وتانشىلدىق اۋەندەر
كەلۋقاينارى: |جاۋاپتى رەداكتور: | جاڭالانعان ۋاقىت:2018-03-13 17:08:00


    قاپيزا ساقابا قىزى (زەينەتكە شىققان قارت وقىتۋشى)


امانات


بالام سەندەر قۇلپىرعان گۇلدەيسىڭدەر،
جەتپىستەن اسقان مەنى كىم دەيسىڭدەر.
بىلەسىڭدەر، نەمەسە بىلمەيسىڭدەر،
وتان ءۇشىن وت باسساڭ كۇيمەيسىڭدەر.

ەرلىك دەگەن ونەردىڭ ءبىر سىڭارى،
تىرلىك ءمانى ونان دا ءتىلسىم ارى.
جاستىق شاقتا جالىنداپ جانا الماساڭ،
جىگەرىڭ جورگەگىندە تۇنشىعادى.

جۇرەگىڭ تولسىن ءار كەز ۇلى ۇمىتكە،
قامالىپ كۇن وتكىزبە قۇر كۇدىككە.
ىزگىلىكتىڭ شۋاعىن شاشىپ تۇرىپ،
كەيىنگى ۇرپاقتارعا ۇلگى تىكتە.

جۇزىڭدە قۇرمەتىڭ سيىڭ تۇرسىن،
جۇرەگىن بارشا جۇرتتىڭ ءسۇيىندىرسىن.
وتان - سەنىڭ وت باسىڭ، امان بولىپ،
توبەڭە جەلبىرەتىپ تۋىڭدى ءىلسىن.

تىلەۋىن كۇن-كۇن سايىن كوپتىڭ تىلەپ،
باياندى تىنىشتىق دەپ سوقسىن جۇرەك.
ءبىر جەڭنەن قول، جاعادان باس شىعارىپ،
بەس ساۋساقپەن بىرىگىپ كەتسىن بىلەك.

قىران بول سەن، بۇلتتى ءتىلسىن قاناتىڭ،
تۇلپار دا بول، تۇياقتان وت جاناتىن.
ەلدىگىڭ مەن ورلىگىڭدى ايگىلەپ،
ەرلىگىڭنىڭ جۇرەگىڭە جاق وتىن.

جىلدار ءوتسىن، ايدا كەتسىن ارى اۋناپ،
تىنىشتىقتىڭ كۇيىن شەرتسىن ءبار اۋماق.
«ۇلى جۇڭحۋا جاساسىن» - دەپ تىلەڭدەر،
وتانشىلدىق رۋحتارىڭ الاۋلاپ.

كوبى كەتىپ ازى قالدى ءومىردىڭ،
كەلتە عۇمىر ءوتتى، كەتتى نە ءبىلدىم.
كوش باسشىمىز - كوممۋنيستىك پارتيا،
مىقتى ەكەنىن ۇمىتپاڭدار تەگىڭنىڭ.

ارقالاڭدار، اۋىر جۇگىن ەلىڭنىڭ،
ايالاڭدار، ءشوبىن، سۋىن جەرىڭنىڭ.
تۋعان جەردىڭ توپىراعى مەن تاسى التىن،
اۋناپ-قۋناپ جاتقىڭ كەلەت، كەرىلگىڭ.

قارتايسامدا تاسىپ ارمان قانىمدا،
ءبىر ىزگى ءومىت جاتىر مەنىڭ جانىمدا.
ءادىل بيلىك، ءادىل زاڭنىڭ بارىندا،
جاستار سەندەر جابىرقاماي جالىندا.

كەدەي كورسەڭ ۇسىنىڭدار قول ءۇشىن،
كەمدىك كورىپ كەمىمەيسىڭ ول ءۇشىن.
وسى ولكەدە تۇرعان كەزدە قونىسىڭ،
كەڭەيمەسە تارايمايدى ءورىسىڭ.

بۇل ايتقانىم بولسىن مەنىڭ ۇلاعات،
قاجەت بولسا كوڭىلىڭە ۇيالات.
وسى كۇندە وسەم دەگەن جاستارعا،
كەسىپ ايتام قىلماڭدار دەپ قيانات.

