بىرەۋگە سىلتەگەن شوقپار وزىڭە تيەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-07 16:28:00


    1 
    ءبىر رەتكى قوناعاسى داستارقانىندا مارك تۆەن ءبىر حانىممەن قاراما-قارسى وتىرىپ قالىپتى دا، ادەپتى تۇردە: قاس سۇلۋدىڭ ءوزى ەكەنسىز!-دەپتى. بۇل ءسوزدى ەستىپ ماساتتانعان الگى حانىم: ءسىزدى سولاي ماقتاۋعا ءداتىم جەتپەگەنىنە عاپۋ سۇرايمىن!-دەپتى. سوندا مارك تۆەن توتەنشە سىپايى تۇردە: وقاسى جوق، مەن سياقتى وتىرىك ايتا سالساڭىز بولدى ەمەس پە،-دەپتى. بۇل سوزدەن نامىستانعان حانىم باسىن كوتەرە الماپتى.

بۇدان اڭعاراتىن ءتۇيىن: بىرەۋگە سىلتەگەن شوقپار وزىڭە تيەدى.


    2 
    ورتا بولەگىنە دەيىن كۇرىش سالىنعان كۇبىگە بايقاۋسىزدا ءتۇسىپ كەتكەن ءبىر تىشقان كەزدەيسوق ولجاعا كەز بولعانىنا ايرىقشا قۋانىپتى. ەش حاۋىپ-قاتەردىڭ جوق ەكەنىن سەزىنگەننەن كەيىن الگى تىشقان كۇبىدەگى كۇرىشتەن جەي باستاپتى، ءبىر كۇنى كۇبىنىڭ ءتۇبى دە كورىنىپتى. كۇرىشتىڭ حوش ءيىسى ەلىكتىرگەن ول كۇرىشتى تاقىر-تازا تاۋىسقاندا عانا، ءوزىنىڭ كۇبىدەن ەندىگارى شىعا المايتىنىن ءبىر-اق سەزىپتى...
بۇدان اڭعاراتىن ءتۇيىن: ءومىر جولى داڭعىل كورىنگەنىمەن، ونىڭ تالاي بۇرماسى، بۇلتاعى بولادى.


    3 
    وزەن بويىنا قارماق سالۋعا بارعان اق كوجەك ءبىرىنشى، ەكىنشى كۇنى قارماعىنا ەشتەمە ىلىنبەي، قۇر قول قايتىپتى. اق كوجەك ءۇشىنشى كۇنى كەلگەندە وزەننەن شىعا كەلگەن ءبىر ۇلكەن بالىق: ەندىگارى قارماققا ءسابىز تۇيرەسەڭ، سازايىڭدى تارتقىزامىن،-دەپتى. 
    بۇدان اڭعاراتىن ءتۇيىن: ءسىز نە بەرسەڭىز دە ءوز ويىڭىز بويىنشا بەرەسىز، قارسى جاقتىڭ قالاۋىن ەلەپ-ەسكەرمەيسىز، ءوز ويىڭىزشا بەرگەن بوداۋىڭىز تۇككە تاتىمايدى.


    كوفەحانادا دوسىن توسىپ وتىرعان ءبىر جىگىتتىڭ قاسىنا كەلگەن بويجەتكەن: ءسىزدى ۋاڭ تاتەي تانىسۋعا جىبەردى مە؟-دەپ سۇراپتى. باسىن كوتەرىپ بويجەتكەنگە باجايلاي قاراپ، ءوز كوڭىلىندەگى ادام ەكەنىنە كوزى جەتىپ، تاۋەكەلگە بەل بۋعان جىگىت: دۇرىس ايتاسىڭ، قانە وتىر،-دەپتى. ولار نەكەلەنگەن كۇنى جىگىت سول كۇنى ءوزىنىڭ تانىسۋعا بارماعانىن ايتىپتى. مۇنى ەستىگەن ايەلى: ءاسىلى مەن دە تانىسۋعا بارماعانمىن، سەنىمەن سويلەسۋ ءۇشىن تاپقان سىلتاۋىم ەدى...،-دەپتى. 
    بۇدان اڭعاراتىن ءتۇيىن: ورايى كەلگەندە، ەش ءارى-سارى بولماستان ونى مەڭگەرە ءبىل.


    5 
    ستۋدەنت قىزدار ءوز كلاسىنىڭ ارۋىن اشىق بەلەت تاستاپ تاڭداماق بولىپتى. ءوڭ-تۇرقى ادەتتەگىدەي شياۋ مەي: ەگەر مەنى تاڭداساڭدار، بىرنەشە جىلدان كەيىن وسىندا وتىرعان اپەكە-سىڭىلىلەردىڭ ءوزىنىڭ اق بوز اتتى حانزاداسىنا ماقتانىشتى تۇردە: جوعارى مەكتەپ وقىعان كەزدە، «مەن كلاسىمىزدىڭ ارۋىنان دا ءوڭدى ەدىم» دەپ ماقتاناتىن بولاسىڭدار،-دەگەن ەكەن، ناتيجەدە قىزداردىڭ ءبارى سوعان بەلەت تاستاپتى.
بۇدان اڭعاراتىن ءتۇيىن: باسقالاردىڭ قولداۋىنا يە بولۋ ءۇشىن، ءوزىڭنىڭ وزگەلەردەن ۇزدىك ەكەنىڭدى دالەلدەۋدىڭ قاجەتى شامالى، قايتا باسقالاردىڭ نازارىندا سەن بولعاندىعىنان، ولار ءتىپتى دە ۇزدىك، ءتىپتى دە تابىسكەر كورىنۋى قاجەت.


    6 
    زىمىراپ كەلە جاتقان پويەزدا وتىرعان كاريا ابايسىزدا تەرەزەدەن سۋ جاڭا اياق كيىمىنىڭ ءبىر سىڭارىن ءتۇسىرىپ الادى، بۇعان قاسىندا وتىرعانداردىڭ ءىشى ۋداي اشيدى، كاريا دەرەۋ ەكىنشى سىڭارىن دا تەرەزەدەن لاقتىرا سالادى. بۇعان تاڭ-تاماشا بولعان كوپشىلىككە كاريا: بۇل اياق كيىم قانشا قىمبات بولعانىمەن، مەن جونىنەن العاندا ءبىر سىڭارىنىڭ ەش قۇنى قالمادى، زاۋدەعالام، بىرەۋ ءبىر جۇبىن تاۋىپ السا، كيىپ الىپ ءماز بولۋى مۇندا تۇر،-دەدى ءتۇسىندىرىپ. 
    بۇدان اڭعاراتىن ءتۇيىن: ورنى تولمايتىن ازاپتان ەڭ ءابزالى ەرتەرەك قۇتىلۋ كەرەك.


دەرەككوزى: حالىق گازەتى ۋيچات تەكشەسى
اۋدارعان: ساعىنبەك رابات ۇلى (تورابىمىز ۇسىنىس ەتكەن ءتىلشى)