ەكى ماجىلىستەن تارالعان ينفورماتسيالار دۇنيە ٴجۇزىن شابىتتاندىردى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-03-17 17:37:00


    بىرنەشە كۇننەن بەرى، باس شۋجي شي جينپيڭنىڭ ماڭىزدى سوزدەرى، ۇكىمەت قىزمەتىنەن بايانداما، ارت-ارتىنان اشىلعان تىلشىلەردى قابىلداۋ جيىندارى حالىقارانىڭ نازار اۋداراتىن تۇيىندەرىنە اينالدى. «قامداۋ جاعىنداعى قۇرىلىمدىق رەفورما»، «جۇڭگونىڭ جاساۋ-مانەرلەۋ سالاسىن 2025-جىلعا دەيىنگى دامىتۋ پلانى»، «ٴبىر بەلدەۋ، ٴبىر جول» ستراتەگياسى سياقتىلار شەتەل مەديالارىنىڭ نازارىن اۋدارعان تۇيىندەرگە اينالدى.

 
    حالىقارالىق قوعام جالپى بەتتىك بىلاي دەپ قارادى: جۇڭگو ۇكىمەتى رەفورما جۇرگىزىپ، جاڭالىق جاراتۋ مەن ەسىكتى ايقارا اشۋدى جالعاستى جەبەۋگە ۋادە بەرىپ، جۇڭگونىڭ ىشكى-سىرتقى ساياساتتارىنىڭ ورنىقتىلىعىن-تۇراقتىلىعىن ايگىلەپ، جۇڭگو دۇنيە ٴجۇزىن ٴوز رايىنا باعىندىرماق دەگەن ايتىلىمدى تەرىسكە شىعاردى. دۇنيە ورنىقتىلىق بارىسىندا ىلگەرىلەيتىن، جان-جاقتىلى اشىق ۇستالعان جۇڭگونى قارسى الادى، جۇڭگونىڭ دۇنيە ورنىقتىلىعىن ساقتاۋ جانە دامۋدى جەبەۋ رولىنا بۇرىنعىدان دا ٴمان بەرەدى.


    جۇڭگو قازىر شارۋاشىلىق قۇرىلىمىن تەڭشەۋ مەن ورەلەندىرۋدىڭ ماڭىزدى كەزەڭىندە تۇر. ەكى ٴماجىلىس كەزىندە، مەيلى شارۋاشىلىقتى ارتتىرۋ نىساناسىن بەلگىلەۋ جاعىندا بولسىن، ٴيا بولماسا قامداۋ جاعىنداعى قۇرىلىمدىق رەفورمانى ىشكەرىلەتۋدىڭ جاڭا نىساناسىن بەلگىلەۋ جاعىندا بولسىن باسقا ەلدەر جۇڭگو ۇكىمەتىنىڭ قيىنشىلىققا قارسى ۇدىرە العا تارتاتىن رەفورما بەكىمى مەن ورنىقتىلىق بارىسىندا ورگە ۇمتىلاتىن قىزمەت وي جەلىسىن بايقادى.


    تاسس اگەنتتىگى بىلاي دەپ حابارلادى: جۇڭگو شارۋاشىلىقتى دامىتۋدا 2017-جىلعى كوپ تۇردەگى باستى كوزدەلگەن نىسانالاردى تومەندەتۋى جۇڭگونىڭ بيىل شارۋاشىلىقتىڭ ساپاسى مەن ونىمدىلىگىن ارتتىرۋعا باسا ٴمان بەرگەندىگىنەن دەرەك بەرەدى. فرانسيا اقپارات اگەنتتىگى بىلاي دەپ حابارلادى: شارۋاشىلىقتى %6.5 ارتتىرۋ نىساناسى جۇڭگو ۇكىمەتىنىڭ كەزەكتەگى قىزمەت ٴتۇيىنىن حاۋىپ-قاتەردەن ساقتانۋ، ٴوندىرىس قۋاتىن ازايتۋ جانە كوبىكشە ٴجايتتىڭ الدىن الۋعا شوعىرلاندىرعاندىعىنان دەرەك بەرەدى، شارۋاشىلىقتىڭ ارتۋ قارقىنىن قىسقا مەزەتتىك تەزدەتۋ جۇڭگونىڭ الداعى باستى نىساناسى ەمەس.


