ساعىندىق التايدىڭ اپپاق قارىن
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-06-06 15:33:00


ولەڭىم-وركەنىم پارتيام


توقاي جۇمابەك ۇلى


سەندە ەرجەتتىم وسى مەنىڭ سالىمىم،
ەلدەن اسقان كومپارتيام دارىنىڭ!.
ميلليارتتى باستاپ العا باراسىڭ،
عاسىر جاسقا تاياپ قالعان الىبىم!!

ەلىڭ مىناۋ باي-باقىتتى قوردالى،
گۇلدەندىردىڭ جۇڭحۋادايىن وردانى.
الالاماي نۇرىن توگىپ بارىنە،
بارلىق ۇلتتىڭ بولدىڭ راس قورمالى!.

قارسى الىپ تابىس پەنەن اق تاڭدى،
ساپارعا ۇلى كومپارتيام اتتاندى.
كويلەگى كوك، تۇرمىسى شات بولعان سوڭ،
جانۇيالار باقىت قۇشىپ شاتتاندى.

مەيىر توكتىڭ وڭىڭ مەنەن سولىڭا،
قارامايمىز ەندى ەشكىمگە قورىنا.
دۇنيەنىڭ كورىنىپ العى لەگىنەن،
دامۋدىڭ تۇستىڭ سارا جولىنا!.

قانات قاقتىڭ بولاشاققا قىرانىم،
ورنىقتىلىق بولىپ ىلعي ۇرانىڭ!.
ەڭسەڭ بيىك بولا بەرسىن ماڭگىگە،
التىن ۇيا ۇلى جۇڭحۋا تۇراعىم!.
تەگىن تاربيەلەپ بولاشاعىڭ بالانى،
وركەندەتتىڭ ەلدەگى ءار سالانى.
اسقىنعاننىڭ موينىن استىنا تۇستى دە،
جەمەڭقوردىڭ تۇمسىقتارى قانادى!

قۋات الىپ قاناتتارعا قالىقتار،
ءار سالادان قاناتتاندى الىپتار.
ءار كاسپكە دامىيتىعىن كۇن بولدى،
جويىلعان سوڭ ٴتۇرلى المان سالىقتار!.

امان بولشى ۇلى جۇڭحۋا انامىز،
بار باقىتتى ءبىر وزىڭنەن تابامىز.
دۇنيەنى ٴالى دە جالت قاراتىپ،
دامي بەرگىن الىپ ۇيا دانامىز!!.

ورنەك سالىپ ەكەۋمىز

ٴوڭىن اشىپ سىلانادى جاۋسا كۇن،
كەمپىرقوساق كەلتىرەدى تاۋ سانىن!
سول كورىنىستى ٴبىزكەستەمەن قوندىرىپ،
كەرگىشتەردە گۇل توگەدى ساۋساعىڭ!.

سۋلۋلىق تۇرسا سولاي سورعالاپ،
بەرگەنى عوي تابيعاتتىڭ قولعا باق.
اق قاعازعا سالىپ ٴومىر ورنەگىن،
قالامىمدا كەتەر مەنىڭ جورعالاپ.

جايلاۋدان اپ ورنەكتەردىڭ سياسىن،
كوركەمدكتى سولاي قالقام جياسىڭ.
سۋلۋ دالا قاۋشادى بىزبەنەن،
گۇل جايناتىپ جارىقتاردىڭ ۇياسىن!.

ٴوزىڭ بولىپ ورنەك سالعان سەرىگىم،
مەندە وتىرام ۇستاي قالىپ «جەلىگىم»
جايناتسام دەپ ادامداردىڭ ٴومىرىن،
باسام سولاي كوركەم ويدىڭ كورىگىن!!

كەۋدەمدە بۇرىق-بۇرىق ەتىپ اقبۇلاق،
قىتىقتايدى بۇيىمدى ءتاتتى ىرعاق.
سەن وتىرسىڭ باياۋ عانا جىمىيىپ،
يمەك ٴبىزىڭ ساۋساعىڭدا شاپقىلاپ!.

سەن اۋىلدا مەن جايلاۋدا وسكەن ەك،
گۇل تەڭىزىن جالاڭاياق كەشكەن ەك...
سەن بۇلعا ورنەك سالساڭ اياۋلىم،
مەن ٴومىردى جازام سولاي كەستەلەپ!!