باياندى باقتى تەپسەڭدە كەتپەيدى، بايانسىز باقتى قۋساڭدا جەتپەيسىڭ
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2019-04-20 11:10:00


ديكتور: گۇلنار سولتانشارىپ قىزى


قاربالاستىقپەن وتكەن ءبىر كۇنىڭدە، سەن ءوزىڭدى شارشاعانداي سەزىنەسىڭبە؟ كەيبىر ىستەر مەن ادامدار تۋرالى ويلاپ مازالاناسىڭ با؟

ءتۇن- وزگەشە ءبىر مەزگىل. تۇندە ادام تىنشتالىپ، كوڭىل كۇيى ءبىر قالىپقا تۇسپەسە وڭاي كۇيزەلىسكە ۇشىرايدى. ەگەر تۇندە كىرپىك ىلمەي، سارى ۋايىمعا سالىنار بولساڭىز، وندا ءوزىڭنىڭ ەرتەڭىڭ مەن دەنساۋلىعىڭا اسەرىن تيگىزەدى.

ومىردە باسىڭا قانشا قيىن ءىس تۇسسە دە، مازاسىزدىقتان قۇتىلۋدىڭ ەڭ جاقسى امالى ول -ءبىر كۇندىك قاربالاستىقتان كەيىن، ۋاعىندا ءتاتتى ۇيقىنىڭ قۇشاعىنا ەنۋ.

« ۇيىقتار الدىندا بارلىق ىسكە كەشىرىمدىلىكپەن قاراساڭ، ويانعاندا بارلىعى شىت جاڭا سەزىلەدى»-دەيتىن ءسوزدى ەستىگەنىم بار. ءبىر كۇندىك قاربالاستىقتان شارشاعانىڭ دا، ميىمىزدى سەرگىتىپ، وتكەن ىستەر مەن وكىنشتەرىمىزدى ۇمىتىپ، تىنىش ءتۇن قۇشاعىندا دەمالماساق، تاڭ اتقاسىن سارىلعان ۇزاق ءتۇن سەكىلدى ومىرىمىزدىڭ ەرتەڭى دە نۇرلى بولمايدى.

ۇيقتار الدىندا وزىمىزگە:« مەيلى جاقسى، مەيلى جامان بولسىن بۇگىنگى تۋىلعان بارلىق ءىستىڭ وتەرى ءوتىپ كەتتى، ەندى وعان ۋايىمداۋدىڭ قاجەتى قانشا» -دەپ ەسكەرتىپ وتىرعانىمىز ءجون. سەبەبى الدىمىزدا ودان دا كوپ جاقسىلىقتار كۇتىپ تۇرعان بولۋى مۇمكىن.

سەن قانشاما قينالىپ قاربالاس بولعان سايىن، سونشالىق ەرتە ۇيقتاعانىڭ ءجون. ءوزىڭدى ايالاي بىلگەندە عانا، ءوزىڭدى ءتىپتى دە جەتىلدىرە تۇسەسىڭ.

ماحاببات دەگەنىمىز- ومىردەگى ەڭ ءتاتتى ءارى ەڭ اشتى سەزىم. سوندىقتان كوپتەگەن ادامداردىڭ جۇرەگى جارالانىپ، ازاپتانىپ جاتادى.

«قۇلاق سۇرايمىن دەپ مۇيىزدەن ايىرىلىپتى» دەگەندەي، ماحابباتتا دا سەن قانشالىق ۇمتىلىپ، قول جەتكىزگىڭ كەلگەن سايىن، سونشالىق بوداۋ بەرەسىڭ.

شىندىعىندا ومىرىڭدە جولىققان كوپتەگەن ادامداردىڭ بارلىعى دا ساعان ومىرلىك سەرىك بولمايدى. سەنىڭ ءولىپ-ءوشىپ سۇيگەن ادامىڭ تەك قانا ساعان ءبىر مەزەتتىك جولداس بولۋى مۇمكىن. سوندىقتان، مەيلى قانداي ماحابباتقا جولىقساڭ دا ءوزىڭدى سۇيۋدى ۇمىتپاعايسىڭ.

ال باياندى ماحاببات بولسا، بەينە قولداسا وتىرىپ تار سوقپاقتان وتكەندەي، ەكى جاقتا ءبىر-ءبىرىن قۇرمەتتەپ، ءوزىن دە وزگەنى دە ايالاپ شۋاقتى ءومىردىڭ شۇعىلاسىنا بىرگە شومىلادى.

