كوتەر باستى، جاس باسىڭمەن كارتەيمە
كەلۋقاينارى: |جاۋاپتى رەداكتور: | جاڭالانعان ۋاقىت:2018-10-09 18:01:00



ماقسات قيزات ۇلى

 

كىم ءومىرىنىڭ ءمانسىز دە ناتيجەسىز بولۋىن تىلەيدى دەيسىڭ، جۇمىر باستى پەندەنىڭ ەكى بالتىردى سىزداتىپ شاپقىلاپ جۇرۋىندە وزىندىك ماقسات بار، باستىسى تىرلىگىمدى وڭاسام، ەل الدىنا شىقسام دەيدى دە، قالا بەردى ابىرويىم بيىك، قازىنام مول، جولىم اشىق، كۇندەرىم كوڭىلدى بولسا دەپ تىلەيدى.

ال قولدى ءجايىپ تىلەي قالعانىڭمەن اسپاننان تۇسە قالاتىن ماي شەلپەك بارما، وزگەرمەسەڭ، ويلانباسا باياعى قارابايىر تىرلىكتەن ۇزاپ شىعا الماي، بارا-بارا ءشوجىپ، تۇڭىلىستىڭ ءتۇپسىز تەرەڭ تۇڭعيىعىنا بوي الدىرىپ قويۋىڭ دا عاجاپ ەمەس، ەندەشە، ءومىردى تۇرلەنتۋ، ويلاعاندى ورنىنا كەلتىرۋ ءسىز بەن ءبىز ويلاعانداي شىنىن دا قيىن بولعانى ما سوندا؟

كۇردەلى ويلارمەن ميىڭدى قاتىرما، مىنا ءبىز ايتقان كۇندەلىكتى تۇرمىس قاعيداسىنا كوڭىل اۋدارساڭ دا كوڭىلدى ءومىر سۇرەسىڭ...

اۋەلى، تەلەديدارعا تەلمىرىپ، قولفونعا تەسىرەيىپ وتىرا بەرگەندى قوي، ۋاقىتىڭنىڭ كوبىن وسى قۇيىتتاي نەمە ۇرلاپ جاتىر، وندا جىرتاق پەن بۇلتاق جەتىپ ارتىلادى، ونداعى ۇساق-تۇيەك كىرازىمايتىن كەلەڭسىز كورىلىمدەر باسىڭدى اۋىرتىپ، كوزىڭدى كوگەرتكەننەن باسقا ەشتەڭە اپەرمەيدى.

بىزدىڭ ءبىر جەڭگەلەرىمىز بار، ءشايى تاسىپ، بايى باجىلداپ جاتسادا قولفوننان كوزىن المايدى، قايىن اپاسىنان گورى قولفون قادىرلى ولارعا، اپاسىمەن اڭگىمىلەسەتىن كەلىن ازايدى، ونىسىن ءوزى سەزبەي ءجۇر، ولاردى قازىر قولفوننىڭ «قۇدىرەتى» مەڭدەتىپ الدى، بالا باعۋسىز، وت جاعۋسىز قالسا دا، قولفونىن قولىنان تاستامايدى.

سودان ونگەن جەمىستىڭ ميۋاسىن كورگەمىز جوق، ەسەسىنە قاسىقتاپ جيعان قازىناسىن قولفونعا بەرىپ بولدى. سەندە سولاردىڭ قاتارىندا بولساڭ، وندا تاربيەلى وتباسى، تارتىمدى تۇرمىس دەگەندى ويلاماي-اق قوي، ەگەردە قولفون كورگەننىڭ ورنىنا كىتاپ كورگەندە عوي، بالاعا دا، باسقاعادا سۇيكىمدى بولار ەدىڭ.

كىتاپ ويلاۋ قابىلەتىڭدى جەتىلدىرەدى، ال قولفوننان كورگەن «قوقىسىق» ينفورماتسيالار ميىڭدى اشىتىپ، سەنى كورگەنسىز، ءونىمسىز كىسىگە اينالدىرىپ قويادى. «مەن دە تابىستىڭ تورىنە شىعامىن»،- دەسەڭ تەلەديدار مەن قولفوندى از كور، كوپ ويلان، ۇيىقتار الدىندا جارىم ساعات بولسا دا كىتاپ كورىپ ۇيىقتاۋدى ادەت قىل.

ۇيقىڭ تىنىش، ۇياڭ جىلى بولسا، باقىت دەگەن سول.

ەكىنىشىدەن ەلەكتروندى ويىنىشىق ويناعاندى قويشى وسى، وسىدان نە ۇتتىڭ، سودان تاپقان پايداڭ قانە، ورتاعا سالشى، ەلەكتروندى ويىنشىقتى جۇمىسسىز، ادام وينايدى، ال سەندە جۇمىس دەگەن شاش ەتەكتەن.

