ماحابباتتان مۇھجيزا تۋىندايدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-05 17:09:00

مىنا دۇنيەدەگى ەڭ ۇلى ماحاببات اتا-انانىڭ ۇرپاعىنا سۇيسپەنشىلىگى بولسا كەرەك، ءبىز قاشاندا اتا-انامىزدىڭ جۇرەك تۇكپىرىن مەكەندەيمىز.


ء    مالىم ءبىر انا ۇيىنە تاياعاندا، 4-قاباتتىڭ سامالدىعىندا تۇرعان ۇلىن كورەدى. شەشەسىن ساعىنعان ۇلى اناسىنا قولىن بۇلعايدى. شەشەسى قولىمەن ءيشارات بىلدىرەدى دە، كەنەت مۇنىڭ تىم قاتەرلى بولاتىنىن ويلاپ شوشىپ كەتەدى. ءبىراق كەش قالعان ەدى، ۇلى تەپە-تەڭدىگىن ساقتاي الماي سامالدىقتان تومەن قۇلاپ كەتەدى. شەشەسى سول ساتتە قۇيىنداي جۇيىتكىپ، قاس پەن كوزدىڭ اراسىندا اۋدەم جەردەن جەتىپ ۇلگىرىپ بالاسىن جەرگە تۇسىرمەي قاعىپ الادى. ونىڭ سونداعى جۇگىرۋ جىلدامدىعى دۇنيە جۇزىلىك 100 مەترگە جۇگىرۋ رەكوردىن بۇزادى. ال كەيىن بىرەۋلەر ۇقساس سالماقتاعى زاتتى بيىكتەن تومەن تاستاپ تاجىريبە جاساعاندا ەشكىم دە دالمە-ءدال قاعىپ الا المايدى، اۋەلى انانىڭ سول كەزدەگى قارقىنىنداي جىلدامدىقپەن جۇگىرە المايدى.


    مىنە بۇدان سۇيىسپەنشىلىك ۇلى كۇش-قۇدىرەتكە يە، ماحابباتتان مۇھجيزا قالىپتاسادى دەگەن شەشىمگە كەلەمىز. بارلىق ادامنىڭ بويىندا مولشەرلەۋگە كەلمەيتىن جاسىرىن كۇش بار، مۇنداي جاسىرىن كۇش ادەتتە ايگىلەنە بەرمەيدى. توسىن جاعدايعا تاپ بولعاندا كەنەت بۇرق ەتىپ پايدا بولادى. ال سۇيىسپەنشىلىك مۇھجيزانى ومىرگە اكەلەتىن قوزعاۋشى كۇش سانالادى.


    اتا-انا ۇرپاعى ءۇشىن قاۋىپ-قاتەردەن قايمىقپاي، كەۋدە كەرىپ العا شىعادى، بۇل ناعىز كىرشىكسىز سۇيىسپەنشىلىك. ءبىز اتا-انامىزدىڭ ۇلىلىعى مەن قالتقىسىزدىعى ءۇشىن باس يە تاعىزىم جاساۋىمىز، اتا-انانىڭ مەيىرىمدى قامقورلىعىن ويىمىزدان شىعارماي، اتا-انامىزعا شىنايى بورىشتار ەكەنىمىزدى ءبىلۋىمىز كەرەك.


    سۇيسپەنشىلىكتىڭ كۇشى جاسىرىن قابىلەتتى اشادى، سۇيىسپەنشىلىك گۇلى قۇلپىرا اشىلعان جەردە، تىرشىلىك گۇلى دە جارقىراپ جايقالادى.


    ادامزات عانا ەمەس، جان-جانۋارلاردا دا بالاسىنا ايىرىقشا سۇيسپەنشىلىكتە بولادى.


    تىشقان ۇيا تولى بالالايدى، سونىمەن قوسا دەنەسىنە وسپە شىعادى، بۇل وسپە كۇن سايىن حورەكتىك ءسىمىرىپ ۇلكەيەدى، تىشقاندى بالالارى دا ەمەتىن بولعاندىقتان، كۇن سايىن اۋىرسىنعانىنا قاراماي تىشقان دەنەسىندەگى وسپەسىن جەپ بالالارىن ەمىزەدى، وسىلايشا بالالارى دەربەس كۇن كورۋگە جاراعاندا انالىق تىشقان جان ۇزەدى.


    اتا-انانىڭ سۇيسپەنشىلىگى دۇنيەدەگى اقى تىلەمەيتىن ۇلى سۇيىسپەنشىلىك. تىشقان بالالارىنىڭ قامىن ويلاعاندىقتان، بالالارى دەربەس كۇن كورۋ قابىلەتىنە جەتىلگەنشە قايسارلىقپەن توزە ءبىلدى. ءاسىلى، بۇل تىشقان مامانداردىڭ تاجىريبەگە پايدالانۋ قۇرالى بولىپ، ناۋقاسقا شالدىقسادا، ۇزاق ۋاقىتقا شىدامدىلىق تانىتادى. ادامداردىڭ ءبارى ونىڭ قايسارلىعىنا قول قويىپ بارەكەلدى ايتادى. دەسە دە، تىشقاننىڭ ۇزاق ۋاقىت ءتىرى قالۋى، شىنتۋايتىندا، بالالارىنا بولعان سۇيىسپەنشىلىكتەن ەدى.


    وسىنداي كەرەمەت كۇشتىڭ جەبەۋىندە ادامدار مەن جان-جانۋارلار حيكىمەتتى مۇھجيزانىڭ ومىرگە كەلۋىنە ۇدايى سەبەپكەر بولىپ وتىرادى.


«حارۋاردتىڭ وتباسى تاعىلىمى» اتتى كىتاپتان
اۋدارعان: قۋات جۇماش ۇلى (تورابىمىز ۇسىنىس ەتكەن ءتىلشى)