سۇيىسپەنشىلىك سالقىندىقتان سولعىندايدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-04-03 11:05:00

 

سۇيىسپەنشىلىكتىڭ تۇرالاۋىنا ۇنسىزدىك سەبەپ بولادى.

 

عاشىق جاندار اراسىندا ايتپايتىن اڭگىمەسى قالماۋدان ايتارعا اڭگىمە قالمايتىن قادامعا بارعاندا، ەش سەبەپسىز مەنءلام دەپ جۇمعان اۋزىمدى اشپاي، ءىش مەزىرەتتەنىپ، مەلشىيىپ وتىرا بەرەتىن، ال سەن سەبەبىن سۇراماي، بارا –بارا ارامىز الىستاپ، سۇيىسپەنشىلىك سالقىنداپ، ءبىر– بىرىمىزگە سامارقاۋ قارايتىن قادامعا قايتىپ قايدان جەتكەنىمىزدى اڭعارمادىق.
بۇرىندارى كۇن قۇرعاتپاي قابارلاسىپ حال- جاي ۇعىساتىن، كەلتە حات الىپ، تەلەفون جالعاپ، قارسى جاقتاعى جاننىڭ ەمەۋرىنىنەن ءبىر جىلىلىق تانيتىن ەدىك، ال قازىر قاشاننان باستالعانى بەلگىسىز، ول ەرىنە مە جوق، الدە جۇيكەسى توزىپ، شارشاپ جۇرمە كىم ءبىلسىن كەلتە حاتتا جازىپ جولدامايتىن، تەلەفوندا جالعامايتىن بولعان. تەلەفون داپتەرى تىزىمدىگىندەگى جاقىنداردىڭ اراسىندا ونىڭ اتى ايعا تاڭبا باسقانداي بادىرايىپ تۇرعانىمەن، ەجەلدەن تانىمايتىن بەيتانىس بىرەۋ سىندى سەزىلە بەرەتىن بولىپ بارادى.

 

كەي مەزگىلدە، قايعى–مۇڭىمىز، بار سىرىمىز بەن شىنىمىزدى ورتاقتاساتىن ەڭ تانىس ادامنىڭ بەيتانىس بولعانى قانداي قيىن ەدى. كوڭىرەگىڭىز قارسى ايرىلىپ كەتەردەي جايسىزدانىپ سىزدايدى تۇلا بويىڭىز.

 

 

بايقايسىز با؟ وسى ءبىر مەزەتتىك سۇيىسپەنشىلىك جونىنەن العاندا، ەڭ تانىس ەڭ جاقىن ادامنىڭ قان كوشە دە قاسىڭىزدان بەيتانىس ادامشا وتە شىعاتىنى وكىنىش ەمەس، وكىنىشتىسى ءبىر–بىرىنە قۇشتار، قۇلاي سۇيگەن عاشىقتاردىڭ سوڭىندا ىڭ – جىڭسىز ايرىلىپ كەتە باراتىنى.

 

ەگەر بىرەۋدى شىنايى جاقسى كورسەڭىز، استە ىشىڭىزگە سالىپ، سار تاپ كۇي كەشپەڭىز، ىشىڭىزدەگىنى تابا قوياتىن ساۋەگەي ەمەس ول.

 

ەگەر بىرەۋگە شىنىندا بۇيرەگىڭىز بۇرىلىپ تۇرعان بولسا، استە وعان سالقىن مامىلە جاساماڭىز، ۇيتكەنى ۇمىتسىزدىك بىرتە –بىرتە جينالا كەلىپ تاس– تۇيىن بەكىمگە اينالعاندا بارىپ، ول قاسىڭىزدان ءبىر جولاتا كەتىپ، ونى ماڭگى جوعالتاسىز،ءبارى دە كەش بولادى.

 

قاسىڭىزدا جۇرگەن جاننىڭ بايلامىنا جەڭىل- جەلپى قاراي كورمەڭىز. مۇمكىن سىزبەن بىرگە بولعان سول ساتتەن باستاپ، ول سىزبەن بىرگە الداعى تۇرمىسىندا كەزدەسەتىن شەكەرىمەن اشتىنى قالاي تاتىپ، تاۋقىمەتتى قالاي ارقالاۋعا دايىندالىپ بولعان ، تەك ءسىز قاسىندا جۇرسەڭىز عانا بارىنە كونۋگە رازى ەكەنىنە شۇباسىز سەنىپ، سىزدى ايالاپ، قادىرىڭىزگە جەتىپ وتۋگە بەكىنگەن.

 

سۇيىسپەنشىلىكتەگى ەڭ قورقىنىشتى نارسە سالقىندىق. سول سالقىندىق ارانى الىستاتىپ، كوڭىلدەرگە كۇدىك- كۇمان ۇيالاتىپ جاتادى. قارسى جاقتىڭ جارىعىنا كولەڭكەڭىزدى تۇسىرمەي، ەكەۋلەپ تۇتاندىرعان سەزىمنىڭ شوعىن ءوشىرىپ الماۋعا تىرىسىڭىز.

 

ماڭگىلىك قاستەرلەي العانىڭىز ونى قورعاپ قولداعانىڭىز. ىستىق ماحابباتى سيلايىق سول ادامعا، ەلەۋسىز قالماسىن جانىم دەپ جانىڭىزعا بالاعان ادامىڭىز.