شي جينپيڭ ب م ۇ دۇنيە ساياحات ۇيىمىنىڭ 22-كەزەكتى جالپى ٴماجىلىسىن قۇتتىقتاپ حات جولدادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 16:47:00

 

    ٴوز حابارىمىز: ب م ۇ دۇنيە ساياحات ۇيىمىنىڭ 22-كەزەكتى جالپى ٴماجىلىسى 13-قىركۇيەك كۇنى سىچۋاننىڭ چىڭدۋ قالاسىندا اشىلدى. مەملەكەت ٴتوراعاسى شي جينپيڭ ٴماجىلىستى قۇتتىقتاپ حات جولدادى.

 

شي جينپيڭ مىنانى اتاپ كورسەتتى: ساياحات تۇرلىشە ەل، تۇرلىشە مادەنيەتتىڭ اۋىس-كۇيىس جاساپ ۇلگى الۋىنداعى ماڭىزدى دانەكەر، شارۋاشىلىقتى دامىتىپ، جۇمىس ورنىن مولايتۋدىڭ ٴونىمدى ٴتاسىلى، ٴارى حالىق بۇقاراسىنىڭ تۇرمىس دەڭگەيىن جوعارىلاتاتىن ماڭىزدى ارنا.

 

شي جينپيڭ مىنانى باسا دارىپتەدى: جۇڭگو ساياحات كاسىبىن دامىتۋعا ايىرىقشا ٴمان بەرىپ كەلەدى، ساياحات كاسىبىنىڭ جۇڭگو شارۋاشىلىعى مەن كاسىپتەنۋىنە قوسقان جالپىلىق ۇلەسى %10 تەن اسىپ كەتتى، الداعى بەس جىلدا، جۇڭگودان 700 ميلليون ادام رەت شەتەلگە ساياحاتتاي شىعادى. جۇڭگونىڭ تاريحى ۇزاق، شۇعىلالى مادەنيەتى، كوركەم تاۋ-وزەنى، الۋان ٴتۇرلى سالت-ساناسى بار، ٴبىز ٴار ەل ساياحاتشىلارىنىڭ جۇڭگوعا سەرۋەندەي، دەمالا كەلۋىن قارسى الامىز. ب م ۇ دۇنيە ساياحات ۇيىمى تۇتاس جەر شارىنىڭ ساياحات كاسىبىن دامىتۋ، حالىقارالىق ساياحات اۋىس-كۇيىس سەلبەستىگىن جەبەۋ جاعىندا بەلسەندى رول اتقارىپ كەلەدى. ٴار ەلدىڭ وسى رەتكى ٴماجىلىستى وراي ەتىپ، دۇنيەنىڭ ساياحات ىستەرىن اناعۇرلىم دامىتۋىن ٴۇمىت ەتەمىن.

 

اۋدارعان: گۇلنۇر قابىلقاق قىزى