتىندىگىمدى بىلدىرسەم، قولىنان كەلىپ تۇرعان شارۋا عوي، قازىرگى جاعىدايدان الىپ قاراعاندا ەشتەمە دامەتپەي-اق، ءبىر ىڭعايىن كەلتىرىپ ءبىر ءجونىن كەلتىرەر، ءوزى دە ءبىر جاقسى ادام كورىنەدى، - دەدى .
اقىرى ەكەۋى اقىلداسىپ وسى اقىلعا توقتادى.


    تۇستەن كەيىنگى قىزمەتتەن ەرتەرەك ءتۇسىپ، كادىمگىدەي عانا سالە-ساۋقىتتارىن كوتەرگەن ورايبەكپەن جۇبايى اقىلگۇل شيپاحاناداعى مەكەمە باستىعىنىڭ كوڭىلىن سۇراي بارىپ، باستىعى جانە ونىڭ جۇبايى، كوڭىل سۇراي كەلگەن جانە باسقادا ادامدارمەن امان-سالەم جاساسىپ، ورىندىقتارعا سىپايى وتىردى. قورايبەك باسەكەڭنىڭ اياعىنىڭ قالايدان-قالاي جارالانعاندىعىن، قازىر قانداي بولىپ قالعاندىعىن، قانشالىقتى، قايتىپ اۋىراتىندىعىن، شيپاگەرلەردىڭ قانداي دياگىنوز قويعاندىعىن، دەمالىسىنىڭ ، ۇيقىسىنىڭ، جانە تاماقتانۋىنىڭ قانداي ەكەندىگىنە دەيىن سۇراپ بايەك بولدى. باسەكەڭ بولسا ورايبەكتەن قىزمەت جاعدايىن سۇراپ، كەي قىزمەتتەرگە نۇسقاۋ بەرىپءجون سىلتەپ، اياعى ءتاۋىر بولسا كوپ وتپەي ءوزىنىڭ بالنيتسادان شىعىپ قىزمەتكە باراتىندىعىن ايتتى.


    باستىقتىڭ كوڭىلىن سۇراي كەلگەن وزگە ادامدار كەتىپ، بالنيتسا ىشىندە ورايبەكپەن ونىڭ جۇبايى اقىلگۇل باستقپەن وڭاشا قالعان شاقتا، ورايبەك باستىعىمەن شۇيىركەلەسە اڭگمەلەسىپ، ايتايىن دەپ الدىن-الا ويلانعانى بويىنشا اۋەلى ءوزىنىڭ جالپى جاعدايىن، ودان بالاسىنىڭ شارۋاسىن بايانداي كەلىپ، باسەكەڭنىڭ وزىمەن جۇبايىن كەيىن جاقسىلاپ وتىرىپ رازى ەتەتىندىگىن ءبىلدىردى. اقىلگۇل بولسا قول-اياعى جەرگە تيمەي باستىقتىڭ ءدارى –دارمەك ىشەتىن قايناق سۋىن دايىندايءجۇرىپ ارەدىك اڭگىمەگە قۇلاق ءتۇرىپ، ورايبەكتىڭ ايتقاندارىنا قىسقاشا ءسوز قىستىرىپ، تولىقتاپ قويدى.


    ورايبەكتىڭ كوڭىلىن دە، كوكەيىندەگىسىن دە بىردەن تۇسىنگەن باستىعى ىشتەي:- وسىنداي دا شارۋا ايتاتىن ادام بارما ەكەن؟ ءسوزىڭ مەن ارەكەتىڭە قاراعاندا، سەندە ءبىر مۇيزىڭە سۋ جۇقپاستىڭ ءوزى ۇقسايسىڭ، وزىڭشە قازىرگى زاڭ-ساياساتتى كولدەنەڭ تارتىپ، ماعان وپ-وڭاي جۇمىس ءبىتىرتىپ الا قويامىن دەپ وتىرسىڭ-اۋ، ءا. – دەپ ويلادى.


