فرانسيا مەن رەسەي قاتىناسىنا نازار
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-01 09:03:00

 

    فرانسيانىڭ پريزدەنتى ماكرون مامىردىڭ 29-كۇنى رەسەي پريزدەنتى پۋتىينمەن پاريجدەگى ۆەرسال سارايىندا كەڭەس وتكىزدى. ەكى جاق تەرورشىلدىققا قارسى تۇرۋ، ەكى ەلدىڭ اۋىس - كۇيىسىن جەبەۋ جاعىندا ماڭىزدى ورتاق تانىمعا كەلدى، الايدا سىريا جاعدايى، ۋكراينانىڭ شىعىس بولەگىندەگى قايشىلىق جانە باتىس ەلدەرىنىڭ رەسەيدى جازالاۋى قاتارلى ماسەلەلەر جونىندەگى الاۋىزدىعى ٴالى دە ٴبىرشاما اۋىر. ماماندار بىلاي دەپ قارادى: وسى رەتكى كەڭەستىڭ شىنايى ٴمانى ٴوزارا سەنىمدىلىكتى جەبەپ، ەكى جاقتىلى قاتىناستى ساباسىنا تۇسىرىپ، رەسەيدىڭ كەزەكتەگى قاجەتىن قاناعاتتاندىردى ٴارى جاڭادان مىندەتكە وتىرعان ماكرونعا دا تىڭ ٴورىس سىيلادى. الايدا گەرمانيا مەن رەسەي، اق ش مەن رەسەي قاتىناسى شۇعىل كۇيگە وتكەن تۇستا، فرانسيامەن تىپتى ەۆروپا وداعىمەن بولعان رەسەيدىڭ قاتىناسىن جاقسارتۋعا قازىرشە بىردەمە دەۋ قيىنداۋ. ماكرون مەن پۋتيىن ماۋسىمىنىڭ 29- كۇنى ۆەرسال سارايىندا كەڭەس وتكىزدى ٴارى رەسەي پەتەر پاتشالىعىنىڭ فرانسيادا ەلشىلىك قۇرعاندىعىن 300 جىلدىعىن ەسكە تۇسىرۋ كورمەسىنە قاتىناستى . ەكى ەل باسشىلارى كەڭەستەن كەيىنگى بىرلەسپە تىلشىلەردى قابىلداۋ ماجىلىسىندە، تەرورشىلدىققا سوققى بەرۋ ەكى ەلدىڭ الدىمەن ويلاساتىن باعىتى ەكەندىگى تۇراقتاندىرىلىپ، ەكى جاق سەلبەستىكتى كۇشەيتىپ تەرورشىلدىققا بىرلىكتە توتەپ بەرەمىز - دەستى.


    پۋتين: ماكروننىڭ فرانسيا مەن رەسەيدىڭ تەروشىلدىققا قارسى تۇرۋ قىزمەت گۇرپپاسىن قۇرۋدى العا قويعاندىعىن اڭعارتتى. ەكى جاق تاعى ەكى ەل اراسىنداعى حالىقتىق تالقى ارقىلى ەكى ەلدىڭ وقۋ - اعارتۋ سالاسى مەن جاستار اراسىنداعى اۋىس - كۇيسىن كۇشەيتۋگە قوسىلدى.


    ماكرون بىلاي دەدى: بىرنەشە عاسىردان بەرى رەسەي مەن فرانسيانىڭ اۋىس - كۇيىسى ساباقتاسىپ كەلدى. ول رەسەيدىڭ حالىقاراداعى ورنىنا قۇرمەتپەن قارايتىندىعىن ايتا كەلىپ، بۇگىنگى تاڭدا حالىقاراداعى كەلەلى ماسەلەلەردى شەشۋدە رەسەيدىڭ اڭىسىمەن ساناسپاي بولمايدى -دەپ كورسەتتى. پۋتين بىلاي دەدى : رەسەي مەن فرانسيا اراسىنداعى ورتاق مۇدە تالاس -تارتستان اسىپ وتىر. باتىس ەلدەرى رەسەيدى جازالاۋ شاراسىن اتقارعانىنان بەرى، فرانسيا مەن رەسەي اراسىنداعى ساۋدا سەلبەستىگىنە ەشقانداي سالقىندىق تۇسكەن جوق. ٴار قانداي ٴبىر فرانسيا سەرىكتىگى رەسەي بازارىنان شەگىنىپ شىققان جوق . 2016- جىلى فرانسيا ەۆروپا وداعىنداعى ەلدەر اراسىندا رەسەيگە ەڭ كوپ قارجى قوسقان ەلدىڭ ٴبىرى بولدى .الايدا ەكى جاق اراسىندا ٴبىر قىدىرۋ كەلەلى ماسەلەلەردە الاۋىزدىق ٴالى دە ساقتالۋدا. ماكرون مىنالاردى باسا دارىپتەدى: فرانسيا رەسەيمەن سىريا ماسەلەسىندە سەلبەستىكتى كۇشەيتۋدى ٴۇمىت ەتەدى. الايدا سىرياعا حيميالىق قارۋ قولدانۋعا استە جول بەرمەيدى. ول فرانسيا، رەسەي، گەرمانيا، ۇكراينا 4 ەلى جۇلگەسىندە اۋىس - كۇيستى كۇشەيتىپ، ۇكراينانىڭ شىعىسىنداعى قاقتىعىستى بىرتىندەپ شەشۋدى ٴۇمىت ەتتى.


