شي جينپيڭ مەن پۋتين جۇڭگو-رەسەي جەرلىك ورىندار باسشىلارىنىڭ سۇقپاتىنا بىرلىكتە قاتىناستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 09:51:00

   
    ٴوز حابارىمىز: مەملەكەت ٴتوراعاسى شي جينپيڭ 9-ايدىڭ 11-كۇنى ۆلاديۆوستوكتا رەسەيدىڭ پرەزيدەنتى پۋتينمەن بىرگە جۇڭگو-رەسەي جەرلىك ورىندار باسشىلارىنىڭ سۇقپاتىنا قاتىناستى.


    ەكى ەل باسشىلارى ەكى جاق ۋاكىلدەرىنىڭ وسى رەتكى سۇقپات جاعدايى مەن جۇڭگو-رەسەي جەرلىك ورىندارىنىڭ سەلبەستىك جاعدايى جونىندەگى مالىمەتىن تىڭداعاننان كەيىن، جەكە-جەكە ٴسوز سويلەدى. شي جينپيڭ مىنانى اتاپ كورسەتتى: جۇڭگومەن رەسەي ەڭ ٴىرى كورشى ەل جانە ماڭىزدى جالپى بەتتىك ستراتەگيالىق سەلبەستىك سەرىك رەتىندە، كولەمدى ورتاق مۇددەگە يە. ەكى جاقتىڭ سەلبەستىكتى كۇشەيتىپ، مۇددەنى تەرەڭدەي توعىستىرۋى-سىرتقى قاتەر مەن سايىستاردى بىرلىكتە شەشۋگە، ورتاق دامىپ گۇلدەنىپ-كوركەيۋگە ٴتيىمدى. جەرلىك ورىندار سەلبەستىگى جۇڭگومەن رەسەي قاتىناسىندا ەرەكشە ماڭىزدى رول اتقارىپ وتىر.


    شي جينپيڭ ەكى ەلدىڭ جەرلىك ورىندار سەلبەستىگى جونىندە مىناداي ٴتورت ٴتۇرلى ۇسىنىس قويدى: ٴبىرىنشى، جەرلىك ۇكىمەتتەردىڭ رولىن ساۋلەلەندىرىپ، ٴبىر تۇتاس جوسپارلاۋ مەن سايكەستىرۋدى كۇشەيتىپ، ۇكىمەتتىڭ ساياساتىن شىنايى جاقسارتىپ، ٴتىپتى دە كوپ جەرلىك ورىنداردى دوستاسۋعا شابىتتاندىرىپ، ەكى ەل كاسىپورىندارىنىڭ ٴوزارا قارجى قوسۋىنا ساپالى ساۋدا ورتاسىن، قولايلى سەلبەستىك شارتتارىن ازىرلەۋ كەرەك. ەكىنشى، سەلبەستىك وي جەلىسىندە جاڭالىق جاراتىپ، سەلبەستىك وڭىرلەرىن كەڭەيتىپ، سەلبەستىك ارناسىنان ۇتىمدى پايدالانىپ، قازىرگى مەحانيزمدى ويداعىداي دامىتىپ، وڭىرلىك سەلبەستىكتىڭ جاڭا فورماسىن ىشكەرىلەي قاراستىرۋ ٴتيىس. ٴۇشىنشى، ٴوزارا تولىقتاۋ ٴابىزالدىلىعىن كۇشەيتىپ، جەرلىك ەرەكشەلىكتى كورنەكتىلەندىرىپ، سەلبەستىك رۋحىن ٴدال ۇشتاستىرىپ، ساپالى بايلىقتاردى بىرىكتىرىپ، سەلبەستىكتىڭ ىشكى قوزعاۋشى كۇشىن جۇمىلدىرىپ، ٴابىزالدىلىقتى تابىسقا اينالدىرىپ، سەلبەستىك تۇيىندەرىن سومداۋ قاجەت. ٴتورتىنشى، گۋمانتيارلىق اۋىس-كۇيىستى كۇشەيتىپ، سەلبەستىكتىڭ نەگىزگى جۇرت تىلەگى مەن قوعامدىق نەگىزىن بەكەمدەپ، ەكى ەلدىڭ جەرلىك ورىندارىنىڭ مادەنيەت، ساياحات، وقۋ-اعارتۋ، مەديا قاتارلى سالالارداعى اۋىس-كۇيىسىن مەحانيزمدەندىرىپ، ۇنەمىلىككە اينالدىرىپ، ٴوزارا سۇيىسپەنشىلىك سەزىم مەن مويىنداۋ سەزىمىن كۇشەيتۋ كەرەك.


    شي جينپيڭ مىنانى باسا دارىپتەدى: بيىل جىل باسىندا، پۋتين پرەزيدەنت ەكەۋمىز 2018-جىلدان 2019-جىلعا دەيىن جۇڭگو مەن رەسەي جەرلىك ورىندارىنىڭ سەلبەستىك اۋىس-كۇيىس جىلىن وتكىزۋدى ۇيعارىپ، جەرلىك ورىندار سەلبەستىگىن بيىلعى جانە كەلەر جىلعى ەكى جاقتىڭ سەلبەستىك نەگىزگى جەلىسى ەتىپ تۇراقتاندىردىق. جەرلىك ورىندار سەلبەستىگى ورايلى ساتتە تۇر. ەكى ەل ۇكىمەتتەرى ٴار قايسى جەرلەردىڭ سەلبەسۋىن، سەلبەستىك تابىستارىنان ورتاق يگىلىكتەنۋىن قولدايدى. جۇڭگو مەن رەسەيدىڭ ٴارقايسى ولكە، وبىلىستارىنىڭ ۋاكىلدەرىنەن جۇڭگومەن رەسەيدىڭ جەرلىك ورىندار سەلبەستىگىنىڭ اۋىس-كۇيىس ورايىنان پايدالانىپ، جۇڭگومەن رەسەيدىڭ جەرلىك ورىندار سەلبەستىگىنىڭ تىڭ ٴداۋىرىن بىرلىكتە اشىپ، ەكى ەل قاتىناسىنىڭ دامۋىنا ۇلەس قوسۋىن ٴۇمىت ەتەمىن.