    شيپاحانا توسەگىندەگى جاستىعىن بىيكتەتىپ، وڭعا قاراي قىرىنداپ جامباستاي جاتىپ، بوياۋى بوزعىلداي باستاعان قىسقالاۋ شاشىن ساۋساعىمەن قايقايتا تاراپ، تاماعىن كەنەپ قويعان باسەكەڭ ورايبەكپەن ونىڭ جۇبايىنا ۇلكەن كوزىن قاداي كەزەك قاراپ الىپ: - ەەە، ورەكە، ايتقانىڭ ءجون، ءبىراق قازىرگى زاڭ-ءتۇزىمنىڭ قانشالىقتى قاتاڭدىعىن ءوزىڭ دە جاقسى بىلەسىڭ، بۇرىنعىداي ءۇيتىپ-ءبۇيتىپ قانداي شارۋالاردى ىعىنا كەلتىرىپ بىترە سالاتىن جاعىداي قايدا، ونىڭ ءبارى كەلمەسكە كەتتى. قازىر ءاركىم ءوز باسىن قورعاعان زامان بولىپ بىرەۋەگە ءبىر شارۋا ءبىتىرىپ بەرەم دەۋ قيىنعا سوقتى عوي، وقۋ بىتىرگەن بالالاردىڭ قىزمەتكە ورنالاسۋى، كادىرلاردىڭ قىزمەت ورنىن الماستىرۋ دەگەن سياقتى جانە باسقادا جۇمىستار تۇگەل جوعارىنىڭ بەلگىلەمە، زاڭ- ءتۇزىمى بويىنشا عانا جۇرىلەتىن بولدى ەمەسپە. سول ءۇشىن، قول ءۇشىن بەرمەدى –دەپ اعاڭا وكپەلەمەيسىڭ عوي، جاعىداي بۇرىنعىداي تۇرعان بولسا، ءبىر بالانىڭ شارۋاسى دەگەن نە ءتايىرى. ونىڭ ءۇستىنە مەن وسى ورىنعا جاڭادان كەلدىم، ءىس جۇزىندىك ناقتىلى جاعىدايعا قانىعىپ تا بولعام جوق.


    ال، اسىقپاساڭ كەيىنءبىرءجونى بولىپ جاتسا وندا تاعى قاراپ وتىرماسپىز .- دەدى.


    ءبىر-بىرىنە قاراعان ورايبەكپەن جۇبايى ەكەۋى جارىسا ءتىل قاتىپ: -ەەە، ول ايتقانىڭىز ءجون عوي، بىزدىكى ەندى، ءوز قولىمىزدان ەشتەمە كەلمەگەنسوڭ سىزدەردى اعا كورىپ، ارقا تۇتىپ ايتقان عوي، بولادى، وندا، كەيىن وراي بولسا ايتەۋ، ەسىڭىزدە ءجۇرسىن-دەگەننەن ارى بارا المادى دا، كەرىلە ەسىنەگەن ورايبەك ءسوزىن جالعاپ:- ۋاقتتا ءبىر جەرگە بارىپ قالعان ەكەن، حا جۇيجاڭ ، وندا ءبىز جۇرەيىك، جۇمىس بولسا ايتىڭىز، تاعى كەلىپ حابارلاسىپ تۇرامىز عوي، تەزىرەك جازىلىپ شىعۋىڭىزعا تىلەكتەسپىز، اياعىمىز جەڭىل بولسىن، ساۋ بولىڭىز – دەپ حا جۇيجاڭىمەن قوشتاستى. شيپاحانانىڭ قاقپاسىنان شىعىپ باراجاتىپ جۇبايىنا قاراپ، ءسال ەزۋ تارتىپ: حا جۇيجاڭ ەكەۋىمىز تەڭدە-تەڭ بولعامىز جوقپا – دەدى.

اۆتوردىڭ ءادىرىسى: ساياسي كەڭەس كوكتوعاي اۋداندىق كوميتەتى