كوسىلۋگە كارىلىكتەن كۇي كەلمەي،
سىرتتان ايتتىم وزدەرىڭدى ءبىر كورمەي.
باقىتتى ءومىر سۇرگىڭ كەلسە ەگەردەن،
سۇي وتاندى، ءوز اناڭدى سۇيگەندەي


تارباعاتاي قۇت مەكەنىم


تارباعاتاي قۇت مەكەن جەر ۇيىعىم،
كوپ ۇلتتىڭ تۇلعاسىسىڭ بىرلىگىنىڭ.
سەن ءبىزدى قۇراپ تۇرعان شاڭىراقسىڭ،
مەن سەنىڭ شانىشىلعان ءبىر ۋىعىڭ.

قۇت ەدى ويى قانداي، قىرى قانداي،
تاسى التىن، ءشوبى شۇيگىن، سۋى بالداي.
قول ۇستاسىپ، تۋىس بوپ كەتكەن حالىق،
بەرەكەگە ۇييدى ءبىرى قالماي.

ساپىرىپ التىن ءدانىن دارقان دالاڭ،
اسپانمەن تىلدەسەدى كوركەم قالاڭ.
ىنتىماعى جاراسقان ءار ۇلت حالقى،
ءبىر نيەت، ءبىر تىلەكپەن وركەن جايعان.

تارباعاتاي ايماعىم ىرىستى باي،
پا، شىركىن، قوعامىنىڭ تىنىشتىعى-اي!
بەرەكەنىڭ دامىنە شاقىرايىن،
ءبىزدىڭ ۇيگە كەلىڭدەر تۋىسشىلاي.


جۇڭگو ارمانى ىزگى ارمان


ارايلاپ اتا بەرسىن اق تاڭدارىم،
جۇڭگو ارمانى شىرقايتىن اسقاق ءانىم.
جاناردان نۇر، بويىمنان حال كەتكەنشە،
ورتالىقتىڭ ۇندەۋىن اتقارامىن.

قۇدىرەتتى ەل قۇرۋ ارمانىمىز،
جاپالى ءارى داڭقتى الداعى ءىس.
مايەكتى مادەنيەت بولعان كەزدە،
تابىسپەن تاڭعالدىرار تاڭدارىمىز.

ۇلى جۇڭحۋا مارتەبەڭ بيىكتەسىن،
جۇڭگو ارمانى ۇلى ارمان ، سۇيىكتى ەسىم.
ءبىر نيەت، ءبىر تىلەكپەن اتتانايىق،
اتتىڭ باسىن ەشكىمدە ىرىكپەسىن.

اسقاردا جەلبىرەتتىك جەڭىس تۋىن،
(شىنىمەن بىزدەرگە ءتان جەڭىس بۇگىن.)
جۇڭگو ارمانىن جىرلاعان اسقاق اندەر،
ۇلى وتاننىڭ كەرنەسىن كەڭىستىگىن.

بەس جۇلدىزدى نارت قىزىل تۋ ۇستادىڭ،
پارتيا باعداردى ۇلى دۇرىستادىڭ.
حالىقپەنەن تىلەكتى توعىستىرىپ،
جۇڭگو ارمانى-ىزگى ارمان، ۇلىقتادىڭ.

گۇل جايناپ بالاۋسالى الداعى ءومىر،
شالقىدى شاتتىق كەرنەپ اردا كوڭىل.
56 ۇلت جۇمىلا ەڭبەكتەنىپ،
جاڭاردى اۋىل-قىستاق، قالا دا ءوڭىر.

ۇلى وتان ماپەلەگەن انامدايسىڭ،
(ءۇمىتىڭ اقتالماسا الاڭدايسىڭ.)
ارماننىڭ بيىك-بيىك شىڭدارىنا،
مەن بۇگىن كىمنەن كەممىن بارالمايتىن.

ساۋان اۋدانى2-ورتا مەكتەپ