قيسىندى قىزىقتار
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-01 08:56:00


    1. باقىت دەگەن قاراپايىم


    ەرلى-زايىپتىلار دۇكەن ارالاپ ٴجۇرىپ، ايەلىنىڭ كوزى ٴبىر ادەمى قىمبات باعالى ىدىس–اياققا تۇسىپ، ساتىپ الامىن دەپ بولماپتى، كۇيەۋ قىمباتسىنىپ تىرتىسىپ، اقشا شىعارعىسى كەلمەي ول تۇرىپتى.


    مۇنى بايقاعان ساتۋشى، ەر ادامنىڭ قاسىنا بارىپ اقىرىن سىبىرلاعان ەكەن، لەزدە قاپشىعىنان اقشا شىعارىپ ىدىس-اياقتى كەلىنشەگىنە اپەرە قويىپتى.


    بۇلاردى سىرتىنان بايقاپ تۇرعان تاعى ءبىر ساتۋشى تاڭعالىپ، ەرلى-زايىپتىلار دۇكەننەن كەتكەن سوڭ، قاسىنداعى قىزمەتتەسىنەن ەر ادامعا جاڭا نە دەگەنىن سۇرايدى.


    ءاسىلى دۇكەن ساتۋشىسى ەر ادامعا: وسىنشاما قىبات ىدىس-اياقتى ساتىپ الىپ بەرسەڭىز، سۇيىكتىڭىز ٴسىزدى ىدىس-اياقتىڭ ماڭىنا ەندىگارى جولاتپايدى،–دەگەنىن ايتادى.


    قورتىندى: ماسەلەگە باسقا ءبىر تۇرعىدان قارايتىن بولساق، كۇيەۋى دە، ايەلى دە كوڭىلدى، ەرلى-زايىپتىلار ارا قاتىناس جاراسىم تاپقاندا، وتباسىنىڭ بەرەكەسى ارتاتىنى انىق قوي.


    2. ٴۇمىت ٴۇزۋ شايتاننىڭ شارۋاسى


    ءبىر دوسىم شيپاگەر بولاتىن، ءبىر رەتكى راك اۋرۋىنا شالدىققان ناۋقاسقا وپەراتسيا جاساپ جاتىپ، وسپەنى الۋعا بولمايتىنىن بىلگەن سوڭ، قايتادان وپەراتسيا جاسالعان ورىندى امالسىز تىگىپ قويىپتى. ناۋقاسقا جاعدايدى تۇسىندىرمەك بولىپ بارسا، ناۋقاس اۋىل ادامى ەكەن، ول ونىڭ كاسىپتىك اتاۋلارىن مۇلدە تۇسىنبەپتى دە، وپەراتسيا جاساپ ناۋقاسىمنان قۇلان تازا ايىقتىم دەپ ويلايدى ەكەن. شيپاگەرلەر ناۋقاستى شاراسىز اۋرۋحانادان شىعارىپتى، ٴبىر جىلدان سوڭ قايتالاي بارىپ تەكسەرسە الگى ناۋقاس شىنىندا ساۋىعىپ، راك كلەتكالارى بايقالماپتى.


    قورتىندى: ٴۇمىت ۇزبەيىك، تىرلىكتى جالعاستىرۋ ٴۇشىن، پەندەگە ٴار قانداي ٴبىر مۇمكىندىكتىڭ قالدىرىلىپ وتىرىلاتىنىن ۇمىتپاڭىز. ۇمىتكەرلىك پوزيتسياسى ەڭ ٴونىمدى وپەراتسيا.


    3. باقىت بارىڭدى باعالاۋ


    توتى مەن قارعا كەزدەسىپ قالادى ەكەن، قاپاستاعى توتى جان راحاتىن كەشىپ، سىرتتاعى قارعا ەمىن-ەركىن سايران سالىپ جۇرسە كەرەك.


    توتى ەركىن جۇرگەن قارعاعا قىزىعا قارايتىن، ال قارعا بولسا قاپاستاعى كۇيلى توتىعا اۋەستەنەتىن، ەكەۋى اقىلداسا كەلە تۇرمىستارىن الماستىرۋعا كەلىسەدى.


