مەملەكەتتىك فينانىس قىزمەت ٴماجىلىسى اشىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-16 11:24:00

 

 

    ٴوز حابارىمىز: مەملەكەتتىك فينانىس قىزمەت ٴماجىلىسى شىلدەنىڭ 14- كۇنىنەن 15-كۇنىنە دەيىن بەيجىڭدە اشىلدى. ج ك پ ورتالىق كوميتەتىنىڭ باس شۋجي، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى.

 

ول مىنانى باسا دارىپتەدى: فينانىس مەملەكەتتىڭ ماڭىزدى وزەكتى باسەكەلىك قۋاتى سانالادى. فينانىس حاۋپسزدىگى مەملەكەت حاۋپسزدىگىنىڭ ماڭىزدى قۇرامداس بولەگى، فينانىس تۇزىمى شارۋاشىلىق قوعام دامۋى بارسىنداعى ماڭىزدى نەگىزدىك تۇزىم ەسەپتەلەدى. پارتيانىڭ فينانىس قىزمەتىنە دەگەن باسىشلىعىن كۇشەيتىپ، ورنتىقىلىق بارسىندا العا باساۋداي نەگىزگى قىزمەت اۋەنىندە تاباندى بولىپ، فينانىستىڭ دامۋ زاڭدىلىعىنا قۇرمەت ەتىپ، تۇلعالىق شارۋاشىلىققا قىزمەت وتەۋدى توڭىرەكتەي وتىرىپ، فينانىس قاتەرىنەن ساقتانىپ، فينانىس رەفورماسىنداعى 3 تۇرلى مىندەتتى تەرەڭدەتىپ، فينانىستى مەڭگەرۋدە جاڭالىق جاراتىپ جانە كەمەلدەندىرىپ، وسىزامانعى فينانىس كاسپورىندار تۇزىمىن اقاۋسىزداندىرىپ، فينانىس بازارى جۇيەسىن جاقسارتىپ، وسىزامانعى فينانىستى باقىلاۋ- باسقارۋ جۇلگەسىن قۇرۋدى جەبەپ، فينانىستىڭ دامۋ فورماسىنا بۇرىلىس جاساۋدى تەزدەتىپ، فينانىس زاڭ تۇزىمدەرىن كەمەلدەندىرىپ، مەملەكەتتىڭ فينانىس حاۋپسىزدىگىن قامتاماسىزداندىرىپ، شارۋاشىلىق پەن فينانىستىڭ ٴتيىمدى اينالىسى مەن اقاۋسىز دامۋدى جەبەۋىمىز كەرەك.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭلي لي كىچياڭ ماجىلىستە ٴسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى يۇي جىڭشىڭ، ۋاڭ چيشان، جاڭ گاۋلي ماجىلىسكە قاتىناستى.

 

شي جينپيڭ سوزىندە مىنالاردى باسا دارىپتەدى: پارتيا 18- قۇرىلتايىنان بەرى، ەلىمىزدىڭ فينانىس رەفورماسىنىڭ دامۋى تىڭ دا سۇبەلى تابىستارعا قول جەتكىزىپ، فينانىس كاسبى تەز قارقىنمەن دامىپ، فينانىس ونىمدەرى كۇن سايىن مولايىپ، فينانىس قىزمەت وتەۋى جالپىعا تيىمدى باعىتقا قاراي ارتىپ، فينانىس رەفورماسى ٴتارتىپتى ىلگەرلەپ، فينانىس جۇيەسى ۇزدىكسىز كەمەلدەنىپ، حالىق اقشاسىنىڭ حالىقارالانۋى مەن فينانستى قوس باعىتتا اشۋ تىڭ بەلەستەرگە بەت الىپ، فينانىستى باقىلاۋ- باسقارۋ جاقسارىپ، جۇيەلىك فينانىس قاتەرىنەن ساقتانۋ قۋاتى نىعايدى.

