شي جينپيڭنىڭ ٴسوزى ورتالىق، مەملەكەت ورگاندارىندا كۇشتى اڭىس قوزعادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 10:08:00


    ءوز حابارىمىز: باس شۋجي شي جينپيڭ ورتالىق پەن مەملەكەت ورگاندارى پارتيا قۇرىلىس قىزمەتى ماجىلىسىندە سويلەگەن ماڭىزدى سوزىندە ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدىڭ جانە جاقسارتۋدىڭ كەلەلى ماڭىزىن ەگجەي-تەگجەيلى بايىمدادى، جاڭا جاعدايداعى ورتالىق پەن مەملەكەت ورگاندارى پارتيا قۇرىلىسىنىڭ بورىشى مەن مىندەتىن، ٴتۇيىندى قىزمەتىن، شەشۋشى شارالارىن ىشكەرىلەي بايىمدادى، ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جانە جاقسارتۋعا جالپى بەتتىك ورنالاستىرۋ جاسادى. ورتالىق پەن مەملەكەت ورگاندارىنداعى قالىڭ پارتيا مۇشەلەرى، كادرلار ٴتۇرلى قىزمەتتەردىڭ تياناقتانۋىن بار كۇشپەن مىقتى يگەرىپ، ورتالىق پەن مەملەكەت ورگاندارى پارتيا قۇرىلىسىنىڭ ساپاسى مەن ورەسىن جالپى بەتتىك جوعارىلاتامىز،-دەستى.


    ورتالىق پەن مەملەكەت ورگاندارى پارتيا ورتالىق كوميتەتىنە ەڭ جاقىن، پارتيا ورتالىق كوميتەتىنە ەڭ تىكە قىزمەت وتەيدى ءارى ورگان پارتيا قۇرىلىسى، ٴتىپتى، باسقا سالالارداعى پارتيا قۇرىلىسى جونىنەن ماڭىزدى باعدار كورسەتۋ رولىنا يە. باس شۋجي شي جينپيڭ بىلاي دەپ انىق ايتتى: پارتيانى جالپى بەتتىك قاتاڭ باسقارۋدى ىشكەرىلەتۋدە، وزىندىك توڭكەرىس جاساۋدى، ٴسوز جوق، ورتالىق پەن مەملەكەت ورگاندارىنان باستاپ جۇرگىزۋ، ورگان پارتيا قۇرىلىسىن مىقتى يگەرۋ كەرەك. شۇعىل جاعدايعا توتەپ بەرۋدى باسقارۋ مينيسترلىگى ورگان پارتكومىنىڭ ۇنەمىلىك ىستەرگە جاۋاپتى ورىنباسار شۋجيى لين بيڭ بىلاي دەدى: ٴبىز پارتياعا ءسوزسىز ادال بولۋىمىز، اۋەلگى بورىشتى ەستە بەرىك ساقتاۋىمىز، ساياسي قۇرىلىستى كۇشەيتۋىمىز، بەرىك ءستيل شىڭداپ، قيىنشىلىقتان تايسالماي، حاۋىپ-قاتەردەن ساقتانۋ جانە ونى جويۋ اۋىر مىندەتىن باتىلدىقپەن ارقالاۋىمىز، «ٴبىرىنشى تورتكىل شەپتە» الدا ٴجۇرىپ، ونەگە بولۋعا قۇلشىنۋىمىز كەرەك.


    باس شۋجي شي جينپيڭ: «ەكىنى قورعاۋدى» باستاماشىلدىقپەن ورىنداۋ ـ ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدەگى ماڭداي الدى مىندەت؛ «ەكىنى قورعاۋدى» پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتەندىرۋ ارەكەتىندە، قىزمەت جاۋاپكەرشىلىگىن ادا ەتۋ دە، ٴوز قىزمەتىن ويداعىداي ىستەۋدىڭ ناقتى ونىمدىلىگىندە، پارتيا مۇشەلەرىنىڭ، كادرلاردىڭ كۇندەلىكتى ٴسوز-ارەكەتتەرىندە ايگىلەۋ كەرەك، دەپ باسا دارىپتەدى. ادىليا مينيسترلىگى ورگان پارتكومىنىڭ ۇنەمىلىك ىستەرگە جاۋاپتى ورىنباسار شۋجيى، ورگان ٴتارتىپ تەكسەرۋ كوميتەتىنىڭ شۋجيى ليۋ ديانمين بىلاي دەدى: پارتيانىڭ ادىليا مينيسترلىگى قىزمەتىنە شارتسىز باسشىلىعىنا ايقىن تۋ ۇستاي وتىرىپ تاباندى بولىپ جانە ونى كۇشەيتىپ، پارتيا ورتالىق كوميتەتى مەن مەملەكەتتىك كەڭەس بەلگىلەگەن كەلەلى زاڭ شىعارۋ نىساندارىن ساپالى، ٴونىمدى ورىنداپ، «زاڭمەن باسقارىلاتىن ۇكىمەت قۇرىلىسىن اتقارۋدىڭ 2015-جىلدان 2020-جىلعا دەيىنگى پروگرامماسىن» ٴبىر تۇتاس اتقارىپ، مەملەكەتتى جالپى بەتتىك زاڭمەن باسقارۋدىڭ جاڭا بورىش، جاڭا مىندەتىن ورىنداۋعا قۇلشىنا كىرىسەمىز.


