شي جينپيڭ ورتالىقتىڭ سىرتقى ىستەر قىزمەتىنە ورتالىقتانعان ٴبىر تۇتاس باسشىلىعىن كۇشەيتىپ، جۇڭگوشا ٴىرى ەلدىك دەپلوماتيانىڭ جاڭا جاعدايىن جاراتۋ كەرەك،-دەپ باسا دارىپتەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-16 09:58:00


    ٴوز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى، ورتالىق سىرتقى ىستەر قىزمەت كوميتەتىنىڭ مەڭگەرۋشىسى شي جينپيڭ 15-مامىر كۇنى تۇستەن بۇرىن ورتالىق سىرتقى ىستەر قىزمەت كوميتەتىنىڭ ٴبىرىنشى ٴماجىلىسىن باسقارىپ اشتى ٴارى ماڭىزدى ٴسوز سويلەدى. شي جينپيڭ مىنانى باسا دارىپتەدى: پارتيا ورتالىق كوميتەتىنىڭ سىرتقى ىستەر قىزمەتىنە ورتالىقتانعان ٴبىر تۇتاس باسشىلىعىن كۇشەيتىپ، كەزەكتەگى حالىقارالىق اۋقىمنىڭ دامۋ وزگەرىسىن ٴدال يگەرىپ، جىگەرلەنە العا باسىپ، ٴورىس اشا ىلگەرىلەپ، جۇڭگوشا ٴىرى ەلدىك دەپلوماتيانىڭ جاڭا جاعدايىن قۇلشىنا جاراتىپ، «قوس 100 جىل» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ ٴۇشىن اناعۇرلىم زور ۇلەس قوسۋ كەرەك.


    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق سىرتقى ىستەر قىزمەت كوميتەتى مەڭگەرۋشىسىنىڭ ورىنباسارى لي كىچياڭ، مەملەكەت ٴتوراعاسىنىڭ ورىنباسارى، ورتالىق سىرتقى ىستەر قىزمەت كوميتەتىنىڭ مۇشەسى ۋاڭ چيشان ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋدىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.


    شي جينپيڭ سوزىندە مىنانى باسا دارىپتەدى: پارتيانىڭ 18-قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا، ٴبىز دەپلوماتيالىق نازاريا مەن ٴامالياتتا جاڭالىق جاراتۋدى بەلسەنە جەبەپ، جان-جاقتى دەپلوماتيالىق ورنالاستىرۋدى كەمەلدەندىرىپ جانە تەرەڭدەتىپ، «ٴبىر بەلدەۋ، ٴبىر جول» قۇرىلىسىن دارىپتەپ جانە ىلگەرىلەتىپ، جەر شارىن وڭاۋ جۇيەسى رەفورماسى مەن قۇرىلىسىنا ىشكەرىلەي ارالاسىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، پارتيانىڭ سىرتقى ىستەر قىزمەتىنە بولعان ورتالىقتانعان ٴبىر تۇتاس باسشىلىعىن كۇشەيتىپ، جۇڭگوشا ٴىرى ەلدىك دەپلوماتيانىڭ جاڭا جولىن جاراتىپ، تاريحي تابىستارعا قول جەتكىزدىك.


    شي جينپيڭ مىنانى اتاپ كورسەتتى: ٴبىز حالىقارالىق اۋقىمداعى وزگەرىستەردىڭ زاڭدىلىعىن ٴداپ باسىپ يگەرۋىمىز، جۇڭگومەن دۇنيەنىڭ دامۋ اۋقىمىن جىعا تانۋدان تىس، العا باسۋ جولىنداعى حاۋىپ-قاتەرلەرمەن سايىستاردى كورە ٴبىلۋىمىز، الدىن الا دايىندالىپ، لايىقتى توتەپ بەرىپ، قىزمەتتى شىنايى جاقسى ىستەۋىمىز كەرەك. كەزەكتە جانە بۇدان كەيىنگى ٴبىر مەزگىلدە، دەپلوماتيالىق ورنالاستىرۋدى تەرەڭدەتىپ، كەلەلى دەپلوماتيالىق قيمىلدار جوسپارىن تياناقتاندىرىپ، حاۋىپ-قاتەر تانىمىن كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ كەرەك.


