شي جينپيڭنىڭ شاڭحايدى كوزدەن كەشىرۋى جەرلىكتەگى كادىرلەر مەن جۇرتشىلىق اراسىندا قىزۋ اڭىس قوزعادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 09:58:00

 

ٴوز حابارىمىز: سەنىمدى بەكەمدەپ رەفورمالاۋ ەسىك اشۋدى ٴتىپتى دە ورىستەتەيىك. باس شۋجي شي جينپيڭنىڭ شاڭحايدى كوزدەن كەشىرۋى جەرلىكتەگى كادىرلار مەن بۇقارا اراسىندا كۇشتى اڭىس قوزعادى.


    شاڭحاي ورتالىق سارايىنىڭ 22-قاباتىنداعى لۋجيازۇي فينانىس قالاسىنىڭ پارتيا قۇرىلىسىنا قىزمەت وتەۋ ورتالىعىندا، باس شۋجي شي جينپيڭ شاڭحاي قالاسىنىڭ نەگىزگى ساتى پارتيا قۇرىلىسىن كۇشەيتۋ جاعىندا جالعاستى ىزدەنىس جاساپ العا تارتا بەرۋلەرىن ٴۇمىت ەتتى. شاڭحاي ەركىن ساۋدا سىناق رايونى لۋجيازۇي باسقارۋ مەكەمەسى پارتگرپپاسىنىڭ شۋجيى، مەكەمە باستىعى جاڭ ۇيشياڭ بىلاي دەدى: باس شۋجيدىڭ قامقورلىعى مەن دەم بەرۋى نەگىزگى ساتىداعى پارتيا قۇرىلىسىمەن اينالىساتىن قىزمەتكەرلەردى ەرەكشە شابىتتاندىردى، ٴبىز باس شۋجيدىڭ ماڭىزدى نۇسقاۋى بويىنشا، جاڭا داۋىردەگى نەگىزگى ساتى پارتيا قۇرىلىسىندا تىڭ ناتيجەلەر جاراتۋدى بار كۇشپەن جەبەپ، جاڭا شارۋاشىلىق ۇيىمى مەن جاڭا قوعامدىق ۇيىم سىندى پارتيا قۇرىلىسىن بۇكىلدەي جالپىلاستىرۋ قىزمەتىن ويداعىداي جۇزەگە اسىرۋىمىز كەرەك ٴارى جاعدايعا ۇيلەسىپ، دامۋ جۇلگەسىن كەڭەيتىپ، ناقتىلى جاعدايدى شىعار تۇيىن ەتىپ، نەگىزگى ساتى پارتيا ۇيىمىنىڭ يدەيالىق ساياسي جەتەكشىلىگىن كۇشەيتىپ، نەگىزگى ساتى پارتيا ۇيىم قۇرىلىسىنىڭ تىڭ جولىنا بەلسەندى ىزدەنىس جاساۋىمىز كەرەك.


    پۋدۇڭ جاڭا رايونى قالا اينالىمىن ۋنيۆەرسال باسقارۋ ورتالىعىندا، باس شۋجي قالاسىنان شاڭحايدان قالا باسقارۋ ورەسىن ۇزدىكسىز جوعارىلاتۋدى ٴۇمىت ەتتى. پۋدۇڭ جاڭا رايونى قالا اينالىمىن ۋنيۆەرسال باسقارۋ ورتالىعى زەيىندەستىرۋ ورەسىن جوعارىلاتۋ ارناۋلى گرۋپپاسىنىڭ جاۋاپتىسى شۇي حۇيلي بىلاي دەدى: باس شۋجي ناق مايداندا كوپشىلىكتى قالانى وڭاۋ ورەسىن جوعارىلاتۋدا ٴسوز جوق عىلميلاستىرۋ، ارنالاستىرۋ جانە زەيىندەستىرۋگە كۇش سالۋعا جىگەرلەندىردى، كوپشىلىك باس شۋجيدىڭ بۇل سوزىنەن ەرەكشە شابىت الدى. الدا ٴبىز شاڭحايدى حالىقارالىق دەڭگەيدەگى ۇزدىك قالا ەتىپ قۇرىپ شىعۋعا جالعاستى قۇلشىنىپ، شاڭحاي قالاسىن ٴتىپتى دە ٴتارتىپتى، ٴتىپتى دە حاۋىپسىز جانە تازا قالا ەتىپ قۇرىپ، حالىق جۇرتشىلىعىن شىنايى باحىتقا كەنەلتۋىمىز كەرەك.


    باس شۋجي شي جينپيڭنىڭ جاڭ-جياڭ عىلىم قالاسىندا سويلەگەن ٴسوزى عىلىم-تەحنيكا قىزمەتكەرلەرى مەن عىلىم-تەحنيكا كاسىپكەرلەرىن ەرەكشە شابىتتاندىردى. جۇڭگو عىلىم اكەدەمياسى شاڭحاي ٴدارى زەرتتەۋ ورننىڭ باستىعى، جۇڭگو عىلىم اكەدەمياسىنىڭ اكەدەميگى جياڭ حۋالياڭ بىلاي دەدى: باس شۋجيدىڭ عىلىم-تەحنيكادا جاڭالىق جاراتۋدى اسىعا كۇتىپ وتىرعان كوڭىل كۇيىن شىنايى سەزىندىم، الدا ٴبىز باس شۋجيدىڭ تاپسىرۋى بويىنشا جۇمىس ىستەپ، عىلىم-تەحنيكادا جاڭالىق جاراتۋدىڭ كوكەيتەستىلىگىن ارتتىرىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋعا قۇلشىنا كۇرەس جاسايمىز.


    شاڭحاي كىچۋاڭ سەرىكتىگى، شي-جيڭ ينفورماتسيا عىلىم-تەحنيكا شەكتى سەرىكتىگىنىڭ باس اتقارۋشىسى تان ليمين بىلاي دەدى: ٴبىز باس شۋجيدىڭ تاپسىرۋىن ماڭگى ەستە ساقتاپ، امالياتتا جاڭالىق جاراتۋ جانە ونى اينالىمعا سالۋدى ٴوز بورىشىمىز دەپ قاراپ، جاڭالىق جاراتۋعا جالعاستى كۇش سالىپ، «ٴوز كۇشىنە سۇيەنىپ ٴومىر سۇرۋ، قاجىرلىقپەن كاسىپ اشۋ» رۋحى بويىنشا، جاساندى زەيىن تەحنيكاسى ارقىلى عىلىم-تەحنيكادا ەگەي ەل بولۋعا ٴبىر كىسىلىك ۇلەس قوسامىز.


اۋدارعان: نازار ٴارىپ ۇلى