راديو دەرەكتى ادەبيەتى «لياڭجياحى» 12-ٴبولىم
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-07-12 09:35:00

2017-جىلى قازاننىڭ 18-كۇنى لياڭجياحى قىستاعىنداعىلار قىستاق پارتيا ياچەيكاسىنىڭ جيىن زالىنا تەگىس جينالىپ، جۇڭگو كوممۋنيستىك پارتياسىنىڭ 19-رەتكى مەملەكەتتىك قۇرىلتايىنىڭ جەڭىسپەن اشىلۋىن اڭساي كۇتتى.


    بەيجيڭدەگى حالىق سارايىندا شاتىرلاعان شاپالاق ۇندەرى تولاستاماي سوعىلىپ جاتقاندا، لياڭجياحى قىستاعىنىڭ پارتيا ياچەيكاسىنىڭ جيىن زالىندا دا شاپالاق ٴۇنى دۇركىن-دۇركىن شاتىرلاي كوتەرىلىپ تۇردى.


    باس شۋجي شي جينپيڭنىڭ بايانداماسىن تىڭداعان سوڭ، قىستاقتاعىلار باياندامانىڭ ٴار ٴبىر ٴسوز سويلەمىن وزدەرىنىڭ جۇرەك سوزدەرىنە بالادى.


    ٴبىز وتكەندە تارتقان جاپانى ۇمىتۋىمىزعا، بۇگىنگى تاماشا كۇندەرگە قالاي جەتكەنىمىزدى ەستەن شىعارۋىمىزعا بولمايدى!


    -باس شۋجيدىڭ سوزىمەن ايتقاندا، العاشقى ماقساتتى ۇمىتپاعاندا عانا بارلىق ٴىستى باياندى ىستەۋگە بولادى.


    -جاڭا داۋىرگە قادام تاستادىق، ساياحات شارۋاشىلىعىمىزدى شالقىتا بەرۋىمىز، كاسىپتەردى ويداعىداي دامىتىپ، قىستاعىمىزدى ٴتىپتى دە تاماشا ەتىپ قۇرىپ شىعۋىمىز كەرەك.


    باس شۋجيدىڭ ٴۇمىتىن جەرگە قالدىرۋىمىزعا بولمايدى، بىلەك سىبانا ىستەۋىمىز كەرەك!


    كوپشىلىك جابال تالقىلاپ جاتىر، بارلىق اۋىلداستاردىڭ كوڭىلدەرىندە نۇرلى بولاشاققا دەگەن سەنىم ەسەلەي تۇسكەندەي.


    لياڭجياحى ادەتتەگى قاراپايىم عانا تاۋ قىستاعى، ارمان ٴارياسى العاش باستالعان وسىناۋ ٴوڭىر بۇگىنگى كۇندەرى ىسكە اسقان سول ارمانداردىڭ جارقىن كۋاسىنداي كۇللى الەمگە كۇلە قارايدى.


    2012-جىلى ليۋ رۇيليان تەلەۆيزور كورىپ وتىرىپ، باس شۋجي شي جينپيڭنىڭ جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن ىسكە اسىرۋىمىز كەرەك دەگەنىن ەستىگەندە قۋانعانىنان ٴتۇنى بويى ۇيقىسى كەلمەدى. ونىڭ دا ٴوز ارمانى بار ٴارى ارمانىنىڭ ءسوزسىز ىسكە اساتىندىعىنا سەنەدى. سونىمەن ول قولىنا ينە-ٴجىپ الا سالىپ «جۇڭگو ارمانى» دەگەن ٴسوزدى جاستىق قاپقا كەستەلەپ ٴتۇسىردى.


    لياڭجياحىنىڭ دامۋ اياق الىسى استە توقتاپ كورگەن ەمەس. مۇنداعى جۇرتشىلىق پلاندار جاساپ، قۇرىلىستار جۇرگىزىپ، جۇرت جۇرەگىن توعىستىرا كاسىپتى كوركەيتتى، كۇن سايىن جاڭا وزگەرىستەر تولاسسىز جارىققا شىعىپ، اتاسىندا كورمەگەندى بوتاسىندا كورگەندەي باياشات تۇرمىس بەسىگىندە تەربەلۋدە.