 

شي جينپيڭ بىلاي دەپ كورسەتتى: فينانىس قىزمەتىن جاقسى ىستەۋدە مىناداي ٴبىرقانشا پرەنسىپتى مىقتى يگەرۋ كەرەك. 1-، فينانىستا تۇلعالىق شارۋاشىلىقتى دامىتۋعا قىزمەت وتەۋدى شىعار تۇيىن جانە تابان تىرەر تياناق ەتىپ، كوپتەگەن فينانىس بايلىقتارىن شارۋاشىلىق قوعام دامۋىنداعى ماڭىزدى سالالار مەن ٴالسىز بۋىندارعا قاراي ورنالاستىرىپ، حالىق بۇقاراسى مەن تۇلعالىق شارۋاشىلىقتىڭ الۋان تۇرلى فينانىس قاجەتىن قاناعاتتاندىرۋ.

 

2-، قۇرلىمدى ساپالاندىرىپ، فينانىس بازارىن، فينانىس قۇرلىمىن، فينانىس ونىمدەر جۇيەسىن كەمەلدەندىرۋ.

 

3-، فينانىستىق باقىلاۋدى كۇشەيتۋدى تۇيىن ەتىپ، جۇيەلىك فينانىس قاتەرىنەن ساقتانىپ، قاتىستى زاڭ -ەرەجە قۇرىلىسىن تەزدەتىپ، ماكىرولىق باقىلاۋ باسقارۋ تۇزىمى قۇرىلىسىن نىعايتىپ، فۇنكتسيالىق باقىلاۋدى كۇشەيتىپ، ارەكەتتى باقىلاۋ باسقارۋعا ٴتىپتى دە ٴمان بەرۋ 4-، بازاردىڭ فينانىس بايلىقتارىن ورنالاستىرۋداعى شەشۋشى رولىن ساۋلەلەندىرۋىمىز كەرەك
شي جينپيڭ مىنانى باسا دارىپتەدى: فينانىس- تۇلعالىق شارۋاشىلىقتىڭ كۇرە تامىرى. تۇلعالىق شارۋاشىلىققا قىزمەت وتەۋ فينانىستىڭ بورشىٴارى فيانىس قىزمەتىنىڭ ماقساتى. فينانىس قاتەرىنەن ساقتانۋدىڭ ٴتۇبىرلى شاراسى.

 

قامداۋ جاعىنداعى قۇرلىمدىق رەفورما بارسىندا قامبا قالدىقتارىن بىرىكتىرۋگە ٴمان بەرىپ، ارتۋ مولشەرى مەن قوزعاۋشى كۇشتى ساپالاندىرۋ قاجەت، دامۋعا قارجى توپتاۋدى ماڭداي الدى ورىنعا قويىپ، ارالىق فينانىستىق قۇرلىمدى جاقسارتىپ، مەملەكەت يەلىگىندەگى ٴىرى بانكەلەرگە سىراتەگيالىق بۇرىلىس جاساپ، ورتا شاعىن بانكەلەر مەن حالىقتىڭ فينانىس قۇرلىمدارىن دامىتۋ كەرەك. قامسىزداندىرۋ كاسبىنىڭ ۇزاق ۋاقىتتىق قاتەردى باسقارۋ مەن قامتاماسىزداندىرۋ قۋاتىن اقاۋسىزداندىرۋ ٴتيىس. جالپىعا پايدالى فيانىس جۇيەسىن ورناتىپ، شاعىن كاسپورىنداردىڭ اۋىل شارۋاشىلىعىنا، اۋىل قىستاققا جانە ديقاندارعا سونداي-اق شالعاي شەگارا رايوندارعا فينانىستىق قىزمەت وتەۋدى كۇشەيتىپ، فينانىس جاعىنداعى كەدەيلەردى دالمە - دال سۇيەمەلدەۋدى جەبەپ، فينانستىىڭ زالالسىز دامۋىنا دەم بەرۋىمىز قاجەت. ارالىقتاعى كاسىپتىك بۋىنداردى تازالاپ جانە ولاردى جۇيەلەندىرىپ، تۇلعالىق شاراۋشىلىقتىڭ فينانىستىق قولداۋدىڭ تۇسىن وزگەرتۋدەن ساقتانۋىمىز كەرەك.

