ماسەلەگە الۋان تۇرعىدان وي جۇگىرتە ءبىل
كەلۋقاينارى: |جاۋاپتى رەداكتور: | جاڭالانعان ۋاقىت:2018-06-07 15:22:00

جاۋشيڭ



العاش پراكتيكاعا شىققانىمدا، قولىما جاڭا نىسان تيە قالدى. ۋەنيۆەرسيتەتتىڭ 4-جىلدىعىنىڭ وقۋ ماۋسىمى باستالعان. مەكتەپ شارۋاسى جەتەرلىك. كوڭىلىم تىنىم تاپپادى. ونىڭ ۇستىنە جاڭا نىسان جۇمىسى قوسىلىپ جۇرىسىمنەن جاڭىلا تۇستىم.

 

ماسەلەگە تاپ بولعانىمدا ”ارالىقتى الىسسىنباي“ءبىر نەشە ۇستەلدىڭ ارعى جاعىنداعى باستىعىما بارىپ، مالىمەت بەرەمىن. باستىعىم ءادىس-امال ۇيرەتەدى. مەن ”تارپ-تۇرپ“ باسىپ ورنىما قايتامىن. سالدەن كەيىن ”تارپ-تۇرپ“ باسىپ قايتادان باستىعىما بارامىن...... ”تارپ-تۇرپ“..... ”تارپ-تۇرپ“..... ”تارپ-تۇرپ“...

 

سوڭىندا باستىقتىڭ ءتوزىمى مۇلدە تاۋسىلدى. مەنى ”شاعىن قاراڭعى بولمەگە“ سۇيرەي كىرگىزىپ، سىرىن اعىتتى: ”باياعىدا پراكتيكادا جۇرگەنىمدە، باستىعىم ماعان بىلاي دەيتىن: قىزمەتتە كۇماندى تۇيتكىلدەر كەزدەسە قالسا اھ ۇرىپ ۋايىمعا سالىنباي، قايتا ونى شەشىم ەتۋدىڭ جولىن ىزدە. ماعان جۇمىستىڭ قيىندىعىن ايتىپ شاعىمدانعانشا، ماسەلەنى ءبىر جاقتى ەتۋدىڭ ۇتىمدى ءتاسىلىن كورسەت. سوندا عانا كۇردەلى ماسەلەگە تاپپ بولعانىڭا كوزىم جەتەدى. بىرتىندەپ شىبىق تيمەس شىڭق ەتەر ادەتتەن ارىلىپ، ەڭسەنى ەزگەن قيىندىقتاردى جەڭۋدى ۇيرەنەسىڭ.“

 

سول جولعى ۋاقيعادان سوڭ، بىرەر جۇمىستى تىندىرۋدا كوڭىلىمە ولقى سوققان جوبالاردى قايىرا تۇرىپ، ءتىپتى دە كەمەلدى جوسپارلار جاساۋعا ۇمتىلدىم. كەمەلدى جوبا-جوسپارلار جاساي الماعان كۇندەدە ەشكىمگە شاعىنىپ مولتەكتەمەدىم. بىرتىندەپ ماسەلەنى شەشۋدىڭ ءبىر قانشا جوسپار، جوبالارى تۋرالى وي جۇگىرتۋگە ادەتتەندىم. باستىقپەن كەڭەسە وتىرىپ، جەكە ويىمنىڭ باسەكەڭنىڭ ويىمەن قانداي پارقى بار ەكەنىن سالىستىردىم.

 

جارىم جىلدان سوڭ، جاڭا سەرىكتەستىككە بارىپ، قىزمەتكەر قابىلداۋ جازباشا ەمتيحانىنا قاتىناستىم. ەكى ساعات ۋاقىتتا ءۇش ءتۇرلى تۇجىرىم سۇراعىنا جاۋاپ بەرۋىم قاجەت. ءار سۇراقتىڭ استىنا ەكى نە ودان دا كوپ ءتۇرلى جاۋاپ جازىپ شىقتىم. ۋاقىت جەتپەگەندىكتەن ەمتيحان قاعازىنىڭ سوڭىنا تەلەفون ءنومىرىمدى قالدىرىپ، بىلاي دەدىم: ”ۋاقىت شەكتى. ەندى ءبىر ءتۇرلى جوبامەن تانىسقىلارىڭىز كەلسە، تەلەفون جالعاڭىزدار.“ ارينە، جوبا جايىندا تەلەفون سوققان ادام بولمادى. ەسەسىنە سەرىكتەستىككە جۇمىسقا قابىلداندىم.

 

ءبىر جىلدان سوڭ، پراكتيكانت وقۋشىلاردى جەتەكتەپ جۇمىس ىستەۋ بارىسىندا، بولىمسىز شارۋالار ءۇشىن تىنىشىڭدى كەتىرىپ مازالايتىندار كوبەيە باستادى. سونىمەن ءوزىم جاۋاپتى بولعان پراكتيكانتتى ”شاعىن قاراڭعى بولمەگە“ سۇيرەي ەنگىزىپ باياعىداعى كەشىرمەمدى قۇلاعىنا قۇيدىم...

 

ءبىر دوسىم ماعان قۇرداستارىم قۇساپ قاراداي قاباق تۇيمەيتىنىمدى، ماسەلەگە جولىققاندا بايىپپەن وي جۇگىرتەتىنىمدى ماداقتادى. ءوزىمدى سىرتقى دۇنيەنىڭ ادىلەتسىزدىگى مەن ۇيلەسىمسىزدىگىنە نازار اۋدارمايتىن وزىمە ءتان شاعىن الەمدە جاساپ جاتقانداي سەزىنەمىن. پراكيتكانت شاقتا باسەكەڭنىڭ بەرگەن تاربيەسىن ەسىمە السام، سونداعى ايتىلعان سوزدەردىڭ الدە قاشان ارەكەت قىبىلاناما اينالعانىن، قۇرعاق ءسوزدى دوعارىپ، مي جۇگىرتىپ ويلاناتىن، ناقتى دا شىنايى جۇمىس ىستەيتىن ادامعا وزگەرگەنىمدى كەنەت بايقادىم.

 

ءار جولى تىڭ ۇگىت مازمۇندارىن، جاڭا باياندامالاردى جازىپ بولعانىمدا، نەمەسە جاڭا جوبا سىزبالارىن ازىرلەگەنىمدە، مۇنان باسقا قانداي ادىستەر بار، بۇدان دا جاقسى ىستەۋگە بولماس پا دەپ باس قاتىرامىن. سودان باستاپ، شاعىن قىزمەت مىندەتتەرىن دەربەس اتقارا الاتىن بولعانىمدا، ماسەلەگە جولىققاندا ونى شەشۋدىڭ جوباسى جايىندا ويلانعانىمدا، ماسەلەگە ۇقساماعان تۇرعىدان مي جۇمساۋدىڭ تابىسقا جەتەلەيتىنىن سەزىندىم.

 

دەرەككوز: جاستار جازيراسى جۋرنالىنان

اۋدارعان: قۋات جۇماش ۇلى (تورابىمىزدىڭ ۇسىنىس ەتىلگەن ءتىلشىسى)