تابىس پەن تالاس قاتار ٴومىر سۇرگەن بيرمادا بەيبىتشىلىك قادام جاپالى بولدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-19 09:05:00


    بيرمانىڭ 2-كەزەكتى 21-عاسىر پاڭلۇڭ ٴماجىلىسى، فەدراتسيالىق بەيبىتشىلىك جينالىسى 29-مامىردا اياقتالدى، ٴماجىلىستىڭ قول جەتكىزگەن ەڭ ۇلكەن تابىسى-ۋاكىلدەرمەن قول قويعان 37 كەلىسىم تارماقتى قامتىعان فەدراتسيالىق كەلسىم قۇجات بولدى. بۇل كەلەشەكتە ماڭگىلىك بەيبىتشىلىكتى ىسكە اسىرۋ ٴۇشىن قول قويىلعان سوڭعى ۇلگىدەگى فەدراتسيالىق كەلسىمنىڭ، دەموكراتيالىق فەدراتسيالىق تۇزىمدەگى ەل قۇرۋدىڭ نەگىزى بولادى.


    وسى تابىستاردان جۇرت وسىدان بۇرىنعى مىڭ سالسا ٴبىر باسپاعان بيرما بەيبىتشىلىك اياق الىسىنا سەنىم ارتقانداي بولدى، ٴبىراق ٴماجىلىس كەزىندەگى كەلسسوز بارىسىندا بيرمانى 70 جىلعا جۋىق مازالاپ كەلگەن بەيبىتشىلىك ماسەلەسىندەگى قيىندىقتاردا دارالاندى.

    وسى كەزەكتى جينالىس 24-مامىردا اشىلىپ، ۇكىمەت، پارلامەنت، ارميا، ساياسي-پارتيا، ۇلتتىق جەرگىلىكتى قارۋلى ۇيىم قاتارلى ٴار جاقتىڭ ۋاكىلدەرىنەن 1400 دەن استام ادام قاتىناستى. ٴماجىلىستىڭ تالقى كەزەڭىندە، ٴار جاق ۋاكىلدەر ساياسي، شارۋاشىلىق، قوعام، حاۋىپسىزدىك، جەرگىلىكتى ورىن جانە جاراتىلىستىق ورتا سىندى بەس تاقىرىپ جونىندە گرۋپپالارعا ٴبولىنىپ تالقى جۇرگىزدى. سوڭىندا، ماجىلىسكە قاتىناسقان ۋاكىلدەر 37 كەلسىم تارماق جونىندە ٴبىر اۋىزدىلىققا كەلدى ٴارى ۇكىمەت، پارلامەنت، ارميا، ساياسي-پارتيا، ۇلتتىق جەرگىلىكتى قارۋلى ۇيىمدار ٴبىر-ٴبىر ۋاكىل شىعارىپ، 37 تارماقتى قامتىعان فەدراتسيالىق كەلسىم قۇجاتقا قول قويدى.


    ٴار جاق سوڭىندا فەدراتسيالىق كەلىسىم قۇجاتقا قول قويعانىمەن، تالقى بارىسى توتەنشە جاپالى بولدى. جينالىستىڭ حاتشىلار گرۋپپاسىنىڭ مۇشەسى، مەملەكەتتىك كەڭەستىڭ ۇكىمەت ٴبولىمىنىڭ مالىمدەمەشسى ۋ زوتاي 29-مامىردا جينالىس جابىلعاننان كەيىن كىتاپ بەتىنىڭ ەسەپ ٴنومىرى ارقىلى «قيىن-قىستاۋ كۇندەردە العا باسايىق» دەگەن تاقىرىپتاعى ٴماجىلىس شولۋىن جاريالاپ، تالقى ٴبىر مەزەت وتە كۇردەلى، بۇكىل ەلدە بەيبىتشىلىك لۋشيانى توقتاپ، ٴبىر مەزەت توقىراۋعا بەتالعان جاعداي بولدى،-دەدى.


    وسى كەزەكتى جينالىس اۋەلدە 4 كۇن اشىلىپ، گرۋپپالار تالقسى ٴبىر جارىم كۇن بولىپ، ٴار جاقتىڭ جوعارى دارەجەلى ۋاكىلدەرىنەن ۇيىمداسقان فەدراتسيالىق بەيبىتشىلىك سۇحپات بىرلەسپە كوميتەتى تالقىنى اداقتاپ تەكسەردى. ٴبىراق تالقىنى اداقتاپ تەكسەرۋ بارىسىنىڭ العاشقى كۇنى ٴساتسىز بولدى، كەيىننەن اقىلداساتىن ىستەر بىتپەي قالىپ، ٴماجىلىس ٴبىر كۇن شەگىندىرىلدى.


