شي جينپيڭ بەسىنشى رەتكى مەملەكەتتىك نەگىزگى زاڭ كۇنى قارساڭىندا ماڭىزدى نۇسقاۋ جاسادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-12-04 16:34:00

شي جينپيڭ بەسىنشى رەتكى مەملەكەتتىك نەگىزگى زاڭ كۇنى قارساڭىندا ماڭىزدى نۇسقاۋ جاسادى لي جانشۋ «نەگىزگى زاڭدى ىشكەرىلەي ۇيرەنىپ، دايەكتى اتقارىپ، رەفورما جاساپ، ەسىك اشۋدى باتىل ىلگەرىلەتەيىك» دەگەن اڭگىمە ماجىلىسىنە قاتىناستى ءارى ءسوز سويلەدى


شينحۋا اگەنتتىگىنىڭ حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەسىنشى رەتكى مەملەكەتتىك نەگىزگى زاڭ كۇنى قارساڭىندا ماڭىزدى نۇسقاۋ جاساپ، مىنانى اتاپ كورسەتتى: ەلدى زاڭمەن باسقارۋدا ەڭ الدىمەن ەلدى نەگىزگى زاڭمەن باسقارۋعا تاباندى بولۋ، زاڭ بويىنشا بيلىك جۇرگىزۋدە ەڭ الدىمەن نەگىزگى زاڭ بويىنشا بيلىك جۇرگىزۋگە تاباندى بولۋ كەرەك. ەلىمىزدە قازىر اتقارىلىپ وتىرعان نەگىزگى زاڭ-پارتيانىڭ باسشىلىعىندا، ەلىمىزدىڭ سوتسياليستىك توڭكەرىس، قۇرىلىس، رەفورما ءامالياتىنىڭ تاجىريبەلەرى جان-جاقتى قورتىندىلانۋ نەگىزىندە ۇزدىكسىز كەمەلدەنگەن، پارتيانىڭ قۋاتتاماسى مەن حالىقتىڭ ەركى وسكەلەڭ بىرلىككە كەلگەن، قۇدىرەتتى ومىرشەڭدىك كۇشكە يە بولىپ، رەفورما جاساپ، ەسىك اشۋ مەن سوتسياليستىك وسىزامانداندىرۋ قۇرىلىسىن ءتۇبىرلى زاڭدىق كەپىلمەن قامدادى. پارتيانىڭ حالىققا باسشىلىق ەتىپ نەگىزگى زاڭدى جاساۋى جانە ونى كەمەلدەندىرۋى-نەگىزگى زاڭنىڭ ەل باسقارىپ بيلىك جۇرگىزۋدەگى ماڭىزدى رولىن ساۋلەلەندىرۋ بولىپ تابىلادى. عىلمي دا ءونىمدى، جۇيەلى دە كەمەلدى ءتۇزىم جۇيەسى ارقىلى نەگىزگى زاڭنىڭ اتقارىلۋىنا كەپىلدىك ەتىپ، نەگىزگى زاڭدى باقىلاپ-باسقارۋدى كۇشەيتىپ، نەگىزگى زاڭنىڭ اتاق-ابىرويىن قورعاپ، نەگىزگى زاڭدى اتقارۋدى تىڭ دەڭگەيگە كوتەرۋ كەرەك. بۇكىل پارتيا مەن بۇكىل قوعامدا نەگىزگى زاڭدى قۇرمەتتەيتىن، نەگىزگى زاڭدى ۇيرەنەتىن، نەگىزگى زاڭعا بويسۇناتىن، نەگىزگى زاڭدى قورعايتىن، نەگىزگى زاڭدى قولداناتىن ۇگىت-تاربيە قيمىلىن ىشكەرىلەي ورىستەتىپ، نەگىزگى زاڭ رۋحىن ساۋلەلەندىرىپ، نەگىزگى زاڭنىڭ بەدەلىن ورناتىپ، بۇكىل حالىقتى سوتسياليستىك زاڭمەن باسقارۋدىڭ ادال ارداقتاۋشىلارى، سانالى بويسۇنۋشىلارى، باتىل قورعاۋشىلارى بولۋعا باستاۋ كەرەك.


مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى 12-ايدىڭ 4-كۇنى ورتالىق ۇگىت بولىمىمەن، ءادىليا مينيسترلىگىمەن بىرلەسىپ، بەيجيڭدە «نەگىزگى زاڭدى ىشكەرىلەي ۇيرەنىپ، دايەكتى اتقارىپ، رەفورما جاساپ، ەسىك اشۋدى باتىل ىلگەرىلەتەيىك» دەگەن تاقىرىپتا اڭگىمە ءماجىلىس وتكىزدى.


ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ اڭگىمە ماجىلىسكە قاتىناستى ءارى ءسوز سويلەپ مىنانى باسا دارىپتەدى: باس شۋجي شي جينپيڭنىڭ نەگىزگى زاڭ جونىندەگى ماڭىزدى ءسوزى مەن نۇسقاۋ رۋحىن ىشكەرىلەي ۇيرەنىپ، دايەكتى تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءبىر تۇتاس باسشىلىعىندا، نەگىزگى زاڭ رۋحىن ساۋلەلەندىرىپ، نەگىزگى زاڭنىڭ بەدەلىن قورعاۋ كەرەك.


لي جانشۋ بىلاي دەدى: رەفورما جاساپ، ەسىك اشقان 40 جىلدان بەرى، نەگىزگى زاڭ پارتيا مەن مەملەكەت ىستەرىنىڭ دامۋىن پارمەندى قامتاماسىزداندىرىپ، نەگىزگى زاڭدى دايەكتى اتقارۋدا قىمباتتى تاجىريبەلەر بارلىققا كەلدى. ءبىرىنشى، نەگىزگى زاڭدا تۇراقتاندىرىلعان جۇڭگو كوممۋنيستىك پارتياسىنىڭ باسشىلىق ورنىنا قاي-قاشان دا تاباندى بولىپ، پارتيانىڭ بارلىق قىزمەتكە بولعان باسشىلىعىنان اۋىتقىماي، پارتيانىڭ حالىققا باسشىلىق ەتىپ، مەملەكەتتى ءونىمدى باسقارۋىنا كەپىلدىك ەتىلدى. ەكىنشى، حالىقتى وزەك ەتۋگە تاباندى بولىپ، ءتۇزىم جۇيەسى ارقىلى، حالىقتىڭ قوجايىن بولۋىنا كەپىلدىك ەتىلىپ، حالىقتىڭ تاماشا تۇرمىسقا دەگەن تالپىنىسى جۇزەگە اسىرىلدى. ءۇشىنشى، نەگىزگى زاڭدا تۇراقتاندىرىلعان مەملەكەتتىڭ ءتۇيىندى مىندەتى، دامۋ جولى، كۇرەس نىساناسى بويىنشا، جاڭا دامۋ كوزقاراسى، سوتسياليستىك وسىزاماندانعان قۇدىرەتتى ەل قۇرۋ نىساناسى ىشكەرىلەي دايەكتەندى. ءتورتىنشى ،جۇڭگوشا سوتسياليستىك زاڭمەن باسقارۋ جولىنان اۋىتقىماي، مەملەكەتتى زاڭ بويىنشا باسقارۋ ءامالياتى ۇزدىكسىز تەرەڭدەپ، مەملەكەتتىڭ ساياسي جانە قوعامدىق تۇرمىسىن زاڭمەن باسقارۋ دەڭگەيى ۇزدىكسىز جوعارىلادى. بەسىنشى، مەملەكەتتىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن باتىل قورعادى. ەلىمىزدە قازىر اتقارىلىپ وتىرعان نەگىزگى زاڭ مەملەكەت جاعدايىنا، ىسجۇزىندىككە، ءداۋىردىڭ دامۋ تالابىنا ۇيلەسەتىن ءابىزال نەگىزگى زاڭ، ونى ءسوزسىز قورعاۋ، وعان ۇزاق ۋاقىت تاباندى بولۋ، جالپى بەتتىك دايەكتىلەندىرۋ قاجەت.


