ساۋدا ارابيانىڭ ەكونوميكا بىلىكتىلەرى ساۋدا ارابيا مەن جۇڭگونىڭ سەلبەستىكتى كۇشەيتۋىنە ۇمىتپەن قارادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-03-17 17:40:00



    ساۋدا اربيانىڭ پاتشاسى سالماننىڭ جۇڭگودا مەملەكەتتىك ساپاردا بولۋ قارساڭىندا، ساۋدا ارابيانىڭ ەكونوميكا بىلىكتىلەرى ساۋدا ارابيامەن جۇڭگونىڭ جالپى بەتتىك ستىراتەگيالىق سەرىكتەستىك قاتىناسىنىڭ اناعۇرلىم دامىپ، ەكى ەل سەلبەستىگىنڭ كۇشەيىپ، اسىرەسە جۇڭگونىڭ ٴبىر بەلدەۋ ٴبىر جول دارىپتەمەسى مەن ساۋدا ارابيانىڭ 2030-جىلعا ارمان سىتراتەگياسىنىڭ تەرەڭ سايكەسۋىنە زور ۇمىتپەن قارايتىندىقتارىن ايتىستى.


    ساۋدا ارابيانىڭ مۇناي جانە ەكونوميكا عالىمى مۇحاممەت سابان شيىنحۋا اگەنتتىگىنىڭ ارناۋلى تىلشىلىگىن قابىلداعاندا بىلاي دەدى: جۇڭگونىڭ شەتەلگە ەسىكتى ايقارا اشۋ ساياساتىنىڭ تەرەڭدەۋىنە ىلەسە،جۇڭگو تەز قارقىنمەن ورنىقتى ارتىپ، الەمدەگى ەكىنشى ٴىرى ەكونوميكالىق تۇلعالا اينالىپ، حالىقارالىق ساحنادا بارعان سايىن ماڭىزدى رول اتقاردى.


    سابان بىلاي دەدى: جۇڭگو شارۋاشىلىعىنىڭ دامۋى ەنەرگيانىڭ قامداۋىنان ايىرىلا المايدى، ال ساۋدا اربيا جۇڭگونى مۇنايمەن قامدايتىن حاۋىپسز ورنىقتى قاينارعا اينالۋىنا بولادى. ساۋدا اربيا جالعاسىنان كوپ جىل جۇڭگونى مۇنايمەن قامدايتىن ەڭ ٴىرى ەل بولىپ كەلەدى. تاياۋ جىلداردان بەرى،ساۋا ارابيا مەن جۇڭگونىڭ ساۋدا سوماسىنىڭ ارتۋى ماڭىزدى كەزەڭگە ٴوتتى، ٴدال وسىنداي كەزدە جۇڭگونىڭ ٴبىر بەلدەۋ ٴبىر جول دارىپتەمەسىن ورتاعا قويىلدى. ساۋدا ارابيادا مۇنايعا يەك ارتۋدان ارىلۋدى ماقسات ەتكەن 2030 -جىلعا ارمان نىساناسىن العا تارتتى. وسى ەكى نسانانى تەرەڭ سايكەستىرۋ ارقىلى جۇڭگو ىلعارى عىلىم-تەحنيكا مەن قۇدىرەتتى ونەركاسىپ جاساۋ يقۋاتى ارقىلى ساۋدا ارابيادا قارجى قوسىپ زاوۆت قۇرىپ، ساۋدا ارابيانىڭ مۇنايعا جاتپايتىن شارۋاشىلىعىن دامىتۋىنا كومەكتەسەدى، ال ساۋدا ارابيا وزىق مۇناي -حيميا ونەركاسىپ تەحنيكاسى مەن تاجىريبەسى ارقىلى جۇڭگو بازارىنا پايدا جاراتادى.بىلتىردان قازىرگە دەيىن ەكى ەل باسشىلارى ٴوزارا ساپارلاي بارىپ، ساۋدا ارابيا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىن زور كۇشپەن جەبەدى،مەن ەكى ەلدىڭ سەلبەستىگىنە ۇلكەن ۇمىتپەن قارايمىن.


    ساۋدا ارابيا شارۋاشىلىق قوعامىنىڭ مۇشەسى، ەكونوميست ابدوللا ماگۋس بىلاي دەدى: سالمان پاتشا مۇراگەرى كەزىندە اق جۇڭگونى ساپارلاعان بولاتىن، بىلتىر ساۋدا ارابيانىڭ پاتشا مۇراگەرى، باس ۋازىردىڭ ەكىنشى ورىنباسارى، مەملەكەت قورعانىس ۋازىرى مۇحاممەت بىن سالمان السات جۇڭگونى ساپارلادى.پاتشا سالمان بۇل رەت جۇڭگونى تاعى دا ساپارلادى. ٴبىز بۇدان ساۋدا ارابيانىڭ جۇڭگومەن دوستىق قاتىناسىن دامىتۋعا ەرەكشە كوڭىل بولەتىندىگىن اڭعارامىز.


    ماگۋس بىلاي دەدى: بۇرىن، ەكى ەلدىڭ شارۋاشىلىق ساۋدا سەلبەستىگى باستىسى ەنەرگيانى نەگىز ەتكەن، جۇڭگو ساۋدا ارابيا مۇناي ەكىسپورت ەتەتىن باستى ەل.قازىر، ساۋدا ارابيا جۇڭگونىڭ تەحنيكاسىن، تاجىريبەسىن جانە قارجسىن ەنگىزىپ، ساۋدا ارابيانىڭ مۇنايدان تىسقارى شارۋاشىلىعىن دامىتۋعا كومەكتەسۋىن ٴۇمىت ەتەدى.