يران سايلامىنداعى جۇرت تىلەگى
كەلۋقاينارى: |جاۋاپتى رەداكتور: | جاڭالانعان ۋاقىت:2017-05-18 15:58:00

 

    مامىر ايىنداعى تەھرانعا جازدىڭ العاشقى لەبى جەتىپ، ستىق اعىن كوتەرىلدى. مامىردىڭ 19-جۇلدىزى يراننىڭ 12-كەزەكتى پرەزيدەنت سايلامى وتكىزىلمەك، كانديداتتار ٴدال قازىر قيانكەسكى باسكەگە تۇسۋدە، كوشەنىڭ قاپىرىق اپتابى دا يران سايلاۋشىلارىنىڭ قىزعىندىلىعىنا بوگەت بولا المادى.

 

كانديداتتاردىڭ ۇلكەن سۋرەتى جولدىڭ ەكى جاعالاۋىنا جاپسىرىلىپ، ولاردىڭ جاقتاۋشىلارى باستى جول اۋىزدارىندا ۇگىت قاعازىن تاراتۋدا، ٴبىر سىپىرا ەلەكتر اسپاپ دۇنكەندەرى كانديدارتتاردىڭ تاياۋدا وتكىزگەن تەلەۆيزياداعى تالاس-تارتىس باعدارلاماسىن قويۋدا. كانديداتاردىڭ ٴار قايسىسى سايلام الدىنعى سوڭعى ورايدى مىقتاپ ۇستاپ، بار امالىن قولدانىپ سايلاۋشى جۇرتتىڭ نازارىن وزىنە اۋدارۋ ۇمىتىندە.

 

يران ىشكى ىستەر مينيسترلىگىنىڭ جاريالاعان سايلام ۋاقىت كەستەسىنە نەگىزدەلگەندە پرەزيدەنت سايلامىنىڭ الدىندا، كانديداتتارعا 20 كۇندىك باسكە سايلامى بار بولىپ، ٴساۋىردىڭ 28- كۇننەن مامىردىڭ 18 -كۇنىنە دەيىن جالعاسادى ەكەن.

 

30 نەشە جاسار فاريس شەتەل سەرىكتىگىندەگى قىزمەتكەر، جاراسترا كيگەن كيىمى مەن قولىنان ەكى ايىرىلماي تۇرعان الما قولفونى ونىڭ اقجاعالىلار قاتارىنداعى قوعامدىق ورىنىن كورسەتىپ تۇر. ول قازىرگى پرەزيدەنت رۋحانيعا دەگەن قولداۋىن ەش جاسىرىپ جاپپادى.

 

فاريس بىلاي دەدى: مەن 2013-جىلعى پرەزيدەنت سايلامىندا رۋحانيعا داۋىس بەرگەنىمىن، بۇل جولى دا ونى قولدايمىن. كوپتەگەن يراندىقتار قازىرگە جاعدايعا رازى ەمەس، الايدا قازىر رۋحانيدان ارتىق ادام تابىلماي وتىر. مەنىڭ دوستارىم مەن ساباقتاستارىم نەگىزىنەن رۋحانيدى قولدايدى.

 

ٴتورت جىلدىڭ الدىندا رۋحاني پرەزيدەنت سايلامىنا تۇسكەندە ايتقان يراننىڭ سىرتقى دۇنيەدەن قۇرساۋلانعان جانە وقشاۋلانعان جاعدايىن اقىرلاستىرامىن دەگەن ٴسوزى، كوپتەگەن يراندىقتاردى شاتتاندىرعان بولاتىن. 2015-جىلى يران يادرو كەلسىمىنە قول قويۋ، يران اننىڭ جازالاۋدى اقىرلاسترۋعا باسقان ماڭىزدى قادامى ەدى.

 

مۇحاممەد تاكسي شوفەرى. رۋحانيدىڭ سايلام سۋرەتى ىلىنگەن كوشەدەن وتكەن كەزدە، ول تىلشىگە «مىنە جاقسى ادام» دەپ باسبارماعىن كورسەتتى.

 

جۋىق جىلداردان بەرى يران استاناسىندا وزگەرىس وتە زور، ساۋدا رايوندارى، كوشە ورتالىقتارىنداعى باقشالار قۇرىلا باستادى. مۇحاممەد جۇڭگودان وڭتۇستىك كورەيادان كەلگەن ساياحاتشىلاردى اپتاسىنا جولىقتىرىپ تۇرادى. ول «بۇل ىستەر نەشە جىلدىڭ الدىندا ويىمىزعا كىرىپ شىقپايتىن، رۋحانيدىڭ ساياساتى شەتەلدىكتەردىڭ يرانعا بولعان كوز قاراسىن وزگەرتتى. بۇرىنعى قۇنداقتالعان داۋىرگە قايتقىم كەلمەيدى،- دەدى.

