ساياسي كەڭەس 13-كەزەكتى مەملەكەتتىك كوميتەتىنىڭ 2-ءماجىلىسى جابىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2019-03-13 19:05:00


ساياسي كەڭەس 13-كەزەكتى مەملەكەتتىك كوميتەتىنىڭ 2-ءماجىلىسى جابىلدى شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناستى، ۋاڭ ياڭ ءسوز سويلەدى


ءوز حابارىمىز. ساياسي كەڭەس 13-كەزەكتى مەملەكەتتىك كوميتەتىنىڭ 2-ءماجىلىسى ءتۇرلى كەڭەس تارتىپتەرىن ءساتتى ورىنداعاننان كەيىن، 3-ايدىڭ 13-كۇنى تۇستەن بۇرىن حالىق سارايىندا جابىلدى. ماجىلىستە مىناداي ۇندەۋ ورتاعا قويىلدى: ساياسي كەڭەستەگى ءار دارەجەلى ۇيىمدار، قاتىناسۋشى ورىندار جانە قالىڭ ساياسي كەڭەس مۇشەلەرى شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ۇزدىكسىز كۇرەس جاساپ، ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە بولعان تالابىن شىنايى تياناقتاندىرىپ، ەل ءىشى-سىرتىنداعى جۇڭحۋا پەرزەنتتەرىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل-پاراساتى مەن كۇش-قۋاتىن ۇيىستىرىپ، جاڭا جۇڭگو قۇرىلعاندىعىنىڭ 70 جىلدىعىن تاماشا ناتيجەمەن قۇتتىقتاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋگە، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋعا اناعۇرلىم زور ۇلەس قوسۋلارى كەرەك.


ءماجىلىستى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەس ءتوراعالارىنىڭ ورىنباسارلارى جاڭ چيڭلي، ليۋ چيباۋ، پابالا گىلە لاڭجە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىن-يىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حوڭ، گاۋ يۇنلۇڭ قاتارلىلار ءتوراعالار مىنبەسىنىڭ الدىڭعى قاتارىنان ورىن الدى.


شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى.


تۇستەن بۇرىن ساعات 9 دان 30 مينۋت وتكەندە، جابىلۋ ءماجىلىسى باستالدى. ۋاڭ ياڭ جۇڭگو حالىق ساياسي كەڭەسى 13-كەزەكتى مەملەكەتتىك كوميتەتىنىڭ 2-ماجىلىسىنە قاتىناسۋعا ءتيىستى مۇشەلەر سانى 2157 ادام، ناقتى قاتىناسقان ادام سانى 2123 ادام ەكەندىگىن، بۇل زاڭدا بەلگىلەنگەن ادام سانىنا ۇيلەسەتىندىگىن جاريالادى.


ماجىلىستە ساياسي كەڭەس 13-كەزەكتى مەملەكەتتىك كوميتەتى 2-ءماجىلىسىنىڭ تۇراقتى كوميتەت قىزمەت بايانداماسى جونىندەگى قاۋلىسى، ساياسي كەڭەس 13-كەزەكتى مەملەكەتتىك كوميتەتى ۇسىنىس-جوبا كوميتەتىنىڭ ساياسي كەڭەس 13-كەزەكتى مەملەكەتتىك كوميتەتى 2-ءماجىلىسىنىڭ ۇسىنىس-جوبالاردى قاراۋ جاعدايى جونىندەگى بايانداماسى، ساياسي كەڭەس 13-كەزەكتى مەملەكەتتىك كوميتەتى 2-ءماجىلىسىنىڭ ساياسي قاۋلىسى ماقۇلداندى.


ۋاڭ ياڭ سوزىندە بىلاي دەدى: بۇل رەتكى ءماجىلىس دوڭگەلەك داۋلەتتى قوعامدى جالپى بەتتىك قۇرۋدىڭ شەشۋشى جىلىندا اشىلدى، ج ك پ ورتالىق كوميتەتى وسكەلەڭ جوعارى ءمان بەردى، ءارقايسى جاقتار زور كۇشپەن قولدادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەت باسشىلارى ماجىلىسكە قاتىناستى ءارى سالالار بويىنشا بولىنگەن گرۋپپا ماجىلىستەرىنە ىشكەرىلەي قاتىناسىپ پىكىر جانە ۇسىنىستاردى تىڭداپ، مۇشەلەرمەن بىرلىكتە مەملەكەت ىستەرىن تالقىلادى. قالىڭ ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ دايەكتىلەندىرىپ، وسكەلەڭ ساياسي جاۋاپكەرلىكتە جانە تاريحي جاۋاپكەرلىكتە بولىپ، ىشكەرىلەي كەڭەسىپ، بەلسەنە ۇسىنىس-پىكىر بەرىپ، ماڭىزدى تابىسقا قول جەتكىزدى. ماجىلىستە دەموكراتيا تولىق ساۋلەلەندىرىلىپ، ورتاق تانىم كەڭ كولەمدە توپتالىپ، ءبىر رەتكى شىندىققا ۇمتىلىپ ناقتىلى ءىس ىستەلگەن، ىنتىماقتاسا العا باسقان كەلەلى ءماجىلىس بولىپ، حالىق ساياسي كەڭەسى سىندى وسىناۋ ارناۋلى كەڭەس قۇرىلىمىنىڭ دارا ابزالدىعى تولىق ايگىلەنىپ، جۇڭگوشا سوتسياليستىك دەموكراتيالى ساياسيدىڭ ومىرشەڭدىك كۇشى ايگىلەندى.