    پۋتين مىنالاردى باسا دارىپتەدى: باتىس ەلدەرىنىڭ جازالاۋى ۇكىراينا داعدارىسىن شەشۋگە ەشقانداي سەپتىگىن تيگىزە المايدى، باتىس ەلدەرى رەسەيگە قاراتقان جازاسىن كۇشىنەن قالدىرىپ، سەلبەستىك ارقىلى بەيبتشىلىكتى ورناتۋى ٴتيىس.


    ماماندار بىلاي دەپ قارادى: ماكىرون مەن پۋتيننىڭ كەڭەس وتكىزۋى ەكى جاقتىڭ دا قاجەتى بارلىعىن اڭعارتادى، الايدا بۇل ەكى ەلدىڭ جانە رەسەي مەن ەۆروپانىڭ قاتىناسىندا تەز ارادا تىڭ بۇرىلىس بولاتىندىعىن كورسەتپەيدى.فرانسيانىڭ ورتا شىعىس ەۆروپا ماسەلەسىن زەرتتەۋشىسى مامانى انني : باتىس ەلدەرىنىڭ جازاسىنىڭ اسەرىنەن رەسەيدىڭ تاياۋ جىلداردان بەرگى شارۋاشىلىعىنىڭ دامۋى مەن وڭىرىلىك ساياسي اۋقىمىندا كوپتەگەن قينىشلىقتار بەل الدى. مىنە وسىنداي جاعدايدا رەسەي ەۆروپا وداعىنداعى ەلدەرمەن قاتىناستى جاقسارتۋدى كۇزدەپ وتىر، ماكىرون بولسا پۋتيىندى ۇسىنىس ەتىپ، ەۆروپا وداعىنداعى ەلدەرمەن تىلدەسۋدى كۇشەيتۋگە مۇمكىندىك جاراتىپ بەرىپ وتىر. ماكرون جونىنەن العاندا پۋتيننىڭ ساپارلاي كەلۋى ونىڭ مىندەت العانىنان كەيىنگى تۇڭعىش ماتەبەلى قوناعى، پۋتينىمەن كەڭەس وتكىزۋىنەن ونىڭ دەپلوماتياعا جۇيرىك ەكەنىن اڭعارۋ قيىن ەمەس. كەزەكتى كەڭەس فرانسيا مەن رەسەي قاتىناسى تىپتى ەۆروپا وداعىمەن مەن رەسەي قاتىناسىنا جاڭا وراي الا كەلگەنىمەن، بۇل قاتىناستاردىڭ ماۋەلى جەمىس بەرەتىندىگىنە قازىرشە بىردەمە دەۋ اسىعىستىق سانالماق.


    فرانسيا حالىقارالىق قاتىناستى زەرتتەۋ ورننىڭ زەرتتەرمەنى توماس بىلاي دەپ قارادى: رەسەيدىڭ قىرىمنىڭ قاراستىلىعى، ۇكىراينانىڭ شىعىس بولەگىندەگى قاقتىعىس قاتارلى بىر قىدىرۋ ماسەلەلەردەگى پكىرى ەۆروپا وداعىنداعى ەلدەرگە اسىرەسە گەرمانياعا بەرگەن سەنىمىنە سەلكەۋ تۇسىرىپ، رەسەي ەۆروپانىڭ حاۋپسىزدىگىنە قاتەر توندىرۋى مۇمكىن دەگەن كۇماندار تۋعىزدى، مىنە وسىنداي كۇدىكتەر سالدارىنان ەۆروپا وداعى مەن رەسەي قاتىناسى لەزدە جاقسارا قويۋى ناعايبىل، سونىمەن قابات، فرانسيا، رەسەي قاتىناسىنىڭ جاقسارۋى فرانسيانىڭ وزىندىك شارۋاشىلىق جاعدايىنىڭ شەكتەمەسىنە ۇشىرايدى، فرانسيانىڭ شارۋاشىلىعى جالعاستى قۇلدىرايتىن بولسا، ماكروننىڭ دەپلوماتياسىنىڭ دا قاناتىن كەڭ ٴجايۋى ەكىتالاي.