شي جينپيڭ ۋەتنامداعى ساپارىن اياقتاتىپ ۋەنتيەنگە بارىپ لاۋوستاعى مەملەكەتتىك ساپارىن باستادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-11-14 11:32:00

 

    ءوز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ قاراشانىڭ 13 ـ كۇنى ۋەنتيەنگە جەتىپ، لاۋوس حالىق دەموكراتيالىق رەسپۇبليكاسىنداعى مەملەكەتتىك ساپارىن باستادى.

 

جەرلىك ۋاقىت تۇستەن كەيىن ساعات 3 تەن 5 مينۇت وتكەندە، شي جينپيڭ وتىرعان ارناۋلى ايروپلان ۋەنتيەندەگى ۋاداي حالقارالىق اۋەجايىنا قوندى. شي جينپيڭ ايروپلان ەسىگىنەن شىققاندا ، لاۋوس پارتياسى ورتالىق كوميتەت ساياسي بيۋروسىنىڭ مۇشەسى، ورتالىق شۋجيچۋدىڭ تۇراقتى ىستەر شۋجيى، مەملەكەت ءتوراعاسىنىڭ ورىنباسارى فان كان، لاۋوس پارتياسى ورتالىق كوميتەت ساياسي بيۋروسنىڭ مۇشەسى، ۋەنتيەن قالالىق كوميتەتتىڭ شۋجيى ءارى قالا باستىعى چين لافىڭ، لاۋوس پارتياسى ورتالىق كوميتەت ساياسي بيۋروسىنىڭ مۇشەسى، زۇڭليدىڭ ورىنباسارى سۇڭ ساي قاتارلىلار ىقىلاستى كۇتىپ الدى. لاۋوستىق ءوسپىرىم بالالار شي جينپيڭگە گۇل ۇسىندى. قۇرمەت قاراۋىل اسكەرلەر قىزىل كىلەمنىڭ ەكى جاعىنا ساپ تۇزەپ تۇردى.

 

شي جينپيڭ اۋەجايدا جازباشا ءسوز جاريالاعاندا بىلاي دەدى: دەپلوماتيالىق قاتناس ورناتقان 56 جىلدان بەرى ، ەكى جاقتىڭ كورشىلەس دوستىق قاتناسى حالقاراداعى قۇبىلمالى كەشۋلەردىڭ سىنىنان ءوتىپ، تاريح پاراعى تىڭنان اشىلدى. ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قاتناسى ىشكەرىلەي دامىپ، ەكى ەلگە جانە ەكى ەل حالقىنا ناق پايدا جەتكىزىپ قانا قالماستان، ءوڭىردىڭ جانە دۇنيەنىڭ بەيبىتشىلىگىنە، ورنىقتىلىعىنا ، كوركەيۋىنە بەلسەندى ۇلەس بولىپ قوسىلدى.

 

اۆتوموبىل قوسىنى اۋەجايدان اتتانىپ قوناقجايعا تارتتى، اۋەجايدا جۇڭگو ـ لاۋوس ەلدەرىنىڭ مەملەكەت باسشىلارىنىڭ الىپ ءمۇسىنى كۇلىمسىرەي قاراپ تۇر. جولدىڭ ەكى جاعالاۋىندا جۇڭگو مەن لاۋوستىڭ مەملەكەت تۋلارى جەلمەن جەلبىرەيدى. كوشەلەرگە قۋانىشپەن قارسى الۋ مازمۇنىنداعى ۇران ـ لوزينكالار اسىلعان، ىستىق ىقىلاستى جەرلىك جاستار كوشەنىڭ ەكى جاعاسىنا ءتىزىلىپ باس شۋجي شي جينپيڭگە ، مەملەكەت ءتوراعاسىنا قاراپ كۇلىمدەپ جۇڭگو مەن لاۋوستىڭ مەملەكەت تۋىن بۇلعايدى.

 

شي جينپيڭ ۋەتنامداعى مەملەكەتتىك ساپارىن اياقتاتقان سوڭ ۋەنتيەنگە كەلگەن بولاتىن. حانويدان اتتاناردا ،ۋەتنام كوممۇنىستىك پارتياسى ورتالىق كوميتەت ساياسي بيۋروسىنىڭ مۇشەسى، ورتالىق شۋجيچۋدىڭ تۇراقتى ىستەر شۋجيى، ورتالىق ءتارتىپ تەكسەرۋ كوميتەتىنىڭ مۇشەسى چىن گوۋاڭ قاتارلىلار اۋەجايدا ۇزاتىپ سالدى.

 

اۋدارعان: قاناتبەك جۇماباي ۇلى