تۇركيادا ىسكە اسپاعان اسكەري ساياسي وزگەرىس تۋىلعانىناٴبىر جىل تولدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-16 16:46:00

 

    شينحۋا اگەنتتىگىنىڭ حابارى: تۇركيادا ىسكە اسپاعان اسكەري ساياسي وزگەرىس تۋىلعانىنا 15-شىلدە كۇنى ٴبىر جىل تولدى. تۇركيانىڭ پرەزيدەنتى ەردوعان مەن زۇڭليى ەردىلىم سول كۇنى كەشتە ستانبولداعى بوسپورۇس كوپىرىندە وتكىزىلگەن ەسكە الۋ قيملىنا قاتىناسىپ، ۋاقيعادا قازا بولعانداردى ەسكە الدى.

 

ەردوعان: تەرورشىل ۇيىمدار تۇركياعا جالعاستى بۇلدىرۋ ارەكەتىن قوزعاۋدا، بىزگە بۇنىڭ ارتىندا كىمنىڭ قولداۋ كورسەتىپ وتىرعاندىعى انىق، -دەدى. ول : پارلامەنت ٴولىم جازاسىنا وكىم ەتۋگە قاتىستى زاڭ جوبالاردى قالپىنا كەلتىرەتىن بولسا، وعان قول قويار ەدىم دەگەندى باسا دارىپتەدى.

 

بىلتىر 15-شىلدە كۇنى تۇندە بوسپورۇس كوپىرىندە الدىمەن قالا حالقى مەن ساياسي وزگەرىس قوزعاعاندار اراسىندا قاقتىعىس تۋىلىپ، ىلگەرىندى-كەيىندى 36 ادام قازا بولدى، سوڭىنان قازا بولعان ادام سانى 250گە تايادى.

 

تۇركيا ۇكىمەتى ا ق ش ىنداعى تۇركيالىق ٴدىن قايراتكەرى گيانت وسى رەتكى ساياسي وزگەرىستىڭ اتامانى دەپ ايىپتاپ، ا ق ش ىنان ونى تۇركياعا قايتارۋدى ٴارى ونىڭ باسشىلىعىنداعى «گيانت قوزعالىسى» ۇيىمىن تەرورلىق ۇيىم قاتارىنا ەنگىزۋدى تالاپ ەتتى.

 

اۋدارعان: گۇلميرا قوزىقان قىزى