ۋاڭ ياڭ مىنالاردى اتاپ كورسەتتى: بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، حالىق ساياسي كەڭەسى دە 70 جىلدىعىن قارسى العالى وتىر. 70 جىلدان بەرى، حالىق ساياسي كەڭەسى جاڭا جۇڭگونىڭ مەملەكەت قۇرۋ جانە قۇرىلىس ىستەرىنە، رەفورمالاۋعا ىزدەنىس جاساۋعا، جۇڭگو ارمانىن ىسكە اسىرۋ ايبىندى امالياتىنا بەلسەنە اتسالىسىپ، شۇعىلالى بارىستاردى باستان كەشىرىپ، تاريحي ۇلەس قوستى. جۇڭگوشا سوتسياليزىم جاڭا داۋىرگە قادام تاستادى، حالىق ساياسي كەڭەسىنىڭ ءورىسى بارعان سايىن كەڭەيىپ، جاۋاپكەرشىلىگى بارعان سايىن ارتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق ساياسي كەڭەسىنىڭ سيپات انىقتاماسىندا تاباندى بولىپ، حالىق ساياسي كەڭەسىنىڭ جاڭا تاريحي ورنىن يگەرىپ، سەنىمدى نىعايتىپ تاباندىلىقتى ساقتاپ، تاجىريبە قابىلداپ، اقىل- پاراسات توپتاپ، حالىق ساياسي كەڭەس ىستەرىنىڭ ۇزدىكسىز العا باسۋىن جەبەۋ كەرەك. ۇيرەنۋدى قاستەرلەۋ، ۇيرەنۋدى كۇشەيتۋ، يدەيالىق ساياسي جەتەكشىلىكتى كۇشەيتۋ، عىلمي نازاريامەن قارۋلاندىرۋ تابىستارىن ىنتىماقتاسا كۇرەس جاساۋدىڭ ورتاق يدەيالىق نەگىزىنە اينالدىرۋ، شي جينپيڭنىڭ جاڭا ءداۋىر جۇڭگوشا سوتسياليزىم يدەياسى تۋى استىندا قول ۇستاسا العا باسۋ كەرەك. جاڭالىق جاراتۋدى قاستەرلەۋ ، جاڭالىق جاراتۋعا باتىل بولۋ، ساياسي كەڭەس دەموكراتيالىق قۇرىلىستى كۇشەيتۋ، ساياسي كەڭەس دەموكراتيا تۇزىم ءتارتىبى مەن جۇمىس ءتاسىلىن جاقسارتۋ، حالىق ساياسي كەڭەس ءتۇزىمىن اناعۇرلىم كەمەلدەندىرۋ كەرەك. ىنتىماقتى قاستەرلەۋ، ىنتىماقتى قويۋلاتۋ، قوس باعىتتا كۇش شىعارۋ قىزمەتىن كۇشەيتۋ، پارتيا مەن حالىقتىڭ وزەكتى مىندەتىنە قىزمەت وتەۋ كۇش بىرلىگىن، ەڭ زور دارەجەدەگى تىلەك توعىسۋىن قالىپتاستىرۋ كەرەك.


ۋاڭ ياڭ مىنانى باسا دارىپتەدى: جاڭا داۋىردەگى حالىق ساياسي كەڭەسىندە جاڭا داۋىرگە لايىق بەينە بولۋ كەرەك، جاڭا داۋىردەگى ساياسي كەڭەس مۇشەسىندە دە جاڭا ءداۋىردىڭ وبرازى بولۋ كەرەك. مۇشەلەر قوسىن قۇرلىسىن جالپى بەتتىك كۇشەيتۋ، جالپى تۇلعالىق ساپا مەن فۋنكتسيا اتقارۋ قابىلەتىن قۇلشىنا جوعارلاتۋ، جاڭا مىندەتتەردى ارقالاۋ، جاڭا داڭققا قول جەتكىزۋ كەرەك. كۇرەسكەرلىك ارىن مەن جىگەردى ساقتاۋ، باتىلدىقپەن جاۋاپكەرلىك ارقالاۋ، كۇرەس جاساۋعا شەبەر بولىپ، اياق الىستى ماڭگى توقتاتپاۋ، ماڭگى بوساڭسىماۋ، مەملەكەت ىستەرىن باستان-اياق كوكەيدەن شىعارماۋ، حالىق تۇرمىسىنا كۇيىنۋ، حالىق ساياسي كەڭەس تۇزىمىنە قاتىناسۋشى، ءتۇزىمدى امالياتقا اينالدىرۋشى، ونى جەبەۋشى بولۋ، كەلەر جىلعى «مۇشەلەر تاپسىرماسىن» جاقسى ورىنداۋ، ءداۋىردىڭ سۇراعىنا تاماشا جاۋاپ بەرۋ، جاڭا ءداۋىر ساياسي كەڭەس مۇشەسىنىڭ جالىندى وبرازىن جاراتۋ، حالىق ساياسي كەڭەس ىستەرى دامۋىنىڭ شۇعىلالى پاراعىن جازۋ كەرەك.


ج ك پ ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ ماجىلىسىنە قاتىناستى. شەتەلدەردىڭ ەلىمىزدە تۇراتىن ەلشىلىك قىزمەتكەرلەرى، احبارات ءمانساپتىلارى جانە شەتەلدەگى جۇڭگولىق چياۋميندار مەن باۋىرلاستار ۇسىنىس بويىنشا جابىلۋ ماجىلىسىنە قاتىناستى.
ءماجىلىس ايبىندى مەملەكەت گيمىنىمەن جابىلدى.