    لياڭجياحىدا وزگەرىستەر وراسان زور: اسپاليت جول ۋىن ان ـ يي قالاشىعىنان سۇيرىكتەي سوزىلا باستالىپ قىستاقتاردى جىبەك ارقانداي ارالاي، اقىرىندا مۋجۇن -يۋاننان ءبىر-اق شىعادى. اق بۇلاق اق مارجاندارىن شاشا الدە نەگە اسىققانداي اسىر سالا اعىپ بارادى. تاپ تۇيناقتاي رەتتى ەگىنشى اۋلاسىندا جاسىل تەرەك اۋلادان ارتىلا سىرتقا كوز سالعان ارۋداي بۇرالا سىڭسىيدى، باقىتتى تىرلىكتىڭ كوركەم كارتيناسى كەلگەندەردى ىنتىقتىرىپ، كەتكەندەردى قيماستىققا بولەيدى......


    لياڭجياحىلىقتار دا وزگەرىس وراسان زور: اق جارقىن اۋىلداستار ٴار كۇنى بۇكىل ەلدىڭ جەر-جەرىنەن كەلگەن مەيمانداردى مەيىرلەنە قابىلداپ، ورتاق ٴتىلدى وزدىكتەرىنەن ۇيرەنىپ العانىن ايتپاعاندا، اق شاشتى اجەلەر دە ورتاق ٴتىلدى ٴوز شامالارىنشا يگەرىپ العان، اۋەل دەسەڭ، شەكپەنى بولەك شەتەلدىكتەردىڭ قينالىپ قالماۋى ٴۇشىن، قالاشىقتان قىستاققا ستۋدەنت جاستار اعىلشىن ٴتىلى اۋدارماشىلىعىنا جىبەرىلدى، لياڭجياحىداعى دامۋ وزگەرىستەرىن ٴتىلماشتار ٴتىلى جەتكەنشە تانىستىرۋدا.


    جاڭا داۋىرگە قادام تاستاعاندا، ارينە جاڭا بەينە بولۋ كەرەك.


    -باس شۋجيدىڭ بايانداماسى-ٴبىزدىڭ قۇلشىنىس باعىتىمىز،-دەيدى قىستاق پارتيا ياچەيكا شۋجيى گۇڭ باۋشيۇڭ.


    اۋىلداستار جاس شاعىنداعى شي جينپيڭنىڭ لياڭجياحىدا وتكەن 7 جىلدىق ٴومىرىن ەسكە الىپ، سوناۋ شاقتاردى لياڭجياحىنىڭ قازىرگى ساتتەرىمەن سالىستىرا ويلاپ، جاڭا تاريحي تۇرعىدان كوز سالعاندا، شانشيدىڭ سولتۇستىك باۋرايىنداعى لياڭجياحى دەگەن وسىناۋ شاعىن قىستاقتىڭ حالىققا باقىت جاراتۋداي العاشقى ارماندى، اقيقاتقا تالپىنعان تالماس رۋحتى، جاپاكەشتىكپەن بەرىلە ىستەيتىن قاجىرلى ٴىستىلدى، قيىن قامالداردى بۇزاتىن قايتپاس وتكىرلىكتى ٴوز توپىراعىنا ٴسىڭىرىپ، ارمان جولىندا ارپالىسۋدان، ٴۇمىت ۇردىسىندە ۇلەس قوسۋدان ايانبايتىن جالىندى جاستاردىڭ اسىل مەكەن، ارمان دالاسىنا؛ ودان دا ماڭىزدىسى، بورىشتى ەستەن بەرىك ساقتاپ، ۇدىرە العا تارتقان كوممۋنيستەردىڭ رۋحاني تالعام تالعارىنا اينالعاندىعىن اينا قاتەسىز سەزە الادى.


    ۇلى ٴداۋىر-ۇلى ارمانداردىڭ بەسىگى.


    بۇگىنگى لياڭجياحى جاڭا ٴداۋىر شىعىس جەلىنىڭ جەبەۋىندە، جاڭا جورىق شالقارىندا تولقىن جارا العا تارتىپ، قوس ٴجۇز جىلدىق كۇرەس نىساناسى سىندى قارسى جاعاعا قاسقايا تارتىپ بارادى......