ٴۇش ۇرپاق مىسىق ايۋ جۇڭگو مەن مەكسيكا دوستىعىنىڭ كۋاسىنا اينالدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-05-20 08:59:00



    جەتى جاستاعى حوساي ديگور ەرناندەس 3-ماۋسىم مەكسيكانىڭ 4-كەزەكتى «قيالىمداعى جۇڭگو» اتتى بالالار سۋرەت سالۋ جارىسىندا تومەن جىلدىقتار گرۋپپانىڭ اعا جۇلدەگەرى بولدى، ول: وراي بولسا جۇڭگوعا بارىپ ٴتىپتى دە كوپ مىسىق ايۋدى كورۋدى ارماندايتىندىعىن ايتتى.


    بيىلعى جارىستىڭ تاقىرىبى-مىسىق ايۋ، جۇڭگو-مەكسيكا دوستىعىنىڭ ەلشسى بولدى. حوساي كوك شوپتە اسىرسالىپ ويناپ جۇرگەن مىسىق ايۋدىڭ سۋرەتىن سالدى، ۇيتكەنى ونىڭ ەڭ جاقسى كورەتىن مىسىق ايۋى شين-شيننىڭ الدا 27 جاسقا تولعان تۋعان كۇنى بولماقشى.


    40 نەشە جىلدىڭ الدىندا، ياعني 1975-جىلى قىركۇيەكتە، جۇڭگو مەن مەكسيكا ديپلوماتيالىق قاتىناس ورناتقان 3 جىلدان سوڭ، جۇڭگو ۇكىمەتى مەكسيكا ۇكىمەتىنە يىن-يىن مەن بەي-بەي اتتى ٴبىر جۇپ مىسىق ايۋدى ۇسىنادى، سونىمەن مەكسيكادا وزدەرىنىڭ تۇڭعىش مىسىق ايۋى بار بولدى.


    وسىدان كەيىن، مىسىق ايۋ كوپتەگەن مەكسيكالىقتار ەسىندەگى تاماشا ٴبىر ەلەسكە اينالدى. ەكىسكۋرسيالاعان ساياحاتشىلاردىڭ ىشىندە، اتا-انالاردىڭ، وقۋشىلاردىڭ كوبى بالالارىن ەرتىپ مىسىق ايۋدى تاماشالاۋعا كەلەدى، ٴبىر اتا-انا: بالالاردى وسى ورايدا الىستاعى جۇڭگوعا جاقىنداتقىم كەلەدى،-دەدى.


    1980-جىلدان 1987-جىلعا دەيىن، يىن-يىن مەن بەي-بەي جەتى مىسىق ايۋ بالالادى. 1990-جىلى، وسى ٴبىر جۇپ مىسىق ايۋدىڭ ۇرعاشى نەمەرەسى شين-شين دۇنيەگە كەلدى. قازىر مىسىق ايۋدىڭ جەتىنشى بالالارى شۋاڭ-شۋاڭ مەن شين-شين بولسا ٴالى ٴتىرى. قىزمەتكەرلەر بىلاي دەدى: شۋاڭ-شۋاڭ 30 جاسقا تاياپ قالسادا، ارانى ٴالى دە اشىلىپ تۇرادى، ادامدارمەن ويناعاندى جاقسى كورەدى، توتەنشە تاتۋ. شين-شين ۇيرەنۋگە ىنتالى، بەيتانىس ادامدارعا جولىققاندا كەي كەزدەرى يمەنىپ قالادى. حايۋانات دارىگەرى لييامۋ مىسىق ايۋدى اسىراۋ اسا مارتەبەلى داڭق،-دەدى.


    باعىمشىلار مەن زەرتتەرمەندەر حايۋاناتتار باقشاسىنا بامبۋك ەككەن، ٴار كۇنى 10 كيلوگرامداي بامبۋكتى تاڭداپ، مىسىق ايۋدى اسىرايدى. ٴار كۇنگى تاماعىنا الما، كۇرىش، ٴسابىز جانە كاكتۋس جاپىراعى قاتارلىلاردا بەرىلەدى.


