شي جينپيڭ افريكا وداعىنىڭ 32-كەزەكتى باسشىلار ماجىلىسىنە قۇتتىقتاۋ تەلەگرامماسىن جولدادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-02-11 16:26:00

 

    ٴوز حابارىمىز: مەملەكەت ٴتوراعاسى شي جينپيڭ 2-ايدىڭ 10-كۇنى افريكا وداعىنىڭ 32-كەزەكتى باسشىلار ماجىلىسىنىڭ اديس ابەبا قالاسىندا اشىلعاندىعىنا قۇتتىقتاۋ تەلەگرامماسىن جولدادى.

 

شي جينپيڭ بىلاي دەپ اتاپ كورسەتتى: افريكا وداعى افريكانىڭ بىرلەسىپ الۋەتتەنۋىنىڭ تۋى. بلتىردان بەرى، افريكا وداعىنىڭ جەتەكشىلىگىندە، افريكانى ٴبىر تۇلعالاندىرۋ اياق الىسى ماڭىزدى ناتيجەگە قول جەتكىزدى. افريكا ەلدەرى كەلەلى حالقارالىق جانە وڭىرلىك ماسەلەلەردە بىرلىكتە ٴۇن قاتىپ، افريكانىڭ حالقاراداعى ىقپال كۇشى ۇزدىكسىز نىعايدى. مەن بۇنى قىزۋ قۇتتىقتايمىن ٴارى افريكا وداعىنىڭ افريكا ەلدەرىن باستاپ تىڭ دا زور جەتىستىكتەرگە قول جەتكىزۋىن ٴۇمىت ەتەمىن.

 

شي جينپيڭ بىلاي دەپ باسا دارىپتەدى: بلتىر 9-ايدا، جۇڭگو-افريكا سەلبەستىك تالقىسىنىڭ بەيجيڭ باسشىلار ماجىلىسى قوماقتى ناتيجەگە قول جەتكىزدى، مەن افريكا ەلدەرىنىڭ جانە افريكا وداعىنىڭ باسشىلارىمەن بىرلىكتە كەزەكتى سالتاناتتى ٴىس-شاراعا قاتىناسىپ، جۇڭگو مەن افريكا قاتىناسىنىڭ دامۋ جوسپارىن جاسادىق. جۇڭگو جاق افريكا جاقپەن قول ۇستاسا قۇلشىنىپ، جۇڭگو-افريكا سەلبەستىك تالقىسى بەيجيڭ باسشىلار ماجىلىسىنىڭ ناتيجەلەرىن وراي ەتىپ، ٴبىر بەلدەۋ ٴبىر جولدى ورتاق قۇرۋدى افريكا ۇيىمىنىڭ «2063-جىلدىق كۇنتارتىبىمەن»، ب م ۇ نىڭ 2030-جىلعا دەيىنگى باياندى دامۋ كۇنتارتىبىمەن جانە افريكاداعى ٴار قايسى ەلدەردىڭ دامۋ ستراتەگيالارىمەن تىعىز ۇشتاستىرىپ، جۇڭگو مەن افريكانىڭ تاعدىرلاس ورتاق تۇلعاسىن بىرلىكتە قۇرىپ، ادامزاتتىڭ تاعدىرلاس ورتاق تۇلعاسىن قۇرۋعا ٴتىپتى دە زور ۇلەس قوسۋدى قالايدى.