وقىتۋشىلار مەرەكەسىنە
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-11 15:35:00

قۇرمانالى قاپار ۇلى

 

ۇستازدارىم ەگەيلەرىم ەرلەرىم، قانداي ۇلى قاسيەتتى ەڭبەگىڭ.

شام شىراعى سەندەرسىڭدەر عالامنىڭ، سارقىلماس-اۋ ۇرپاقتارعا بەرگەنىڭ.

 

قالجىراۋلى جۇزدەرىڭدە شارشاۋ بار، قاجىتتى ما جولىڭداعى قايقاڭدار.

سابىرلىسىڭ تەك جىميىپ قوياسىڭ، كەزدەسكەندە قوشامەت پەن القاۋلار.

 

بىلگەن ادام پاكتىگىڭە تابىنار، ءوزىن ارناۋ اسىل رۋحىڭ تاعى بار.

قاراپايىم دەگەن ۇعىم شىن بولسا، تەك سەندەردىڭ بويلارىڭنان تابىلار.

 

جاراتىلدىڭ ۇرپاقتاردىڭ قامىنا، كىر جۇقپايدى سول ءۇشىن دە ارىڭا.

جۇرمەسەڭ دە باسقالارداي بوي تۇزەپ، ۇيالاعان ەڭ سۇلۋلىق جانىڭا.

 

كوسەم دانا باتىر تۋسا ارقالى، ۇستاز عانا بەتكە ۇستايتىن قالقانى.

ۇستازدارسىز قوعامنىڭ دا قۇنى جوق، تىرلىكتىڭ دە ۇزىلەدى ارقانى.

 

بولاشاقتىڭ باعدار شامىن مەڭگەرگەن، ۇلىلىقتا ەشكىم اسپاس سەندەردەن.

"ادام" جاساۋ مىندەتىڭ بار جاپالى، رۋدا الىپ ساناڭداعى كەندەردەن.

 

داڭقتىڭ دا گۇلى جاۋىپ كەۋدەڭدى، تاعاسىڭدار ءالى تالاي وردەندى.

ۋا، ۇستازدار قۇتتى بولسىن مەرەكەڭ، وتان، حالىق قۇرمەتتەيدى سەندەردى.