    بيىلعى ۇكىمەت قىزمەتىنەن باياندامادا قامداۋ جاعىنداعى قۇرىلىمدىق رەفورمانى ىشكەرىلەتۋدىڭ مىناداي 5 ٴتۇيىندى مىندەتى اتاپ كورسەتىلدى: 1-، ٴوندىرىس قۋاتىن ازايتۋ، 2-، قامباداعى قالدىق مولشەرىن ازايتۋ، 3-، تىرەۋىشتى تومەندەتۋ، 4-، نارىقتى ازايتۋ، 5-، ولقىلىقتى تولىقتاۋداي جاڭا نىسانالار.


    يندونەزيانىڭ اقىل قامباسى سانالاتىن ازيانىڭ جاسامپازدىعىن زەرتتەۋ وزەگىنىڭ ٴتوراعاسى بانباڭ. سۇريۋەنو بىلاي دەدى: قامداۋ جاعىنداعى قۇرىلىمدىق رەفورما جۇڭگونىڭ شارۋاشىلىقتى دامىتۋ ساپاسىن ارتتىرۋىنا ٴتيىمدى بولىپ، جۇڭگو حالقىنىڭ سلوبتانعان جانە كوپ ارنالانعان تۇتىنۋ قاجەتىن قاناعاتتاندىرادى، جۇڭگو شارۋاشىلىقتى ارتتىرۋ فورماسىن قوسىلىم تۇرتكىلىك ەتۋدەن تۇتىنۋ تۇرتكىلىك ەتۋگە ويىستىرۋدا. جۇڭگو تۇتىنۋ قۋاتىنىڭ جوعارىلاۋى شىعىس وڭتۇستىك ازيا ەلدەرى وداعى مەن ازيا ٴوڭىرىنىڭ ەكسپورتىنا تۇرتكىلىك ەتەدى، وڭىرلىك شارۋاشىلىقتى سەرپىلتۋگەدە ٴتيىمدى.


    انگليانىڭ BBC راديو سەرىكتىگى بىلاي دەپ حابارلادى: 2017-جىلعى ەكى ٴماجىلىستىڭ دۇنيە نازارىن ايىرىقشا اۋدارۋىنداعى ٴبىر باستى سەبەبى-حالىقارالىق اۋقىمدا زور وزگەرىس بولعاندىعىنان. بۇل انگليانىڭ ەۆروپادان قول ٴۇزۋ بەكىمىن جاساپ، ترامپتىڭ ا ق ش پرەزيدەنتى بولعاننان كەيىنگى جۇڭگونىڭ تۇڭعىش ەكى ٴماجىلىسى.


    حالىقشىلدىق نىسايدىڭ ەۆروپا مەن ا ق ش-تا قايتا باس كوتەرگەن شىت جاڭا سايىسى مەن شارۋاشىلىقتىڭ جەرشارىلانىپ، ەركىن ساۋدانىڭ حاۋىپكە ۇشىراعان قازىرگى جاعدايلارىنا قاراتا جۇڭگو قانداي ارەكەت قولدانباق؟-دەگەن سوۋالدارعا جۇڭگو ۇكىمەتى پوزيتسياسى مەن جوبالارىن ايقىندايتىندىعىن تاعى ٴبىر رەت اتاپ كورسەتتى. ۇكىمەت قىزمەتىنەن باياندامادا ايتىلعان «سىرتقا ەسىكتى اشىق ۇستاۋ ورەسىن جوعارىلاتۋ» شاراسى دۇنيەنى شاتتاندىردى. «ٴبىر بەلدەۋ، ٴبىر جول» قۇرىلىسىن تىڭعىلىقتى جەبەۋ، شەتەل ساۋدا ورىندارىنىڭ جۇڭگوعا قارجى قوسۋ ورتاسىن زور كۇشپەن ساپالاندىرۋ، حالىقارالىق ساۋدانى جەبەۋ جانە قارجى قوسۋدى ەركىندەستىرۋ-قولايلىلاستىرۋ شارالارى قىزۋ تالقى تۇيىنىنە اينالدى.