ب م ۇ-نىڭ حاۋىپسىزدىك القالار كەڭەسى سولتۇستىك كورەيانى قاتاڭ جازالاۋ جايلى قاۋلى ماقۇلدادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 09:17:00

 

    شينحۋا اگەنتتىگىنىڭ حابارى: ب م ۇ-نىڭ حاۋىپسىزدىك القالار كەڭەسى قىركۇيەكتىڭ 11-كۇنى 2375- ٴنومىرلى قاۋلىنى ٴبىز اۋىزدان ماقۇلداپ سولتۇستىك كورەياعا جاڭا جازا قولدانۋدى ۇيعاردى، سونىمەن ٴبىر ۋاقىتتا قاۋلىدا تاعى كورەي تۇبەگى مەن شىعىس سولتۇستىك ازيانىڭ بەيبىتشىلىگى جانە ورنىقتىلىعىن ساقتاۋ قايتالاي دارىپتەلىپ، ماسەلەنى ديپلوماتيالىق-ساياسي تاسىلدەرمەن بەيبىت شەشۋگە ۇندەلدى.

 

وسى قاۋلىعا ساي، حالىقارالىق قوعام سولتۇستىك كورەياعا قامدالاتىن مۇناي مولشەرىن ازايتادى، سولتۇستىك كورەيا توقىما بۇيىمدارىنىڭ ەكسپورت ەتىلۋىنە جانە شەتەلدەرگى سولتۇستىك كورەيا جۇمىسشى-قىزمەتكەرلەرىنىڭ ٴوز ەلىنە اقشا جىبەرۋىنە تيىم سالىنادى، سولتۇستىك كورەيانىڭ يادرو قارۋ-جاراقتارى مەن باسقارىلمالى بومبى جوسپارى مۇمكىندىكتىڭ بارىنشا تەجەلەدى.

 

ب م ۇ-ىنداعى جۇڭگونىڭ تۇراقتى ۋاكىلى ليۋ جيەيي قاۋلى جاريالانعاننان كەيىن بىلاي دەدى: جۇڭگو كورەيا تۇبەگىن يادروسىزداندىرۋعا، تۇبەكتىڭ بەيبىتشىلىگى مەن ورنىقتىلىعىن قورعاۋعا، سۇقپات- ٴماسليحات ارقىلى ماسەلەلەردى اقىلداسىپ شەشۋگە تاباندى بولىپ كەلۋدە. جۇڭگو سولتۇستىك كورەيانى حالىقارالىق قوعامنىڭ تىلەگى مەن يراداسىنا قۇرمەت ەتىپ يادرو قارۋىن جاساۋ جوسپارىن دوعارۋعا، حاۋىپسىزدىك القالار كەڭەسىنىڭ قاۋلىسىنا قۇرمەت ەتىپ جانە اتقارىپ، يادرو باسقارىلمالى بومبىسىن جاساۋ سىناعىمەن ەندىگارى اينالىسپاي، يادروسىز ارناعا شىنايى ورالۋعا قۋزايدى.

 

اۋدارعان: امانتاي مۇسايىپ ۇلى