ج ك پ ورتالىق كوميتەتى «ج ك پ اۋىل - قىستاق نەگىزگى ساتى ۇيىمىنىڭ قىزمەت ەرەجەسىن» باسىپ تاراتتى
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-11 16:51:00


ورتالىق راديو-تەلەۆيزيا باس ستانسياسىنىڭ حابارى. ج ك پ ورتالىق كوميتەتى تاياۋدا «ج ك پ اۋىل قىستاق نەگىزگى ساتى ۇيىمىنىڭ قىزمەت ەرەجەسىن» باسىپ تاراتتى ءارى ۇقتىرۋ شىعارىپ جەر ـ جەرلەر مەن تاراۋلاردان ەرەجە بويىنشا مۇقيات اتقارۋدى تالاپ ەتتى.


ۇقتىرۋدا مىنالار ايتىلعان: اۋىل - قىستاقتى رەفورمالاۋدىڭ ، دامىتۋدىڭ جانە جاعدايدىڭ وزگەرىسىنە ىلەسە، 1999 ـ جىلى 2 ـ ايدا ج ك پ ورتالىق كوميتەتى باسىپ تاراتقان «ج ك پ اۋىل قىستاق نەگىزگى ساتى ۇيىمىنىڭ قىزمەت ەرەجەسى» جاڭا تالاپقا جانە امالياتتىڭ قاجەتىنە بۇكىلدەي ۇيلەسپەي قالدى، پارتيا ورتالىق كوميتەتى وعان وزگەرىس ەنگىزۋدى بەلگىلەدى.


ۇقتىرۋدا مىنالار انىق ايتىلعان: كوز الدا اۋىل - قىستاق رەفورماسىن ۇزدىكسىز تەرەڭدەتۋ، كەدەيلىكتەن قۇتىلدىرۋدان قامال الۋدا شەشۋشى جەڭىسكە جەتۋ، جاڭاشا داۋىردە اۋىل - قىستاقتى جالپى بەتتىك كوركەيتۋدى جەبەۋ، شارۋالار جۇرتشىلىعىنىڭ بارعان سايىن ارتىپ وتىرعان تاماشا تۇرمىس تىلەگىن ۇزدىكسىز قاناعاتتاندىرۋ ءۇشىن، ءسوزسىز ، پارتيانىڭ اۋىل - قىستاق نەگىزگى ساتى ۇيىمدىق قۇرىلىسىن اناعۇرلىم كورنەكتى ورىنعا قويىپ يگەرۋ، پارتيا ۇيىمىنىڭ جاۋىنگەر قامالدىق رولى مەن پارتيا مۇشەلەرىنىڭ اۋانگارد ۇلگىلىك رولىن تولىق ساۋلەلەندىرىپ، اۋىل - قىستاقتىڭ رەفورما، دامۋ، ورنىقتىلىق ىستەرىن ساياسي جانە ۇيىمدىق جاقتان پارمەندى كەپىلدەندىرۋ كەرەك.


ۇقتىرۋدا مىنالار باسا ايتىلعان : «ەرەجە» ـ جاڭا داۋىردەگى پارتيانىڭ اۋىل - قىستاق نەگىزگى ساتى ۇيىمدىق قۇرىلىسىنىڭ نەگىزدىك اتقارۋ ءتارتىبى . ءار دارەجەلى پارتيا ۇيىمدارى، پارتيا گرۋپپالارى ءسوزسىز پارتيانىڭ بيلىك جۇرگىزۋ نەگىزىن بەكەمدەۋدەي بيىك ورەنى شىعار ءتۇيىن ەتۋ، اۋىل قىستاق نەگىزگى ساتى پارتيا ۇيىمىنىڭ باسشىلىق ورنىندا بەكەم تۇرۋدان استە اۋىتقىماۋ، اسىرەسە، اۋدان دارەجەلى جەرلىك ورىن پارتيا كوميتەتتەرى پارتيانىڭ نەگىزگى ساتى ۇيىمدىق قۇرىلىسىن كۇشەيتۋدى پارتيانى باسقارۋ، پارتيانى وڭاۋداعى ماڭىزدى مىندەت رەتىندە مىقتى يگەرۋ، پارمەندى شارالار قولدانىپ، جاۋاپكەرلىكتى جەتكىلىكتى تياناقتاندىرىپ، «ەرەجەنىڭ» تولىق تياناقتانۋىن، ناقتىلى ونىمدىلىككە جەتۋىن جەبەۋ كەرەك. ورتالىق ۇيىمداستىرۋ ءبولىمى قاتىستى تاراۋلاردى سايكەستىرىپ قۋزاۋشىلىق ـ جەتەكشىلىكتى كۇشەيتىپ، ءتۇرلى ەرەجەلەردىڭ دايەكتى اتقارىلۋىن كەپىلدەندىرۋ كەرەك.

اۋدارعان: قاناتبەك جۇماباي ۇلى