شي جينپيڭ شياڭگاڭدا اۋىر قاتىناس شىرعالاڭى تۋىلعاندىعى جايىندا حال سۇرادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-02-13 10:08:00


    ٴوز حابارىمىز: 10-اقپان كۇنى ساعات 18 مولشەرىندە شياڭگاڭداعى داپۋ تاس جولىندا اۋىر قاتىناس شىرعالاڭى تۋىلىپ، قوس قاباتتى ٴبىر الەۋمەتتىك اۆتوبوز اۋدارىلىپ، 19 ادام قازا بولىپ، 60 نەشە ادام جارالاندى. شياڭگاڭ ەرەكشە اكىمشىلىك رايون ۇكىمەتى بۇعان شۇعىل اڭىس ٴبىلدىرىپ، سوڭعى جۇمىستاردى ٴبىر جايلى ەتتى.


    شىرعالاڭ تۋىلعاننان كەيىن ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ٴولىم-ٴجىتىم، جارالانۋ جاعدايى مەن قۇتقارۋ جۇمىستارىن جەدەل ۇعىسىپ، ورتالىق ۇكىمەتتىڭ شياڭگاڭداعى بايلانىس جاساۋ كەڭسەسىنىڭ جاۋاپتىسىنا ەرەكشە اكىمشىلىك رايوننىڭ اكىمى لين جىن يۇە-ىعا ٴوز اتىنان وسى ۋاقيعادا قازا بولعاندارعا قايعىلى ازا ٴبىلدىرىپ، ولاردىڭ وتباسىنداعىلارعا شىنايى كوڭىل ايتىپ، جارالانداردان ىقلاستى حال سۇرايتىندىعىن جەتكىزۋدى تاپسىردى ٴارى شياڭگاڭ ەرەكشە اكىمشىلىك رايون ۇكىمەتىنەن شىرعالاڭدا قازا بولعانداردىڭ سوڭعى جۇمىستارىن، جارالانداردى قۇتقارۋ جانە ولاردىڭ وتباسىنداردىڭ كوڭىلىن اۋلاۋ جۇمىستارىن كۇش سالا ىستەۋدى تالاپ ەتتى. شي جينپيڭ شياڭگاڭ ەرەكشە اكىمشىلىك رايون ۇكىمەتىنىڭ قاتىستى شۇعىل ٴبىرجايلى ەتۋ قىزمەتتەرىن دەر كەزىندە ىستەگەندىگىن تۇراقتاندىردى.


    لي كىچياڭ مەن جاڭ دىجياڭ دا ورتالىق ۇكىمەتتىڭ شياڭگاڭداعى بايلانىس جاساۋ كەڭسەسىنە وزدەرى اتىنان قايعىلى ازا ٴبىلدىرۋدى تاپسىردى.

اۋدارعان: گۇلميرا قوزىقان قىزى