    شي جينپيڭ مىنانى باسا دارىپتەدى: «ٴبىر بەلدەۋ، ٴبىر جول» قۇرىلىسى ٴبىزدىڭ ادامزاتتىڭ ورتاق تۇلعاسىن قۇرۋدى ىلگەرىلەتۋدەگى ماڭىزدى ٴامالياتتىق دانەكەرىمىز. جاقىنعى بىرنەشە جىلدان بەرى، «ٴبىر بەلدەۋ، ٴبىر جول» قۇرىلىسى كوزقاراستان ارەكەتكە اينالىپ، ناقتى حالىقارالىق سەلبەستىككە قاراي دامىپ، جۇرتتى جالت قاراتارلىق تابىستارعا قول جەتكىزدى. تۇڭعىش كەزەكتى «ٴبىر بەلدەۋ، ٴبىر جول» حالىقارالىق سەلبەستىك باسشىلار ٴماجىلىسى تالقىسىنىڭ تابىستارىن ويداعىداي تياناقتاندىرىپ، ٴار جاقتىڭ ورتاق تانىمىن توپتاپ، سەلبەستىك جوباسىن جوسپارلاپ، سىرتقا ەسىكتى ايقارا اشىپ، ٴار ەلمەن سويلەسۋدى، سايكەسۋدى، سەلبەسۋدى كۇشەيتىپ، «ٴبىر بەلدەۋ، ٴبىر جول» قۇرىلىسىن ورنىقتى دا باياندى ىلگەرىلەتىپ، ٴار ەل حالقىنا باقىت جاراتۋ كەرەك.


    شي جينپيڭ مىنانى اتاپ كورسەتتى: جەرلىك ورىنداردىڭ سىرتقى ىستەر قىزمەتى پارتيا مەن مەملەكەت سىرتقى ىستەر قىزمەتىنىڭ ماڭىزدى قۇرامداس ٴبولىمى. ورتالىق سىرتقى ىستەر قىزمەت كوميتەتىنىڭ ورتالىقتانعان ٴبىر تۇتاس باسشىلىعىندا، جەرلىك ورىنداردىڭ سىرتقى ىستەر قىزمەتىن ٴبىر تۇتاس جوسپارلاپ ويداعىداي ىستەۋ، جالپى جاعدايدى نەگىزگە الا وتىرىپ، جەر- جەردىڭ بايلىعىن جوتكەۋ، ۇيلەسىمدى ورنالاستىرۋ، قاتىستى قىزمەتتەردى، نىسانالى، ٴتارتىپتى جۇرگىزۋ كەرەك.


    شي جينپيڭ مىنانى باسا دارىپتەدى: جاڭا جاعدايداعى سىرتقى ىستەر قىزمەتىن ويداعىداي ىستەۋدە ورتالىق سىرتقى ىستەر قىزمەت كوميتەتى شەشىم جاساۋ، اقىلداسۋ، سايكەستىرۋ رولىن ساۋلەلەندىرىپ، جوعارى دەڭگەيلى جوبالاۋ مەن ٴبىر تۇتاس جوسپارلاپ سايكەستىرۋدى كۇشەيتىپ، باعداردى يگەرۋ، جالپى جاعدايدى كوزدەۋ، ساياسات بەلگىلەۋ قۋاتىن جوعارىلاتىپ، دەپلوماتيالىق قىزمەتتەگى ٴتۇزىلىس-مەحانيزمدىق رەفورمالاردى ىلگەرىلەتىپ، سىرتقى ىستەر قىزمەت قوسىنى قۇرىلىسىن كۇشەيتىپ، ٴتۇيىندى قىزمەتتەردى ىلگەرىلەتۋدى، تەكسەرۋدى، باقىلاۋدى كۇشەيتىپ، پارتيا ورتالىق كوميتەتىنىڭ سىرتقى ىستەر قىزمەتىنە جاساعان شەشىم-ورنالاستىرۋلارىنىڭ ناقتى تياناقتانۋىنا كەپىلدىك ەتۋى كەرەك.


    ماجىلىستە «ورتالىق سىرتقى ىستەر قىزمەت كوميتەتىنىڭ قىزمەت ەرەجەسى» قاتارلى حۇجاتتار قاراپ ماقۇلداندى.


اۋدارعان: گۇلنۇر قابىلقاق قىزى