كەنياداعى جۇڭگو كاسىبورىندارى قوعامدىق جاۋاپكەرشىلىكتەرىن امالياتتا ايگىلەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-01 09:01:00



    جۇڭگو - افريكا سەلبەستىگىنىڭ تىڭ ساتىعا قادام تاستاۋىنا ىلەسە، كەنياداعى كوپتەگەن جۇڭگو كاسىبورىندارى شارۋاشىلىق سەلبەستىك پەن دامۋدى جەبەۋمەن قاتار، قوعامدىق جاۋاپكەرشىلىكتى ٴامالياتتان وتكىزىپ، قوعامدىق الەۋمەتتىك ىستەرگە بەلسەنە اتسالىسىپ، وقۋ - اعارتۋ، مەيىر شاپاعات ىستەرىندە جەرلىك حالىققا تيىمدىلىك جەتكىزىپ، ٴىس جۇزىندىك ارەكەتتەرى ارقىلى حالىققا ەل اتتاعان ٴىرى كاسىبورىنداردىڭ جاۋاپكەرشىلىگىن ۇزدىكسىز سەزىندىردى.


    وسى ايدىڭ سوڭىندا كەنياداعى ەڭ ۇلكەن پورت قالا مومباسا مەن استانا نايروبيدى تۇتاستىراتىن رەلىستى تەمىر جول قۇرىلىسى اياقتالىپ جاقىندا رەسىمي كولىك قاتىنايدى . جۇڭگو قاتىناس قۇرىلىس جارنا شەكتى سەرىكتىگى 29 - مامىر كۇنى نايروبيدا < جۇڭگومەن ديپلوماتيالىق قاتىناس ورناتۋدىڭ 2016 - جىلعى قوعامدىق جاۋاپكەرشىلىك دوكىلاتى > مەن < مومباسا - نايروبي تەمىر جول وبيەكتىسنىڭ 2016 - جىلدىق قوعامدىق جاۋاپكەرشىلىك دوكىلاتىن > جاريالاپ، جەرلىك حالىققا سانالىلىقپەن قىزمەت وتەپ، كەنيا مەن جۇڭگو سەلبەستىگىندە ورتاق يگىلىكتەر جاراتتى.


    مومباسا - نايروبي تەمىر جولى 2014 - جىلدىڭ سوڭىندا قۇرىلىس باستاعان بولاتىن، قازىر بۇل وبيەكتى كەنيانىڭ شارۋاشىلىق جانە قوعامىنا زور تيىمدىلىكتەر اكەلدى.


    جابدىقتاردى باسقارۋعا جاۋاپتى ادام بىلاي دەدى : بۇرىن جەرلىك تۇرعىنداردىڭ كوبىندە قىزمەت جوق ەدى، ولار مال باعۋ ارقىلى كۇن كورەتىن . جۇڭگونىڭ تەمىر جول قۇرىلىس وبيەكتىسنىڭ ارقاسىندا كوپتەگەن ادام كاسىپتەنىپ عانا قالماستان تەحنيكالىق بىلىمدەردە ۇيرەندىك . جۇڭگولىقتاردىڭ ەڭبەكشىلدىگى مەن قالتقىسىز ٴوزىن ارناۋ رۋحىن ٴوز كوزىمىزبەن كوردىك، ولار بىزگە بىلگەندەرىن ۇيرەتتى، ٴبىز باسقا دۇنيەنى كورگەندەي بولدىق.


    بۇل تەمىر جول كەنياداعى جابايى حايۋاناتتاردى قورعاۋ رايونى سياقتى سەزىمتال ٴوڭىردى باسىپ وتەتىندىكتەن، قاتىناس ٴدالىزىن سالىپ ەكولوگيانى قورعاۋ جانە جابايى حايۋاناتتارعا جەتكىزەتىن ىقپالىن ازايتتى.


    كەنيا ورتانى قورعاۋ باسقارۋ مەكەمەسىنىڭ باستىعى ۆاحونگ بىلاي دەدى: مومباسا - نايروبي تەمىر جولى تاسجولداعى كومىر تەگى قوس توتىعىنىڭ شىعارىلۋ مولشەرىن %40 كولەمىندە ازايتتى، ٴارى تاسجول قاتىناس تاسىمالىنداعى حاۋىپ - قاتەر مولشەرىن تومەندەتىپ، ورتانى قورعاۋ ونىمدىلىگىن كورنەكتى جوعارىلاتتى.


    دوكىلاتتا كورسەتىلۋىنشە، 2016 - جىلدىڭ سوڭىنا دەيىن مومباسا - نايروبي تەمىر جول وبيەكتىسى جەرلىك قىزمەتكەرلەردەن 45 مىڭنان استام ادامدى تاربيەلەپ، 2015 -، 2016 - جىلدارى 36 قىزمەتكەردى جۇڭگوعا جىبەرىپ تاربيەلەدى.


    مۇنان تىس، جۇڭگو تەمىر جول سەرىكتىگى مەن كەنيا ۇكىمەتى وقۋ - اعارتۋعا قارجى قوسۋ، كومەكتەسۋ قورىن قۇرىپ، كەنيالىق 100 وقۋشىنىڭ بيجيڭدە قاتىناس ۋنيۆەرسيتەتىندە 4 دە 5 جىل تەمىر جولعا قاتىستى كاسىپتىك ٴبىلىم الۋىنا كومەكتەستى. بۇل وبيەكتى كەنيا سونداياق شىعىس ازيا تەمىر جول سالاسىندا جوعارى ساپالى دارىندىلاردى جەتىلدىرۋدى ماقسات ەتەدى.


    جۇڭگو لۋ چياۋ تەمىر جول سەرىكتىگى قۇرىلىس وبيەكتىسىن جەبەۋمەن قاتار، الەۋمەتتىك ىستەرگە دە بەلسەنە قاتىناسىپ، جەرلىكتىڭ مادەنيەت، وقۋ - اعارتۋىن قولداپ، جەرلىك حالىقتىڭ سۋ ىستەتۋ قينشىلعىن شەشىپ بەردى.


    مومباسا - نايروبي تەمىر جول وبيەكتىسىنىڭ قوعامدىق جاۋاپكەرشىلىك دوكىلاتىندا كورسەتىلۋىنشە، جۇڭگو سەرىكتىگىنىڭ الەۋمەتتىك رايوندى قولداۋعا 27 ميلليون 600 مىڭ امەريكا دوللارىندىق قارجى قوسپ، تۇرعىندارعا قۇدىق قازىپ بەرۋ، وقۋعا كومەكتەسۋ، تاسجول سالۋ قاتارلى 220 رەتتەن استام الەۋمەتتىك رايون قيمىلىن وتكىزگەن جانە ۇيىمداستىرعان.