 

شي جينپيڭ بىلاي دەدى: جۇيە سيپاتىندىق فينانس حاۋپى تۋىلۋىنىڭ الدىن الۋ-فينانس قىزمەتىندەگى ماڭگىلىك تاقىرىپ، سوندىقتان ونىڭ عىلمي الدىن الىپ، ەرتە پارىقتاۋ، الدىن الا ساقتاندىرۋ، ەرتە باستان بايقاۋ، ەرتە ٴبىرجايلى ەتۋ، تۇيىندى سالاداعى حاۋىپتەردەن كۇش سالا الدىن الۋ جانە ونى باسەڭدەتۋ تيىس. شارۋاشىلىق سالادا سۇيمەندەردى قالدىرىپ، ورنىقتى اقشا ساياساتىن باتىل اتقارۋ. مەملەكەتتىك كاسپورىنداردىڭ سۇيمەندەردى قالدىرۋىن ماڭداي الدى مىندەت ەتىپ، قۇر سۇلدەرى قالعان كاسپورىنداردى ٴبىر جايلى ەتۋ قىزمەتىن ويداعىداي ىستەۋ كەرەك. ٴار دارەجەلى جەرلىك پارتكومدار مەن ۇكىمەتتەر جەرلىك ۇكىمەتتەر قارىزىنىڭ ارتۋىن قاتاڭ تىزگىندەپ، جاۋاپكەرشىلىكتى تۇبىنە دەيىن قۋزاستىرۋلارى كەرەك. فينانىس بازارىنىڭ تارتىبىنە اۋىر كەدەرگىلىك جاساعان ارەكەتتەردى باتىل جونگە سالىپ، فينانىس ساۋداسىنىڭ بازار ارەكەتىن قاتاڭ جۇيەگە تۇسىرىپ، عالامتوردا فينانىستى باقىلاۋ باسقارۋدى كۇشەيتىپ، فينانس قۇرلىمدارىنىڭ حاۋىپتەن ساقتانۋ تۇلعالىق جاۋاپكەرشىلىگىن نىعايتۋ كەرەك. قوعامنىڭ سەنىمدىلىك جۇيە قۇرلىسىن كۇشەيتىپ، ەلىمىزدىڭ مەملەكەت جاعدايىنا ۇيلەسەتىن فينانستى زاڭمەن باسقارۋ جۇيەسىن كەمەلدەندىرۋ كەرەك.

 

شي جينپيڭ مىنالاردى باسا دارىپتەدى: فينانىس رەفورماسىن بارىنشا ىشكەرلەتىپ، وسىزامان فينانس كاسپورىن تۇزىمىن كەمەلدەندىرۋ، فينانىس باقىلاپ-باسقارۋدى سايكەستىرۋ، باقىلاۋ باسقارۋداعى ولقىلىقتاردى تولىقتاۋ كەرەك. مەملەكەتتىك كەڭەستە فينانىستى ورنىقتى دامىتۋ كوميتەتىن قۇرىپ، حالىق بانكەسىنىڭ ماكىرلىق جالپى باسقارۋ جانە جۇيە سيپاتىندىق حاۋىپتەردەن ساقتانۋ بورىشىن كۇشەيتۋ. فينانىستى باسقارۋ تاراۋلارى حاۋىپتى ۋاعىندا بايقاماۋ مىندەتتەن اعاتتىق جىبەرگەندىك؛ حاۋىپتى بايقاي تۇرا دەر كەزىندە ەسكەتپەۋ جانە ٴبىرجايلى ەتپەۋ جاۋپكەرسىزدىك بولۋ سىندى قاتاڭ باقىلاۋ-باسقارۋ جاعدايىن قالىپتاستىرۋ كەرەك.

 

شي جينپيڭ بىلاي دەدى: فينانستى بارىنشا سىرتقا اشىق ۇستاۋ، حالىق اقشا سىندىرىلىمىنىڭ قالىپتاسۋ مەحانيزمى رەفورماسىن ىشكەرلەتىپ، حالىق اقشاسىن ورنىقتى حالىقارالاندىرۋ، كاپيتال نىساندارىندا ورنىقتى اقشا ايىرباستاۋدى جۇزەگە اسىرۋ كەرەك. «ٴبىر بەلدەۋ ٴبىر جول» قۇرلىسى ىستەرىندە فينانىستا جاڭالىق جاراتۋدى جەبەپ، قاتىستى تۇزىمدەر جوسپارىن ويداعىداي ىستەۋ تيىس.