    پۋتين بىلاي دەدى: جەرلىك ورىندار سەلبەستىگى-رەسەي مەن جۇڭگونىڭ جالپى بەتتىك ستراتەگيالىق سەرىكتەستىك سەلبەستىك قاتىناسىنىڭ ماڭىزدى قۇرامداس ٴبولىمى. ەكى ەلدىڭ جەرلىك ورىندارىنىڭ قويۋ شارۋاشىلىق-ساۋدا جانە گۋمانتيارلىق سەلبەستىك ورىستەتكەندىگىن كورىپ قۋاندىم. رەسەي ۇكىمەتى جۇڭگو كاسىپورىندارىنىڭ رەسەيگە كەلىپ قارجى قوسىپ، كاسىپ گۇلدەندىرۋىن قارسى الادى، ەكى ەلدىڭ جەرلىك ورىندار سەلبەستىگىن كۇشەيتۋگە جالعاستى تاماشا شارت-جاعداي جانە ورتا ازىرلەۋگە پەيىل. جاڭا جاعدايدا، رەسەي مەن جۇڭگو جەرلىك ورىندار سەلبەستىگى اۋىس-كۇيىس جىلىن وراي ەتىپ، ٴوزارا تۇتاستىرۋ دەڭگەيىن جوعارىلاتىپ، ساۋدا مەن قارجى قوسۋدى ەركىندەستىرۋدى، قولايلاستىرۋدى جەبەپ، حالىقتىق دوستىقتى نىعايتىپ، ەكى ەلدىڭ جەرلىك ورىندار سەلبەستىگىنىڭ ەكى ەل حالقىنا اناعۇرلىم كوپ يگىلىك جەتكىزەتىن تابىستارعا كەنەلۋىن جەبەۋلەرى كەرەك. «جاڭا داۋىردەگى جۇڭگومەن رەسەيدىڭ جەرلىك ورىندار سەلبەستىگى»-وسى رەتكى سۇحپاتتىڭ باستى تاقىرىبى. جۇڭگونىڭ ىشكى مۇڭعۇل اۆتونوميالى رايونى، لياۋنيڭ، حيلۇڭجياڭ، جياڭسۋ، جىجياڭ، شاندۇڭ، سىچۋان، گۋاڭدۇڭ ولكەلەرى قاتارلى 9 ولكە، اۆتونوميالى رايوننىڭ جاۋاپتىلارى مەن رەسەيدىڭ تەڭىز جاعالاۋ شەكارا رايونى، حاباروۆسكي شەكارا رايونى، امۋر وبىلىسى، ەۆرەي اۆتونوميالى وبىلىسى، ارتقى بايقال شەكارا رايونى، داعىستان رەسپۋبليكاسى، تومەنگى نوۆوگرود وبىلىسى، يركۋتسكي وبىلىسى، موسكۆا وبىلىسى، سۆەردلوۆ وبىلىسى، ياروسىلاۆ وبىلىسى، تۋلا وبىلسى، چەچەن رەسپۋبليكاسى قاتارلى 13 فەدراتسيالىق تۇلعانىڭ جاۋاپتىلارى سۇحپاتقا قاتىناستى.


    سۇحپاتتان كەيىن، ەكى ەل باسشىلارى اۆتوكولىككە وتىرىپ، قيىر شىعىس ساياحات كوشەسىنە باردى. شي جينپيڭ مەن پۋتين قيىر شىعىس ساياحات كوشەسىنە بارعاندا، جەرلىك ورىنداعى جاسوسپىرىمدەر جۇڭحۋانىڭ سايىسكەرلىك ونەرىن كورسەتىپ، ەكى ەل باسشىسىن قارسى الدى. شي جينپيڭ پۋتينمەن بىرگە امۋر وبىلىسىنىڭ شارۋاشىلىق دامۋى جانە جۇڭگومەن بولعان سەلبەستىگى جونىندەگى سۋرەتتەر كورمەسىن، سونداي-اق حيلۇڭجياڭ ولكەسى مەن امۋر وبىلىسىنىڭ ٴداستۇرلى قولونەر بۇيىمدار كورمەسىن ەكسكۋرسيالاپ، حيلۇڭجياڭ ولكەسى مەن امۋر وبىلىسىنىڭ گۋمانتيارلىق سالاداعى دوستىق اۋىس-كۇيىس جاعدايى جونىندەگى تانىستىرۋدى تىڭدادى. ەكى ەل باسشىلارى سوڭىنان بالىق بازارى مەن رەسەي جاستارىنىڭ جوعارى تەحنيكا كورمەسىن ەكسكۋرسيالادى. ەكى ەل باسشىلارى جەرلىك ەرەكشەلىكتەگى تاعامداردى جاساپ، بۇقارامەن ىقىلاستى اڭگىمەلەستى.


اۋدارعان: گۇلنۇر قابىلقاق قىزى