ۇلۋدىڭ دا ارمانى ورىندالىپتى...
كەلۋقاينارى:www.kazakcnr.com |جاۋاپتى رەداكتور:D.H | جاڭالانعان ۋاقىت:2018-06-11 17:48:00

ارزىگۇل ابدەش قىزى (تورابىمىز ۇسىنىس ەتكەن اۆتور)


كەشە عانا اعاياز اسپاننىڭ كوڭىلشەك بۇلتتارى توگىپ وتكەن. تاڭەرتەڭ ەرتەمەن باقشاعا قۇلىنشاقتى ەرتىپ اسىعىس بەت الدىم. تۇرعىندار رايوننىڭ تۇبىندەگى شاعىن كوشەنى اينالا سالساق عانا جەتەتىنبىز. كەنەت قۇلىنشاق ايقاي سالدى.


-«شەشە، قاراشى ۇلۋ» مەن ءساپ-سالا قارادىم. ۇلۋ ورلەپ، داۋالدىڭ ءبىر تالاي جەرىنە بارىپتى. تاعى دا توقتاۋسىز جىبىرلاپ بارادى.


قۇلىنشاق ءسال قاراپ تۇردى دا، تاڭ قالىپ اقىرىن جۇرەدى ەكەن، دەدى دە اسىعىپ باقشاسىنا كىرىپ كەتتى.


مەن ونى قاقپادان كىرگىزىپ، حوشتاسىپ قويىپ، جاڭاعى ۇلۋ بارما ەكەن دەپ تاعى قارادىم. ول ءالى دە تىم باياۋ ورمەلەپ بارادى ەكەن...


كەڭسەمە جەتكەندە، دوسىمنىڭ كەلتە حاتىن تاپسىرىپ الدىم،« مەن اقىرى كوڭىلدەگىدەي قىزمەت تاپتىم »دەپتى ول شۇيىنشىلەي. ءيا، ونىڭ قۇلشىنىسى، ونىڭ قيىنشىلعى ءبىر -بىرلەپ كوز الدىمنان ءوتىپ جاتتى.


ول اقىرى بارلىق كەدەرگىلەرمەن قيىنشىلىقتاردى جەڭگەن -دى.


ءالى ەسىمدە، تولىق ورتادا وقىپ جۇرگەن كەزىمىزدە، ونىڭ اكەسى اۋىر ناۋقاسقا شالدىقتى، اكەسىن ەمدەتۋ ءۇشىن ولار تۋىس -تۋعان، تانىس-بىلىستەرىنەن ءبىر تالاي قارىز الدى. ءتىپتى. ەگىستىك جەرلەرىن ساتىپ جىبەرۋگە ءماجبۇر بولدى. ونىڭ ءبىر كۇنى مەكتەپكە شەشەسىنىڭ اياق كيمىىن كيىپ كەلگەنى، ساباقتان قايتقاندا قىستىعا جىلاعانى ءالى ەسىمدە.


ءيا، ۇلۋ، سەن كەرەمەتسىڭ دەر ەدىم. سەن ءۇن -ءتۇنسىز،ءبىراق، تىنىم الماي العا ىلگەرلەپ باراجاتقانداردى ەسكە سالاسىڭ.


مەنىڭ ءبىر دوسىم بىلاي دەگەن ەدى: «مەنشە دۇنيەدە بيىككە شىعا الاتىن ەكى نارسە بار، ءبىرى قىران، ول- قاناتى بار ءۇشىپ شىعادى، ەندى ءبىرى وسى ۇلۋ.ول دا تىنىم الماستان ىلگەرلەپ،ءوز بيىگىنە شىعادى».


قاراڭىزشى، مىناۋ ۇلۋ، مەنىڭ ارمانىم اناۋۋ بيىككە شىعۋدەدى، جاپىراقتارى جايقالعان بيىك تەرەكتى نۇسقاپ، ول ارمانىن سەنىممەنايتا العاندا ءتىپتى دە ايباتتانىپ كەتتى.


