ءىس-ارەكەتىڭىزدى كىم بەلگىلەۋ كەرەك؟
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-10-12 17:33:00

 

شۋان شياۋلەي


    قۇربىم فاڭ فاڭ اقىلدى دا ىسكەر بويجەتكەن ەدى. ول ءبىر جىگىتكە عاشىق بولىپ، ەكەۋى ءسوز بايلاسقان بىرنەشە ايدان سوڭ، جىگىتىنىڭ العاشقىداي ەمەس سالقىنداپ بارا جاتقانىن بايقاپ، قايتەرىن بىلمەي ابىرجيىپ ٴجۇردى. بۇلاردىكى دە بەينە قىز-جىگىتتەردىڭ ماحاببات داۋى سىندى. جىگىتتەر قىزداردى قولىنا قوندىرعان سوڭ، اقىرىن ارتىنا ءبىر قادام شەگىنەتىنى، قىز بالانىڭ قۇلاي سۇيىپ، ماحابباتتىڭ شىڭىراۋىنا قۇلاي بەرەتنى سىندى.


    ەگەر تەك ماحابباتتاسقان ەكى ادام قارسى جاعىن سۇيگەنىن سالماقتاپ تارازىلاپ تالاسپاسا، فاڭ فاڭنىڭ مىنەز-قۇلقى دا بۇلاي وزگەرمەگەن بولار ەدى.


    ەكەۋىنىڭ كەزدەسۋى كوڭىلدى بولعان دا، فاڭ فاڭ ۇيگە قاعاناعى قارىق، ساعاناعى سارىق بولىپ جايراڭداپ قايتاتىن، قىزمەتى مەن دەمالىسى دا جايىندا. جۇمىسىنا پەيىلىمەن كىرىسەتىن.


    ەكەۋ ارا ىرىڭ-جىرىڭ بولعان كۇنى نە جىگىت تەلەفونىن ٴسوندىرىپ الىپ ونى ەلەمەسە، تۇنىمەن دۇڭبەكشىپ، اھىلاپ، ءتىپتى اۋەلى شىلىم تارتىپ، بولسا ازداپ شاراپقا ماس بولىپ، كومپيۋتەردەن كوزىن المايتىن.


    وسى ارادا ويىما مىناداي ءبىر شاعىن اڭگىمە تۇسىپ قالدى.


    مەنشىكتى شولۋشى حارريس پەن ونىڭ دوسى جول بويىنداعى جايمادان ءبىر پارشا گازەت ساتىپ الادى ەكەن. دوسى گازەت ساتۋشىعا اسا ىلتيپاتپەن «راحىمەت!» ايتقان بولسا دا، گازەت ساتۋشى مەلشيىپ تۇرا بەرىپتى.


    گازەت ساتۋشىنىڭ قىلىعىن جاقتىرماعان حارريسكە دوسى: ول وسىنداي ادام،-دەيدى.


    -پوزيتسياسى ناشار ەكەنىن بىلە تۇرا، وعان نەگە سىپايىلىق تانىتاسىڭ.


    -نە ءۇشىن مەنىڭ ءىس-ارەكەتىمە ونىڭ شەشىم جاساۋىن كۇتەمىن،-دەيدى دوسى.


    كەزىندە وسى اڭگىمەدەن اڭعارعانىم، فاڭ فاڭنىڭ ماحابات حيكاياسىندا، كوڭىل-كۇي عانا ەمەس ءىس-ارەكەتىن تۇگەلىمەن جىگىتىنىڭ ۋىسىنا ۇستاتقانى بولدى. تۇرمىستا بىزدىڭ ءىس-ارەكەتىمىز ۇنەمى باسقالاردىڭ ەمەۋرىنىنە قاراي وزگەرىپ وتىراتىن كەزى بولادى. ال ءىس-ارەكەتتە باسقانىڭ رايىنا باعىپ، سىڭايىنا بويلامايتىن ادامدار ٴبىزدىڭ قۇرمەتتەۋىمىزبەن ۇيرەنۋىمىزگە ابدەن تاتيتىن ادامدار بولماق.


    حانزۋشادان اۋدارعان: ماحاببات قۇدايبەرگەن قىزى (تورابىمىزدىڭ ۇسىنىس ەتىلگەن ٴتىلشىسى)