    ۇعىسۋعا قاراعاندا، وسى رەتكى ماجىلىستە سۇحپات بەرگەن ۋاكىلدەر بۇرىنعىمەن سالىستىرعاندا ٴبىرشاما از بولىپ، جاريالاناتىن ينفورماتسيادا توتەنشە شەكتى بولدى. ۋاكىلدەردىڭ ايتقاندارى نەگىزىنەن 1-تارماققا شوعىرلانىپ، ماجىلىسكە قاتىناسقان قاتىستى جاقتاردىڭ بىرلەسپە فەدراتسيالىق ۇقىقتان شەگىنۋ تارماعىنا قوسىلۋ-قوسىلماۋ تالاسى اۋىر بولدى. بىرنەشە ۋاكىل تىلشىگە بىلاي دەدى: ٴار جاقتىڭ بۇل جونىندەگى تالاسى تۇرلىشە بولعاندىقتان، وسى كەزەكتى جينالىستا وسى تارماق تالقىعا سالىنباي، كەيىنگە قالدىرىلدى.


    بىرلەسپە فەدراتسيالىق ۇقىقتان شەگىنۋ تارماعىنان تىس، بىرلىككە كەلمەگەن قالعان تارماقتار تۇگەلدەي ساياسي تارماق ەسەپتەلدى. ۋاكىلدەر وسى تارماقتار فەدراتسيالىق نەگىزگى زاڭ قاتارلى ماڭىزدى مازمۇندارمەن قاتىستى ەكەندىگىن ايتتى.


    بۇدان تىس، مەملەكەتتىك سوعىس توقتاتۋ كەلسىمىنە قول قويماعان بىرنەشە ۇيىم ماجىلىسكە قاتىناسپادى، بۇل وسى جينالىستاعى وكىنەرلىك جايت بولدى. وسى ۇيىمدار بيرما ۇلتتىق فەدراتسيالىق بىرلەسپە كوميتەتىنە ٴتان 4 ۇيىمدى قامتىپ، ولاردىڭ ماجىلىسكە قاتىناسپاۋ سەبەبى كۇردەلى ەدى. ٴبىراق جينالىستىڭ حاتشىلار گرۋپپاسى بىلاي دەدى: وسى ۇيىمدار مەملەكەتتىك سوعىس توقتاتۋ كەلسىم جۇلگەسىندە بيرما بەيبىتشىلىك كوميتەتىمەن سۇحپاتتاسۋدا.


    قورىتىپ كەلگەندە، وسى رەتكى جينالىستا قول قويىلعان فەدراتسيالىق كەلسىم قۇجاتتار 21-عاسىر پاڭلۇڭ ٴماجىلىسى مەحانيزمى ىسكە قوسىلعاننان بەرگى تۇڭعىش ماڭىزدى تابىس بولىپ، بۇكىل ەلدە سوعىس توقتاتۋ كەلسىمى بەيبىتشىلىك لۋشيانىنىڭ اياق الىسى تىڭ كەزەڭگە جەتتى. كەلسسوز بارىسى جاپالى بولعانىمەن، جينالىسقا قاتىناسقان ۋاكىلدەر كەلسىمگە كەلىپ، ٴار جاقتىڭ بەيبىتشىلىكتى قاراستىرۋ جاعىنداعى تىلەگى مەن بەكىمى اڭىس ەتىلدى.


    وسى رەتكى جينالىستاعى تاعى ٴبىر جارقىن ٴتۇيىن-ۋينتەد فەدراتسيالىق بىرلەسپە ارمياسى، كاچين دەربەستىك ۇيىمى قاتارلى بيرمانىڭ سولتۇستىگىندەگى جەتى قارۋلى ٴبىر ۋاقىتتا جينالىستىڭ اشىلۋ سالتىنا قاتىناسقاندىعى بولدى، مۇنىڭ ىشىندە گوگان وداقتاس ارمياسى، دى-اڭ ۇلت ازاتتىق ارمياسى، اراكان ارمياسى تۇڭعىش رەت ۇسىنىس بويىنشا جينالىسقا قاتىناستى. بۇل بيرما بەيبىتشىلىك اياق الىسىنداعى بەلسەندى سەگنال دەپ قارالىپ، بيرما ۇكىمەتىنىڭ تىلگە تيەك ەتكەن جاپپاي كەشىرىمشىل بولۋ ىسىنە دالەل قوستى.