قاسىڭدا پەنسيونەر قارت ەلەكتوروندى قارتا ويىنىن سوعىپ وتىرسا، وندا ونى قۇپتاۋعا بولادى. ءبىراق سوندا دا ەلەكتروندى ويىننىڭ ءوزى ۇلكەندى سۇيكىمسىزدەۋ كورسەتەدى، ادام دەگەن ادەمى قارتايا ءبىلۋ، ادەمى ءومىر ءسۇرۋ كەرەك قوي، تىستا ماۋجىراپ قوڭىر كۇز تۇر، سەن وتىرسىڭ ۇيدە تەسىرەيىپ ەلەكتوروندى ويىنشىق ويناپ...

ءوتىپ جاتقان التىن ۋاقىتىڭنىڭ قادىرىن سەزسەڭشى، جاز شىعىپ، كۇز وتكەنىن سەزبەي قالساڭ، وندا شىرىلداۋىق شەگىرتكەدەن بەتەر بولعانىڭ، بالاڭدى تىسقا شىعارىپ ويناتىپ كەلۋدىڭ ورنىنا، كومپيۋتەر مەن قولفوندا ەلەكتوروندى ويىن سوعىپ وتىردىڭ، تاعى دا بالا تاربيەسى تۋرالى باس قاتىراسىڭ، ارەكەتىڭ مەن ويلاعانىڭ كەرەقار، ەلەكتروندى ويناپ كوردىك قوي، تاڭنىڭ اتىپ، كۇننىڭ باتقانىن بىلمەي قالاسىڭ، بۇل «جادىگويدىڭ» سيقىرى بار، ول سەنى ىشىنە تارتا بەردى، سودان شىعا الماستاي بولدىڭ، اي اۋناپ، جىل ءوتتى، ەندى ەلەكتوروندى ويىندى اقشاعا ساتىپ وينايتىن دارەجەگە جەتتىڭ.

بىلىنبەي قالتاڭ قاعىلدى، وتباسىڭا سۇيكىمىڭ كەتىپ، اينالاڭداعى بارىس-كەلىس، الىم-بەرىمنەن جىراقتاپ قالدىڭ. سودان بارىپ ءۇي كۇشىك، بويكۇيەز جالقاۋ اتاندىڭ، اۋىلعا، اعايىنعا سۇيكىمىڭ كەتتى.

جاس ءومىرىڭدى جالىنداتىپ وتكەرگەننىڭ ورنىنا، ەلەكتوروندى ويىننىڭ قۇلى بولىپ وتكىزدىڭ. سەن وتباسىن قۇرىپ، سەن ەلگە ەس قاتادى دەپ كىم ويلايدى. مىنا جۇرىسىڭمەن كەتە بەرسەڭ، ءوز جانىڭدى باعا الارما ەكەنسىڭ، ۇيدەن ارى ۇزاپ شىقپايتىن ەز قاينىنا جەڭگەمىز كۇيىپ كەتكەندە: ە، سورلى، سەنى دە بىرەۋ بايىم بار،- دەپ توسىپ ءجۇر عوي، مىنا سۇرقىڭمەن قايتىپ قاتىن الاسىڭ،-دەپ ۇرسىپ جاتىپتى، سول ايتپاقتايىن جاس باسىڭمەن قولفونداعى ويىننان قۇتىلا الماي قۇرىپ جۇرسەڭ، سەن وتاعاسى بولادى دەپ كىم سەنەدى....

«ەلەكتروندى ويىن ستراتەگيالىق ويلاۋ جۇيەڭدى جەتىلدىرەدى»،-دەپ بوي بەرمەيدى ءىنىمىز، ايتقانىنىڭ ءجونى دە بار بولار، ءبىراق ەلەكتوروندى ويىنمەن ويلاۋ جۇيەسىن جەتىلدىرىپ جۇرگەن جاستى كورمەدىك، ونى ويناعان كىسىنىڭ ويى ونعا، ساناسى سانعا ءبولىنىپ، ەستە ساقتاۋ قابىلەتىنەن ايىرىلىپ جۇرگەنىن كوردىك. ادەمى ۋىزداي جاستىق كەلبەتىڭدى ايالا، جاس باسىڭمەن كارتەيمەسەڭشى، ەلەكتروندى دۇنيەنىڭ جاقسى جاعىنا وتاۋ تىك، ءبىلىم الىپ، بيىككە جەتۋگە قۇلشىن.

قولفوندى ۇستاي-ۇستاي الاقانىڭ قىزىپ كەتىپتى عوي، ميىڭنان دا وت شىعايىن دەگەن شىعار-اۋ، جابىسا بەرمەي، تاستاشى بىلاي!

قالاي ەكەن، ايتتىم با، قولفوننان الىستاساڭ باسىڭ ءوزىڭدى ەكەنىن سەزەسىڭ...