لي جانشۋ مىنانى باسا دارىپتەدى: شي جينپيڭنىڭ جاڭا داۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ نەگىزگى زاڭ جونىندەگى ماڭىزدى بايىمداۋىنىڭ رۋحىن دايەكتى تياناقتاندىرىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ-ءتۇزىم جۇيەسىن ۇزدىكسىز كەمەلدەندىرىپ، كەمەلدى زاڭ-قاعيدا جۇيەسى ارقىلى حۇجاتتاعى نەگىزگى زاڭدى ءاماليات بارىسىندا شىنايى قولدانۋ كەرەك. نەگىزگى زاڭ مەن زاڭداردىڭ اتقارىلۋ جاعدايىن باقىلاپ-تەكسەرۋدى كۇشەيتىپ، نەگىزگى زاڭعا ۇيلەسۋ-ۇيلەسپەۋدى تەكسەرۋ قىزمەتىن ىلگەرىلەتىپ، نەگىزگى زاڭدى ءتۇسىندىرۋ مەحانيزمىن كەمەلدەندىرىپ، نەگىزگى زاڭنىڭ بەدەلىن شىنايى قورعاۋ ءتيىس. نەگىزگى زاڭنىڭ بەدەلىن ورناتىپ، مەملەكەت قىزمەتكەرلەرىنىڭ نەگىزگى زاڭ تانىمىن نىعايتىپ، زاڭمەن باسقارۋ جونىندەگى ۇگىت-تاربيەگە تۇزىمدىك ورنالاستىرۋدى كۇشەيتىپ، نەگىزگى زاڭ ۇگىت-تاربيە قىزمەتىندە جاڭالىق جاراتىپ، نەگىزگى زاڭ نازاريالىق زەرتتەۋىن كۇشەيتىپ، نەگىزگى زاڭدى جۇرت جۇرەگىنە ۇيالاتۋ كەرەك.


ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن باس شۋجي شي جينپيڭنىڭ ماڭىزدى نۇسقاۋىن جەتكىزدى ءارى ءماجىلىستى باسقاردى.


ورتالىق ۇگىت ءبولىمى، مەملەكەتتىك حالىق قۇرىلتايى نەگىزگى زاڭ جانە زاڭ-ءتۇزىم كوميتەتى، ءادىليا مينيسترلىگى، وقۋ-اعارتۋ مينيسترلىگى، مەملەكەتتىك كەڭەستىڭ دامۋدى زەرتتەۋ ورتالىعى، جۇڭگو زاڭ ءىلمى قوعامى، جۇڭگو قوعامدىق عىلىمدار اكەدەمياسى قاتارلى ورىنداردىڭ قاتىستى جاۋاپتىلارى مەن 2018-جىلدىق زاڭ سالاسىنداعى قايراتكەرلەردىڭ ۋاكىلدەرى اڭگىمە ماجىلىستە ءسوز سويلەدى.


ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك باقىلاۋ-تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ساۋ جيانميڭ، ۋان ى-شياڭ، حاۋ ميڭجين اڭگىمە ماجىلىسكە قاتىناستى.


مەملەكەتتىك حالىق قۇرىلتايى ءارقايسى ارناۋلى كوميتەتتەرىنىڭ، مەملەكەتتىك حالىق قۇرىلتايى تۇراقتى كوميتەتى قىزمەت كوميتەتىنىڭ جاۋاپتى جولداستارى، ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى، ءىشىنارا جوعارى مەكتەپتەردەن، زەرتتەۋ قۇرىلىمدارىنان جانە اقىلماندار قويماسىنان مامان-وقىمىستىلار اڭگىمە ماجىلىسكە قاتىناستى.