جاپونيا «چۋ ٴيۇن» ماركالى اسكەري كەمەسىن ٴجيى ىسكە قوسۋدا
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-05-01 09:09:00


    جاپونيا تەڭىزدەگى قورعانىس اترەتىنىڭ ەڭ زور دارەجەدەگى كەمەسى بولعان «چۋ ٴيۇن» ماركالى كەمەسى جۋىردا ىسكە سالىندى. جاپونيا ۇكىمەتى مامىر ايىنىڭ باس شەنىندە «چۋ ٴيۇن» ماركالى كەمەنى ا ق ش ارمياسىنىڭ قامداۋ كەمەسىن قورعاۋعا ورنالاستىردى. سوڭىنان وسى كەمە ايدىڭ 15-كۇنى سينگاپوردىڭ حالىقاراداعى اسكەري كەمەلەر پاراتىنا تۇڭعىش رەت قاتىناستىرىلدى، سوڭىنان تاعى جالعاستى تۇردە سول توڭىرەكتەگى ەلدەرگە اپارىلىپ دوستىق تۇرعىدا حال سۇراۋ بارىسىندا ايگىلەندى.


    ان بي اكىمياتى جۋىردا «توڭىرەكتەگى جاعداي كۇننەن كۇنگە قىسىلتاياڭدانىپ، حاۋىپسىزدىكتى ساقتاۋ كوكەيتەستى كۇيگە ٴوتتى» دەگەن بانامەن حاۋىپسىزدىكتى ساقتاۋ جاڭا زاڭىنىڭ مازمۇنىن كۇش سالا تياناقتاندىردى، ا ق ش ارمياسىمەن بولعان اسكەري سەلبەستىكتى قويۋلاتۋ ارقىلى «قورعانىسپەن عانا بولۋ» كۇيىنەن بىرتىندەپ ارىلماق بولدى، مۇنىسى جاپونيا قاۋىمىنىڭ اڭىسىن قوزعادى، توڭىرەكتەگى ەلدەردە قىراعىلىقتى ارتتىرىپ، الاڭداي باستادى.


    چۋ ٴيۇن ماركالى كەمە جاپونيا تەڭىزدەگى قورعانىس اترەتىنىڭ ۇستىنە تىك ۇشار ايروپلان قونۋعا بولاتىن قۋعىنداۋ كەمەسى، 2015-جىلى ناۋرىز ايىنان باستاپ اسكەري مىندەتكە سالىنعان. وسى كەمەنىڭ جالپى ۇزىندىعى 248 مەتر، ەنى 38 مەتر بولىپ، سۋ ىعىستىرۋ مولشەرى 27 تونناعا جەتەدى. كەمەگە ەڭ كوپ بولعاندا 14 تىك ۇشار ايروپلان قوندىرۋعا كەلەدى، 5 تىك ۇشار ايروپلان قاتار قونىپ، قاتار ۇشا الادى.


    مامىردىڭ 1-كۇنى تۇستەن بۇرىن، چۋ ٴيۇن ماركالى كەمە كاناگاۋا اۋدانىنداعى ا ق ش ارمياسى بازاسىنان ايىرىلىپ، مەرزىمى 3 ايلىق تەڭىزدەگى شارلاۋ مىندەتىنە سالىندى. چۋ ٴيۇن ماركالى كەمە جاپونيانىڭ توڭىرەگىندەگى تەڭىز الابىنان شىعۋدان بۇرىن اۆياماتكالىق يقۋاتىنا يە بولىپ كەلە جاتقان وسى كەمە ا ق ش ارمياسىنىڭ قامداۋ كەمەسىنە سيمۆول سيپاتىندا قورعاۋ قىزمەتىن وتەدى.


    مامىردىڭ 15-كۇنى، چۋ ٴيۇن ماركالى كەمە مەن جاپونيا تەڭىزدەگى قورعانىس اترەتىنىڭ «ليان» ماركالى تاعى ٴبىر قۋعىنداۋ كەمەسى سينگاپور تەڭىز ارمياسى قۇرىلعاندىعىنىڭ 50 جىلدىعىن تويلاۋعا ارنالعان حالىقاراداعى اسكەري كەمەلەردىڭ پارات قيمىلىنا قاتىناستىرىلدى. مامىردىڭ 19-كۇنى، چۋ ٴيۇن ماركالى، ليان ماركالى كەمەلەر ا ق ش تەڭىز ارمياسىنىڭ «كولورادو» ماركالى تەڭىز بويى سوعىس كەمەسىمەن سينگاپور ماڭىنداعى تەڭىز الابىندا بىرلەسپە مانيۆەرگە قاتىناستى.


    جاپونيانىڭ قورعانىس مينيسترلىگى مىناداي حابار جاريالادى: چۋ ٴيۇن ماركالى جانە ليان ماركالى كەمەلەر مامىردىڭ 20-كۇنى ۆيەتنامنىڭ وڭتۇستىك بولەگىندەگى ماڭىزدى اسكەري بازا بولعان جينلان شىعاناعى اسكەري بازاسىنا توقتاپ، ا ق ش ارمياسى باسقارعان «ازيا-تىنىق مۇحيت سەرىكتەستەر جوسپارى» قيمىلىنا قاتىناستى. مامىردىڭ 26-كۇنىنەن باستاپ وسى ەكى اسكەري كەمە سودان ەكى كۇن بۇرىن جۇڭگونىڭ نانشا توپ ارالىنداعى قاتىستى ارال-قۇزدار ماڭىنا سۇعىنىپ كىرگەن ا ق ش ارمياسىنىڭ «دۋۋەر» ماركالى باسقارىلمالى بومبىمەن قۋعىنداۋ كەمەسىمەن بىرلىكتە وڭتۇستىك تەڭىزدە ەكى كۇندىك بىرلەسپە جاتتىعۋ جاسادى.


    ساراپشىلار بىلاي دەپ قارادى: ان بي اكىمياتىنىڭ تاياۋدان بەرى ا ق ش ارمياسىمەن ٴجيى سەلبەسۋىندە مىناداي ەكى ٴتۇرلى ماقساتى بار: 1-، ا ق ش پەن جاپونيانىڭ اسكەري وداقتاستىعىن اناعۇرلىم كۇشەيتىپ، توڭىرەكتەگى ەلدەردى وڭتۇستىك تەڭىزدە بىلىقپالىق جاساۋعا شاقىرۋ؛ 2-، قورعانىس اترەتىنىڭ مىندەت كولەمىن كەڭەيتىپ، «تۇبەك توڭىرەگىنىڭ جاعدايى قىسىلتاياڭ بولعاندىعىنان» پايدالانىپ ەل ىشىندە «قارۋلى كۇش قولدانۋ تيىمىن دەرەۋ كۇشىنەن قالدىرىپ، حاۋىپسىزدىكتى ساقتاۋ دارەجەسىن جوعارىلاتۋداي» جۇرتشىلىق اڭىسىن تاراتىپ، نەگىزگى زاڭعا وزگەرىس ەنگىزۋگە جول سالۋ بولىپ تابىلادى.