باقىت تۇيسىگى جوعارى قارتتار
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-06-06 15:46:00


    ادام عۇمىرى قامشىنىڭ سابىنداي، سوندىقتان باقىتتى عۇمىر كەشۋ بارىنەن دە ماڭىزدى. زەرتتەرمەندەر باقىت تۇيسىگى كۇشتى قارتتار جونىندە قورىتىندى شىعارعان.


    ءبىرىنشى، قىزمەتكە بەرىلە كىرىسكەن قارتتار. زەرتتەۋدە كورسەتىلۋىنشە، ۇمىتكەرلەر ءوزى سۇيەتىن قىزمەتتى تاڭدايدى ەكەن. ولار زەينەتكە شىقسا دا، قىزمەت قىزعىندىلىعىن تۇرمىستىڭ ءار قايسى بۋىنىنا ءسىڭىرىپ، وسى ارقىلى باقىت تۇيسىگى مەن تۇرمىس ساپاسىن جوعارىلاتقان.


    ەكىنشى، ءۇرتىس جاڭالىق جاراتا الاتىن قارتتار. زەرتتەۋدە كورسەتىلۋىنشە، ارتىقشىلىعىنان شەبەرلىكپەن پايدالانىپ، ءۇرتىس جاڭالىق جاراتا الاتىن قارتتاردىڭ باقىت تۇيسىگى كۇشتى بولادى ەكەن. ايتالىق، تاماق ازىرلەۋگە شەبەر قارتتاردىڭ وتباسىنداعىلار ءۇشىن ءبىر ءتۇرلى جاڭا قۋىرماش دايىنداپ بەرە الۋى، كوركەمونەر جاسامپازدىعىن ۇناتاتىن قارتتاردىڭ قارتتار كوركەمونەر تۋىندىلارى كورمەسىنە قاتىناسۋى سياقتى قيمىلدار باقىت تۇيسىگىن جوعارىلاتادى ەكەن.
ءۇشىنشى، وڭاي كۇدەر ۇزبەيتىن قارتتار. كۇردەلى ماسەلەگە ءدۇپ كەلگەندە تايسالمايتىن، تۇرلىشە امال قولدانىپ شەشۋدىڭ شاراسىن تابۋعا تاباندى قارتتاردىڭ جەڭىسكە قول جەتكىزۋ سالىستىرماسى، ءۇمىتسىز قارتتاردان جوعارى بولادى ەكەن. وڭاي كۇدەر ۇزبەيتىن قارتتار باستان–اياق ۇمىتكەرلىگىن ساقتاي الاتىندىقتان، ماسەلەنى شەشۋدىڭ جاڭا شاراسىن تابۋعا شەبەر كەلەدى.


    ءتورتىنشى، ۇمىتكەرلەرمەن ارالاساتىن قارتتار. زەرتتەۋدە كورسەتىلۋىنشە، اشىق-جارقىن ادامدارمەن ارالاسا بىلگەندەر ءتىپتى دە كوڭىلدى عۇمىر كەشەدى ەكەن. قوساعى، ۇرپاعى جانە دوس–جاراندارى بەلسەندى، ۇمىتكەر بولسا، قارتتاردىڭ تۇرمىستان قاناعاتتانۋ دارەجەسى ءتىپتى دە جوعارى بولادى ەكەن.


    بەسىنشى، باسقالارعا العىس ايتا بىلەتىن قارتتار. زەرتتەۋدە كورسەتىلۋىنشە، مەيىر–شاپاعاتقا جاۋاپ قايتارۋدى بىلەتىن، ۇنەمى العىس ايتۋ تۇيسىگىمەن عۇمىر كەشكەن قارتتاردىڭ تۇرمىسى كوڭىلدى بولىپ، ۇزاق عۇمىر كورەدى ەكەن.


    التىنشى، كەك ساقتامايتىن قارتتار. زەرتتەۋدە كورسەتىلۋىنشە، بىرەر شارۋاعا جولىققاندا كەڭ پەيىلدىلىك تانىتا بىلەتىن قارتتاردىڭ باقىت كورسەتكىشى جوعارى بولادى ەكەن.


    جەتىنشى، كىسىلىك بايلانىسقا كوڭىل بولەتىن قارتتار. زەرتتەۋدە كورسەتىلۋىنشە، وتباسى مەن قوعامنىڭ قولداۋى باقىت–قۋانىشتىڭ ماڭىزدى فاكتورىنىڭ ءبىرى ەكەن. سوندىقتان تاتۋ كىسىلىك قاتىناستى ساقتايتىن، وتباسىنداعىلار مەن دوس–جاراندارىنىڭ سەنىمى مەن قۇرمەتىنە بولەنگەن، سىرلاسا بىلەتىن قارتتاردىڭ باقىت تۇيسىگى كۇشتى بولادى ەكەن.


    سەگىزىنشى، كۇندەلىك جازاتىن قارتتار. زەرتتەۋدە كورسەتىلۋىنشە، كۇندە بىرنەشە مينۋت ۋاقىت بوساتىپ، تۇرمىستاعى تاماشا ىستەردى ەستەلىككە الاتىن قارتتار سيلاسىمدى كەلەدى ەكەن. كوڭىلدى ىستەردى ەستەلىككە الىپ، وزىنە وڭ ەنەرگيا تولىقتايدى ەكەن.


    توعىزىنشى، كۇلىمسىرەي بىلەتىن قارتتار. كۇلىمسىرەۋ–ۇمىتكەرلەر ەڭ ۇناتاتىن ىستەردىڭ ءبىرى. كۇلىمسىرەۋ دەنساۋلىققا پايدالى. كۇلىمسىرەۋ قىسىمدى جەڭىلدەتىپ، كوڭىل كۇيدى رەتتەيدى. ادامدارعا ءتىپتى دە جاناسقىش بولادى. دوس–جارانى كوبەيەدى.


    ونىنشى، تۇرمىس ءتاسىلى اقاۋسىز قارتتار. ازىقتانۋ ءتاسىلى اقاۋسىز بولعاننان سىرت، دەنە شىنىقتىرۋدا وتە ماڭىزدى. دەنە شىنىقتىرۋ ميدىڭ سيروتونين گورمونىن ءبولىپ شىعارۋىنا كومەكتەسەدى. بۇل گورمون قارتتاردى تۇرمىستا بەلسەندى ەتەدى ەكەن. بۇدان سىرت، قارتتار قۇرامىندا ۆيتامين D مول جەمىس–جيدەك جانە كوگونىستى تۇتىنسا، مەڭىرەۋلىكتەن ساقتانا الادى. كوڭىل كۇيى كوتەرىڭكى بولسا، ۇيلەسىمدى دالا قيمىلىمەن شۇعىلدانسا دا، كۇنىنە 15 مينۋت كۇنشۋاقتاسادا ءونىمى جوعارى بولادى ەكەن.

 

اۋدارعان: سەرىك سابىر ۇلى