    اۋىل شارۋاشىلىعى، اۋىل ـ قىستاق مينيسترلىگىنە توتە قاراستى ورگان پارتكوم ۇگىت باسقارماسى باستىعىنىڭ ورىنباسارى، توتە قاراستى ورگان وداق كوميتەتىنىڭ شۋجيى شۋە رۇينيڭ بىلاي دەدى: پارتيانىڭ اۋىل شارۋاشىلىعى، اۋىل-قىستاق، شارۋالار قىزمەتىنە ورتالىقتانعان ٴبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ اۋىل شارۋاشىلىعى، اۋىل-قىستاق، شارۋالار قىزمەتى جونىندەگى شەشىمدەرى مەن ورنالاستىرۋلارىن باتىل دايەكتى اتقارۋ كەرەك؛ سونىمەن بىرگە، مۇنى ٴاربىر پارتيالى كادرءوز مىندەتىن اتقارىپ، جاۋاپكەرشىلىگىن ادا ەتىپ پارتيانىڭ اۋىل شارۋاشىلىعى، اۋىل-قىستاق، شارۋالار ىستەرىن ىلگەرىلەتۋ جاعىندا، ٴوز قىزمەتىن تياناق ەتىپ، قىزمەت ورنىن ٴسۇيىپ، كاسىبىن قادىرلەپ، ٴوز قىزمەتىن ويداعىداي ىستەۋ جاعىندا تياناقتاندىرۋ كەرەك.


    «ەكىنى قورعاۋدى» باستاماشىلدىقپەن ورىنداۋدا، ٴارى وسكەلەڭ اقىلدىق تانىمدى، سەزىمدىك تانىمدى ايگىلەۋ، ٴارى مىزعىماس مىعىمدىق پەن قابىلەت ارقىلى قورعاۋ كەرەك. مەملەكەتتىك باجى باس مەكەمەسى ورگان پارتكومىنىڭ ۇنەمىلىك ىستەرگە جاۋاپتى ورىنباسار شۋجيى جىڭ جياڭپيڭ باس شۋجي شي جينپيڭنىڭ ماڭىزدى ٴسوزىن ناق مايداندا تىڭداپ، جاۋاپكەرشىلىكتىڭ اۋىر، بورىشتىڭ داڭقتى ەكەنىن سەزىنگەندىگىن ايتتى. جىڭ جياڭپيڭ بىلاي دەدى: باجى تاراۋلارى «مەملەكەت ٴۇشىن بايلىق توپتاۋ، حالىق ٴۇشىن باجى جيناۋ» بورىشىن ارقالاپ وتىر، ٴسوز جوق، «ەكىنى قورعاۋدى» باتىل ورىنداپ، ساياسي ورگانداردىڭ ماندىك قاسيەتىن مىقتاپ يگەرىپ، باستان-اياق پارتيانىڭ تۋىن تۋ ەتىپ كوتەرىپ، پارتيانىڭ باعىتىن باعىت ەتىپ ۇستانىپ، پارتيانىڭ يراداسىن يرادا ەتىپ ۇستانىپ، پارتيا مەن مەملەكەت ىستەرىنىڭ دامۋىنا قىزمەت وتەۋ بارىسىندا ٴتيىستى رولدارىمىزدى ساۋلەلەندىرۋىمىز كەرەك.