ماحاببات ءۇشىن ءوز ءومىرىڭدى ويرانداپ، ءوزىڭنىڭ سەنىم-مۇراتىڭنان ايىرىلىپ قالما. ءوزىن سۇيە بىلگەن ادام، وزگەگەدە باياندى ماحاببات سيلاي الاتىنىن ەسىڭدە ماڭگى ساقتاعايسىڭ.

مىناداي ءبىر اڭگمەنى ەستىگەنىم بار:« ءبىر بالا توزىعى جەتكەن اياق كيمى ءۇشىن ۇنەمى كوڭىلسىز جۇرەدى ەكەن. ءبىر كۇنى باقشاعا كەلسە، ورىندىقتا كوڭىلدى وتىرعان ءبىر بالاعا كوزى تۇسەدى. ونىڭ اياعىنداعى ءبىر جۇپ ادەمى اياق كيمىن كورىپ :‹نەتكەن ادىلەتسىزدىك. نەگە مەن عانا توزىعى جەتكەن اياق كيم كيەمىن ›-دەپ قاپالانادى. كەنەت ونىڭ ارت جاعىندا تۇرعان مۇگەدەكتەر ارباسىنا تاڭىرقاي قارايدى».

شىندىعىندا، كەي كەزدەرى اڭگىمەدەگى بالا سەكىلدى، بىزدە ومىردەگى كوپتەگەن ىسكە قاپالانىپ جاتامىز. ءبىراق، تىرلىكتە ءتورت تۇلىگى تۇگەندەلگەن كىم بار دەيسىڭ؟!

سەن قانشالىق دۇنيەگە قول جەتكىزگىڭ كەلگەن سايىن، ۋايىمىڭ دا سونشالىق كوپ بولادى. ناقتى ايتقاندا، ومىردە بار جاقسىلىقتى ءبىر ادامنىڭ باسىنا بەرە بەرمەيدى. قايتا ءار ءبىر ادام كوپتەگەن دۇنيەگە قول جەتكىزگەن سايىن سونشالىق دۇنيەسىن دە ايىرىلادى. ءومىردىڭ ەڭ ماڭىزى قانشالىق دۇنيەگە قول جەتكىزگەنىڭ دە ەمەس، قايتا سەنىڭ قاناعاتتىلىعىڭدا.

وزىڭە ءتان بولمايتىن دۇنيەنى ارمانداما، قولىڭ جەتپەيتىنگە زورلانبا. جوعالتقان دۇنيەلەرىڭ ءۇشىن نالىما. بولماسا ۋاقىت وتە كەلە ءوز-ءوزىڭدى شارشاتىپ، رۋحاني كۇيزەلىسكە ۇشىراۋىڭ بەك مۇمكىن.

ومىردەن ءلاززات الا بىلەتىن ادام، قولىنداعى بارىنا قاناعات قىلا بىلەدى. سەبەبى شۇكىرلىك قىلساڭ قاناعات بولادى، قاناعات بولعان جەردە كوڭىلدىلىك بولادى. ماحاببات پەن شۇكىرلىك قىلىپ قولىڭداعىنى قاستەرلەي بىلسەڭ عانا، قايعى-قاسىرەتتەن اۋلاق بولاسىڭ.

بارلىعىمىزدىڭ دا ءوز كەشىرمەلەرىمىز بار. باياندى باق تەپسەڭدە كەتپەيدى، بايانسىز باقتى قانشا قۋساڭ دا جەتپەيسىڭ. مۇمكىن سەنىڭ سول جىعىلعان ورنىڭنان جاڭا باقىتىڭ باستالۋى عاجاپ ەمەس.

ەلدەر ايتپاقشىداي:«ناعىز باقتىقا سەبەپ كەرەك ەمەس، تەك قانا شاتتىعىمىز كوپ، قايعىمىز جوق بولسا بولدى».

اياڭداي باسىپ تاعى ءبىر تۇندە جەتتى. سەنىڭ جايلى جاتىپ، جاقسى تۇرىپ، جاڭا ءبىر تاڭدى جاڭا قاداممەن باسۋىڭدى تىلەيمىن!

ءتۇن تىنىشتىعىن سيلاسىن!

اۋدارعان: زاڭعار تۇراربەك ۇلى