 

قالا ورتالىعىنداعى 30 نەشە كۋادراتتىق ماگەزيندەگى سورەلەر ٴار ٴتۇرلى يراننىڭ جەرلىك ونىمدەرى جانە يمپورتپەن كەلگەن ازىق-تۇلىك، تۇرمىستىق بۇيىمدارمەن لىق تولعان. ساتۋشى سارا «بۇرىن حالىقارالىق جازالاۋ مەن قۇرساۋلاۋعا ۇشىراعان كەزدە، يراندىقتاردىڭ بۇل نارسەلەردى ساتىپ الۋى وتە قيىن ەدى، اۋىر بولعاندا بالالارعا ارنالىپ جاسالعان ٴسۇت پاراشوگى دە تاۋسىلىپ قالاتىن. قازىر فرانسيانىڭ ىرىمشىگى، بەلگيانىڭ شوكلاتىنىڭ ٴبارى وسى جەردەن تابىلادى. يمپورت زاتتاردىڭ باعاسىنىڭ ورلىگى كىسنى قيناعانىمەن، اقشاڭ بار بولىپ تۇرىپ زات ساتىپ الا الماۋدان كوش ارتىق»،-دەيدى.

 

16- مامىر كۇنى، قازىرگى ٴبىرىنشى ورىنباسار پرەزيدەنت ەسقاق جاھانگەر سايلامنان شەگىنىپ شىعاتىنىن جاريالاپ، قازىر كانديداتتاردىڭ سانى 4 ادامعا ٴتۇستى. احبارات قىزمەتكەرى قادىرۇق تىلشىگە تەھرانداعى سەرىكتىك قىزمەتكەرلەرى، وقۋشىلار جانە ورتا-جوعارى اۋقاتتاعىلار رۋحانيدى قولدايدى، الايدا، تومەن كرىستىلەردىڭ رۋحاني جاقتا تۇرۋى ەكىتالاي،- دەدى.

 

جۋىق جىلداردان بەرى قالانىڭ دامۋىنا ىلەسە كوپ ساندى اۋىل ادامدارى تەھران جانە باسقا قالالارعا اعىلىپ كىرىپ، ىلايىقتى قىزمەت تابا الماعندىقتان، قالا شەتىندەگى كەدەيلەر رايونىنا بارىپ سىعىلىستى. دۇنيە بانكەسىنىڭ ساناعىنا نەگىزدەلگەندە يرانداعى 80 ميلليون ادامنىڭ ىشىندەگى 16 ميلليونى قالا كەدەيى، ۇزاق جىلدار بويى كاسىپسىز قالعاندار جانە ۋاقتىق جالدانبا جۇمىسپەن كۇن كورىپ جۇرگەندەر ەكەن. تالداۋعا قاراعاندا قازىرگى ۇكىمەت بۇل توپتاعى ادامداردى ۇمىتسىزدەرندىرىپ قويعان، سايلام تالاسىنىداعى تومەن كىرىستىلەرگە بەرىلەتىن قامداۋ قاراجاتىن زور مولشەردە ارتتىرۋ پىكىرى ولاردى قاتتى قزىقتىرعان.

 

تەھران قالا ورتالعىنداعى مۇستاپا اتتى تازالىقشى مەنىڭ ٴبىر كۇنگى تاپقان كىرىسىم تاماعىم مەن جول اقىمىنا ازەر جەتەدى، ۇيىمدەگىلەردى تۇراقتى قىزمەت جوق، كەدەيلىكتەن كوز اشپادىق، داۋىستى كىمگە بەرەۋگە ٴالى بەكىنگەن جوقپىن، رۋحانيدىڭ سويلىن سوقپايتىنىم ٴسوزسىز،-دەيدى.

 

بۇدان تىس، يرانداعى اۋىل-قىستاقتار مەن قويۋ ٴدىنني ٴتۇس العان رايونداردان كونسەراتيۆتەر پارتياسىنىڭ كانديداتى راشي كوپ قولداۋعا يە بولۋى مۇمكىن.

 

جۇرتشىلىقتىڭ پىكىرىنە قاراعاندا، راشي يرانداعى كونسەراتيۆتەر پارتياسىنداعى ساياسي قۋاتى ەڭ مىقتى يسىلام توڭكەرىستىك وداعىنىڭ قولداۋىنا يە بولىپ، رۋحانيعا زور سايىس جاريالاپ وتىر. ەگەر ا ق ش يران سايلامىنان بۇرىن جازالا جۇرگىزىپ، يراندى باستىقتىرسا، كونسەراتيۆتەر پارتياسىنداعىلار وسىنى سىلتاۋ ەتىپ يران كەلىسىمنىڭ ساياسي ناتيجەسىن جوققا شىعارىپ، رۋحانيدىڭ ساياسات اتقارۋ قابىلەتىنە كۇدىك اكەلىپ، راشيعا قولايللىق تۋعىزادى.

 

اۋدارعان: داۋىلبەك قادىلبەك ۇلى