    قارعا جانعا-جايلى ورتاعا يە بولسا دا، قوجاسىنىڭ جىلى مەيىرىمىنە يە بولا الماعان سوڭ، قۇسادان، قاراداي جابىعىپ ءولىپ قالىپتى؛ ەركىندىككە يە بولعان توتى، ۇزاق ۋاقىت جايلى كۇتىم كورگەندىكتەن، دەربەس تۇرمىسقا كوندىگە الماي، اقىرى ول دا اشتان ولەدى ەكەن.


    قورتىندى: ٴار كىم وزىندە بارعا قاناعات ەتكەنى ابزال، وزگەنىڭ باقىتىنا قىزىعا قاراعانىڭىزبەن، مۇمكىن ول سىزگە مۇلدە ۇيلەسپەيتىن بولۋى كەرەك.


    4. وق اياعان مەرگەن بولماس


    مۇعالىم: بىرەۋ ٴبىر شاۋگىم سۋ قايناتپاق بولىپ، وتىن جانىپ جارتىسىنا كەلگەندە، وتىننىڭ ازدىعىن ٴبىراق ٴبىلىپتى، ەندى ول قايتۋ كەرەك؟-دەپ سۇراۋ تاستايدى وقۋشىلارعا.


    بالالار شەتىنەن ٴوز ويىنداعى جاۋابىن ايتادى، بىرەۋ تەز بارىپ وتىن اكەلۋ كەرەك دەسە، بىرەۋى كورشى-قولاڭنان الا تۇرۋ كەرەك دەيدى، تاعى كەيبىر وقۋشىلار ساتىپ السا بولعانى دەپ جاۋاپ بەرەدى ەكەن.


    مۇعالىم: شاۋگىمدەگى سۋدىڭ جارتىسىن نەگە توگىپ تاستامايدى؟-دەگەندە بارىپ بالالار تاعى ءبىر مۇمكىندىكتى ەسكەرۋسىز قالدىرعانىن بىلەدى.


    قورتىندى: كەيبىر جۇمىستاردى الدىن الا جورامالداۋعا كەلمەيدى، بەرگەن قولىڭ الاعان دەگەن. كەيدە ازداپ بوداۋ بەرگەندە عانا ويلاعان نارسەڭە قولىڭ جەتۋى مۇمكىن.


    5 . ول سەندە بار نارسە


    كەدەي بۇددادان: مەن نە ءۇشىن كەدەي بولىپ جاراتىلدىم؟-دەپ سۇرايدى ەكەن


    بۇددا: سەن باسقالارعا قولىڭداعىنى بەرۋدى ۇيرەنگەن جوقسىڭ،–دەيدى


    كەدەي: قولىمدا ەلگە بەرەر تۇگىم جوق، قالاي بەرەم،–دەپتى


    بۇددا: ءار قانداي قۇرالاقان ادامنىڭ ءوزى باسقاعا مىنا جەتى نارسەنى بەرە الادى،–دەيدى وعان.


    جىلى شىراي---- كۇلىمسىرەپ جۇرىپ جۇمىس ىستەۋ؛


    جىلى لەبىز----باسقالارعا ماقتاۋ، جۇباتۋ ايتۋ؛


    ادال نيەت----اعىنان اقتارىلىپ، كىشپەيىل مامىلە دە بولۋ؛


    ايالى جانار----باسقاعا مەيىرىممەن قاراۋ؛


    ءىس-ارەكەت-----باسقالارعا بار ىقلاسىمەن كومەكتەسۋ؛


    ادەپ-يبا----كەشىرىم، كەڭدىگىمەن، يباسىمەن ىززەت ەتۋ؛


    قوناق قۋارلىق----ٴبيداي نانى بولماسا دا، ٴبيداي ٴسوزىن سيلاي ءبىلۋ


    قورتىندى: ال ەندەشە بىزدەگى كەدەيلىك قايدا ەكەن؟


حانزۋشادان اۋدارعان: ماحاببات قۇدايبەرگەن قىزى (تورابىمىز ۇسىنىس ەتكەن ٴتىلشى)
رەداكتور: ايناگۇل تولەگەن قىزى