    باس شۋجي شي جينپيڭ: ورتالىق پەن مەملەكەت ورگاندارى نەگىزگى ساتىنى بارىنشا مىقتى يگەرۋ ايقىن بەتالىسىن ورناتىپ، ۇيىمداستىرۋ قۋاتىن جوعارىلاتۋدى ٴتۇيىن ەتىپ، ورگان نەگىزگى ساتى پارتيا ۇيىمدارىن پارمەندى دە دارمەندى ەتىپ سومداۋى كەرەك؛ اربىر پارتيا مۇشەسىن ءبىر ءبىر قىزىل تۋعا، ٴاربىر پارتيا ياچەيكاسىن پارتيا تۋى جەلبىرەپ تۇراتىن جاۋىنگەرلىك قامالعا اينالدىرۋ كەرەك، دەپ انىق ايتتى . ونەركاسىپ جانە ينفورماتسيالاندىرۋ مينيسترلىگىنە توتە قاراستى ورگان پارتكومىنىڭ ۇنەمىلىك ىستەرگە جاۋاپتى ورىنباسار شۋجيى جاڭ لي بىلاي دەدى: الۋەتتىلەر ارقىلى السىزدەرگە، ىرىلەر ارقىلى شاعىندارعا جەتەكشىلىك ەتۋ، وزاتتار ارقىلى ارتتا قالعانداردى باستاۋ سىندى سەلبەسۋ قىزمەت مەحانيزمى قۇرىلىسىن، پارتيا ياچەيكاسىنىڭ ولشەمدەندىرۋ قىزمەتى جۇيەسى قۇرىلىسىن جەدەلدەتۋ؛ كەيبىر پارتيا ۇيىمدارىندا ساقتالىپ وتىرعان دارمەنسىزدىك، ەلىكتەمەلىك ماسەلەلەردى جەدەل شەشۋ؛ نەگىزگى ساتى پارتيا ۇيىمدارى قىزمەتىن جالپى بەتتىك العا باستىرۋ، جالپى بەتتىك كۇشەيتۋ كەرەك. ونەركاسىپ جانە ينفورماتسيالاندىرۋ ىستەرىنىڭ جوعارى ساپالى دامۋىن ىلگەرىلەتۋ، جاساۋ كاسىبىندە ەگەي ەل، ينتەرنەتتە ەگەي ەل قۇرۋعا اناعۇرلىم پارمەندى ساياسي كەپىلدىك ازىرلەۋ كەرەك.


    ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جانە جاقسارتۋ ٴۇشىن پارتيانىڭ باسشىلىعىن شىنايى كۇشەيتۋ، جاۋاپكەرشىلىك ٴتۇزىمى سىندى وسى «باس بۇيدانى» مىقتى ۇستاۋ كەرەك. باس شۋجي شي جينپيڭ: ورتالىق پەن مەملەكەت ورگاندارى قىزمەت كوميتەتى جاۋاپكەرشىلىكتى كۇشەيتۋ ؛ ورتالىق پەن مەملەكەت ورگاندارىنىڭ پارتيا قىزمەتىنە ٴبىر تۇتاس باسشىلىق ەتۋ مىندەتىن ويداعىداي اتقارۋ؛ تاراۋلاردىڭ پارتيا باسشىلىق گرۋپپالارىنىڭ، پارتكومدارىنىڭ، ورگان پارتيا قۇرىلىسىنىڭ تۇلعالىق جاۋاپكەرشىلىگىن تياناقتاندىرۋىنا جەتەكشىلىك ەتۋى جانە قۋزاۋى كەرەك، دەپ انىق ايتتى. ورتالىق پەن مەملەكەت ورگاندارى قىزمەت كوميتەتى پارتيا قۇرىلىسىن باقىلاۋ-تەكسەرۋ كەڭسەسىنىڭ مەڭگەرۋشىسى جي مىڭشين بىلاي دەدى: قۇدىرەتتى كۇش بىرلىگىن قالىپتاستىرۋ كەرەك. قىزمەت كوميتەتى تاراۋلاردىڭ پارتيا باسشىلىق گرۋپپالارىنىڭ، پارتكومدارىنىڭ تۇلعالىق جاۋاپكەرشىلىگىن اتقارۋىنا قۋزاۋشىلىق، جەتەكشىلىك ەتۋ رولىن ويداعىداي ساۋلەلەندىرۋگە ٴتىپتى دە باسا ٴمان بەرۋ كەرەك. جاۋاپكەرشىلىكتى تياناقتاندىرۋ سىندى وسى تەتىكتى مىقتى يگەرۋدە تۇيە ۇستىنەن سيراق ۇيتقانداي جۇمىس ىستەۋگە استە بولمايدى، ۋاقىت كۇتىپ تۇرمايدى دەيتىن رۋحپەن كورنەكتى ماسەلەلەردى، رەفورما جاساۋدى، جاڭالىق جاراتۋدى، نەگىزگى ساتىنىڭ نەگىزىن، قوسىن قۇرىلىسىن مىقتى يگەرۋ. پارتيا ورتالىق كوميتەتىنىڭ پارتيانى جالپى بەتتىك قاتاڭ باسقارۋ جونىندەگى تالاپتارىن شىنايى تياناقتاندىرۋ كەرەك.