ءسويتتى دە جانىنداعىلارمەن حوشتاسىپ اتتاندى. كوبەلەكتەر قاسىنان ءۇشىپ ءوتتى. قۇستار قيقۋلاپ، سوناۋ السىتان دەم بەردى. جاڭبىرلى كۇندەر، داۋىلدى كۇندەر،ىستىق -سۋىقتىڭءبارىن دە باسىنان وتكەردى. ءبىراق ءبىر ادىم -ءبىر ادىمنان ىلگەرلەي بەردى. كەيبىر قۇرتتاردا ونان تەز ەكەن ءا،انە ءبىر جۇلدىز قۇرت يرەلەڭدەپ قاسىنان وتە بەردى. ءبىراق ول وعان بولا جاسىمادى. تىنباي العا تارتا بەردى. شارشاعاندا دامىلداپ، كۇنگە قاراپ كۇلىمدەدى،بويىنا قايراتىن جيىپ تاعى دا ىلگەرلەدى. كەيدە جاڭبىرتامشىلارى تاڭدايىنا ءنار بولىپ تامدى. كەيدە بيىكتەن قۇلاپ باراجاتقاندا، كومەككە سوزىلعان قولداردىڭ دەمەۋىندە تاعى دا العا باسۋعاجىگەرلەندى. جاپىراقتار وعان جىلۋ سيلادى. مەيىر توكتى. ول جىلجي -جىلجي اقىرى جاسىل جاپىراقتارمەن جايقالعان بيىك ورماننىڭ جانعا جايلى بيىگىندە تۇرماي ما؟ سول بيىكتە ول اينالاسىنا بايىپپەن كوز سالدى. ءتىپتى دە كوپ دۇنيەلەردى كورە الادى ەكەنمىن-اۋ! جايقالعان جاسىل اتىزدار،سىلدىراپ اققان بۇلاقتار،قۇلپىرا اشىلعان گۇلدەر، تىنىمسىز ءۇشىپ جۇرگەن بال ارالار، ەڭبەكشىل قۇمىرسقالار، مىنە ول سونشاما كوركەم دۇنيەلەردى تۇڭعىش كورىپ تۇرعانداي. ىنتىعا، ىقلاسپەن قارادى. قالايدا بيىككە ورمەلەپ كورۋ كەرەك ەكەن عوي...


«قۇتتى بولسىن» ايتىپ، دوسىما تەلەفون شالدىم. ءبىر قادامىن بولسا دا جەڭسپەن باسىپ، العا ىلگەرلەي العان جاننىڭ كوڭىل -كۇيى قانداي تاماشا دەسەڭىزشى، ماعان جارقىلداي امانداسىپ، اقتارىلا اڭگىمەلەرىن جەتكىزىپ جاتىر. ول ۇستازدارىنىڭ دەم بەرۋىندە، تولىق ورتا دەپىلومىن الىپتى. بىرنەشە جىلدان سوڭ، اكەسى قايتىس بولىپ، ارتىندا قىرۋار قارىز قالىپتى. ول اناسىنىڭ اۋىرتپالىعىن جەڭىلدەتۋ ءۇشىن،اۋىلدا، اناسىنىڭ جانىندا، كەزدەسكەن جۇمىستاردىڭ ءبارىن ىستەي بەرىپتى. بالا باعۋشى ، اسحانادا كۇتۋشى بولىپتى. ارەدىك كومپيۋتەر ساتۋ ورنىندا ىستەپتى. ءبىراق ول ءوزىنىڭ ۇيرەنۋىن، وقۋ ارمانىن ءبىر ساتكە توقتاتپاپتى. قاي ورىنعا بارسادا قۇلشىنا ەڭبەكتەنىپ، ماڭايىنداعىلارىڭ القاۋىنا بولەنىپتى. كەيىن كەلە ءبىر تانىسى «ەرەسەكتەر وقۋ اعارتۋى» جايلى اڭگىمە قوزعاپ، حات ارقىلى ورتا، جوعارى تەحنيكوم وقۋعا بولاتىنىن، جالعاستى ۇيرەنۋگە قاتىناسىپ، ەمتيحان بەرىپ،ساباقتارىن ۋاعىندا پىسقتاۋىن مۇقيات ءتۇسىندىرىپتى. قۋانىشى قويننا سيماعان ول، دەرەۋ تىزىمدەلىپ، بىرنەشە جىلدا ەرەسەكتەر وقۋ -اعارتۋىنان دەپلوم الىپ، اۋىلدا قىزمەتكە ورنالاسۋدىڭ العاشقى شارتىن ويداعىداي تامامداپتى.


اۋىل - قىستاقتاعى جۇرتشىلىقتىڭ، باسشى كادرلاردىڭ ونىڭ ەڭبەكشىلدىگىنە، جاۋاپكەرشىلدىگىنە، ارمانىنان اداسپاعان بەرىك يراداسىنا دەگەن قۇرمەتىنىڭ ، سەنىمنىڭ ارقاسىندا جۋىردا عانا رەسىمي جۇمىسقا ورنالاسقان ەكەن. ءيا، دوسىمنىڭ ارمانى ورىندالىپتى. ءبىر ادىم- ءبىر ادىمنان، اقىرىن العا جىلجي بەرىپ، ۇلۋدىڭ دا ارمانى ىسكە اسىپتى عوي ...


اۆتوردىڭ قىزمەت ورنى: موڭعۇلكۇرە اۋداندىق پارتكوم ۇيىمداستىرۋ ءبولىمى الىس ارالىقتى وقىتۋ كەڭسەسى