    حايۋاناتتار باقشاسى مىسىق ايۋ سارايىنا تاجىريبەحانا جانە قيمىلىن باقىلاۋ كەڭسەسىن سالىپ بەرگەن ٴارى ٴارٴبىر مىسىق ايۋعا ارناۋلى اسىراۋشى مەن دارىگەر ورنالاستىرىلىپ، 24 ساعات بويى مىسىق ايۋدىڭ ارەكەتىن جانە فيزيولوگيالىق كورسەتكىشىندەگى وزگەرىستەردى قاداعالاپ وتىرادى. مىسىق ايۋدىڭ تۇراتىن جەرى وتە كوركەم، بولمە ىشىندە اۋا تەڭشەگىش تە بار.


    مەحيكو قالاسىنداعى 3 ئرى حايۋاناتتار باقشاسىنىڭ باستىعى كروديا لەۆي بىلاي دەدى: مىسىق ايۋ مەكسيكاعا العاش اكەلىنگەندە، اۋرىپ قالۋ نەمەسە تاماقتاندىرۋ سياقتى ماسەلەلەر ٴبىرشاما قول بايلايتىن. ەكى ەلدىڭ اۋىس-كۇيىسىنىڭ كۇننەن-كۇنگە جيىلەۋىنە بايلانىستى، مىسىق ايۋدى باعۋ، ٴوسىپ-ٴوربىتۋ قىزمەت اۋىس-كۇيىسى دە كوبەيدى. 2009-جىلى جۇڭگو ماماندار ۇيىرمەسىن مەكسيكاداعى مىسىق ايۋدى باعۋ، ٴوسىپ-ٴوربىتۋ قىزمەتىنە جەتەكشىلىك ەتۋگە جىبەردى. جاقىنعى جىلداردان بەرى، مەكسيكا جاقتا ادامدار جىبەرىپ، جۇڭگو مىسىق ايۋدى قورعاۋ-زەرتتەۋ ورتالىعىنداعى تاربيەگە قاتىناستىردى.


    لەۆي بىلاي دەدى: چاپۋلتەپەك حايۋاناتتار باقشاسى عالامتور ارقىلى جۇڭگو، ا ق ش، سپانيا قاتارلى ەلدەرمەن مىسىق ايۋدى باعۋ، ٴوسىپ-ٴوربىتۋ تاجىريبەلەرىن اۋىستىرىپ، دۇنيەنىڭ جەر-جەرىندەگى حايۋاناتتار باقشاسىنىڭ مىسىق ايۋدى باعۋدى تەڭ كورۋ ساندى مالىمەت قامباسىن قۇردى.


    جۇڭگونىڭ مەكسيكادا تۇراتىن ەلشسى چيۋ شياۋچي 3-ماۋسىم جۇڭگو اتىنان چاپۋلتەپەك حايۋاناتتار باقشاسىنا «دوستىق ەلشىسى ۇلەس سيلىعىن» تاراتتى. جۇڭگو مىسىق ايۋدى قورعاۋ-زەرتتەۋ ورتالىعى دا ەكران ارقىلى مەكسيكا جاقتىڭ قىزمەتىن تۇراقتاندىرىپ، العىسىن ايتتى.


    چيۋ شياۋچي بىلاي دەدى: بيىل ەكى ەل ديپلوماتيالىق قاتىناس ورناتقاندىعىنىڭ 45 جىلدىعى ٴارى مەكسيكاداعى جۇڭگو مادەنيەت جىلى. مەكسيكا حالقىنان جۇڭگو مادەنيەت جىلىنىڭ ٴتۇرلى قيمىلدارىنا بەلسەنە قاتىناسىپ، جۇڭگو مادەنيەتىن ىشكەرىلەي ۇعىسىپ، ەكى ەل حالىقتار اراسىنداعى تۇسىنىستىك پەن دوستىقتى جەبەۋدى ٴۇمىت ەتەمىز.