 

شي جينپيڭ مىنانى باسا دارىپتەدى: جاڭا جاعدايداعى فينانس قىزمەتىن ويداعىداي ىستەۋدە پارتيا ورتالىعىنىڭ فينانس قىزمەتىنە شوعىرلى ٴبىرتۇتاس باسشىلىعىندا، فينانىس رەفورما دامۋىنىڭ دۇرىس باعىتىنا تاباندى بولىپ، مەملەكەتتىڭ فينانىس حاۋىپسىزدىگىنە كەپىلدىك ەتۋ كەرەك. فينانس جۇيەسىنىڭ باسشىلىق القاسىن ويداعىداي قۇرىپ، ساياسي ساناسى بەرىك، تاماشا ئستىلدى، كاسىپكە جەتتىك فينانس دارىندىلارىن كۇش سالا جەتىلدىرۋ، تاڭداپ ٴوسىرۋ جانە ىستەتۋ اسىرەسە كاسىپتە ۇزدىك دارىندىلاردى جەتىلدىرۋگە بارىنشا ٴمان بەرىپ، ٴمورالىنا قابىلەتى ساي جوعارى ساپالى كاسىپتىك قوسىن قۇرۋعا كۇش سالۋ كەرەك.

 

لي كىچياڭ بىلاي دەدى: باس شۋجي شي جينپيڭنىڭ وسى رەتكى ماجىلىستە سويلەگەن ماڭىزدى ٴسوزىنىڭ رۋحىن مۇقيات ۇيرەنۋ جانە دايەكتى تياناقتاندىرۋ كەرەك. فينانس-مەملەكەتتىڭ تىرەگى، حالىق شارۋاشىلىعىنىڭ كۇرە تامىرى. تۇلعالىق شارۋاشىلىققا قىزمەت وتەۋدى تۇبىرلى ماقسات، جۇيە سيپاتىندىق حاۋىپتەردىڭ الدىن الۋ مەن باسەيتۋدى وزەكتى نىسانا، فينانس رەفورماسىن ىشكەرلەتۋدى تۇبىرلى قوزعاۋشى كۇش ەتىپ، شارۋاشىلىق پەن فينانىستىڭ قالىپتى اينالىمىن جەبەۋ كەرەك. جالپىعا تيىمدى فينانىستى بەلسەندى دامىتىپ، جاڭالىق جاراتۋ قوزعاۋشى كۇشىن دامىتۋ، جاڭا كونە قوزعاۋشى كۇشتەردى اۋىسترۋ، «كوپ بولىپ كاسىپ اشىپ جاڭالىق جاراتۋدى جەبەپ» كاسىپتەنۋدى سۇيەمەلدەۋ قاتارلى فينانىستىق قولداۋلاردى نىعايتىپ، قامسىزداندىرۋ بازارىنىڭ حاۋىپكە كەپىلدىك ەتۋ رولىن ارتتىرۋ كەرەك. بازارعا كىرۋ ولشەمى، ەرتە باستان ارالاسۋ جانە شەگىندىرۋ سىندى ٴۇش ساقتىق ولشەمدى مىقتى يگەرىپ، فينانىستى باقىلاپ باسقارۋدىڭ كاسىبي، ٴبىرتۇتاس، جاريالىق ەرەكشەلىكتەرىن كۇشەيتۋ، فينانىستىڭ بارلىق كاسىپتەرىن باقىلاۋ-باسقارۋ كولەمىنە ەنگىزىلۋى كەرەك. فينانىس كاسىبىن قوس باعىتتا اشىق ۇستاۋدى ورنىقتى كەڭەيتىپ، ساپالى دا جوعارى ٴونىمدى فينانىستىق قىزمەت وتەۋ ارقىلى شارۋاشىلىقتىڭ ورتا جوعارى قارقىنمەن ارتۋىن، ورتا جوعارى دەڭگەيگە قادام تاستاۋىن جەبەۋ كەرەك.

 

 اۋدارعان: گۇلميرا قوزىقان قىزى، سەرىك راقىم ۇلى