سىرتقى ىستەر مينيسترلىگى: قاتىستى جاقتاردان جۇڭگونىڭ سولتۇستىك كورەيانىڭ يادرو ماسەلەسى جونىندەگى كەڭەس وتكىزۋ قۇلشىنىسىن بەلسەندى قولداۋىن ٴۇمىت ەتەمىز،-دەدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 10:05:00

 

    ٴوز حابارىمىز: ب م ۇ حاۋىپسىزدىك القالار كەڭەسىنىڭ 2375-نومەرلى قاۋلىسى ماقۇلدانعاننان كەيىن، ٴار جاقتىڭ كورەي تۇبەگى ماسەلەسىن ساياسي جانە دەپلوماتيالىق جولمەن شەشۋ ٴۇنى بارعان سايىن كۇشەيدى. سىرتقى ىستەر مينيسترلىگىنىڭ مالىمدەمەشىسى گىڭ شۋاڭ بىلاي دەدى: جۇڭگو كورەي تۇبەگىندەگى يادرو ماسەلەسىن سۇحپات جانە كەڭەس ارقىلى بەيبىت جولمەن شەشۋدەن باستان-اقىر جازبايدى، قاتىستى جاقتاردىڭ جۇڭگونىڭ كەڭەس وتكىزۋ قۇلشىنىسىن بەلسەندى قولداۋىن ٴۇمىت ەتەمىز.

 

گىڭ شۋاڭ بىلاي دەدى: كەزەكتە تۇبەك جاعدايى كۇردەلى، سەزىمتال، قاتاڭ جاعدايعا قاراي بەتتەدى، سوندىقتان ٴار جاق سابىرلى بولعانى ٴجون. جۇڭگو ەجەلدەن تۇبەكتىڭ يادرو ماسەلەسىن ۇيلەسىمدى شەشۋ ٴۇشىن قاجىماي قۇلشىنىپ كەلەدى. «ەكى ارنادا قاتار جۇرگىزۋ» جانە «قوس جاقتىلى توقتاتۋ» دارىپتەمەسى جۇڭگونىڭ كەزەكتەگى تۇبەك اۋقىمى مەن ٴار جاقتىڭ كوكەيتەستى مۇددەسىنە نەگىزدەلىپ، تۇبەك ماسەلەسىن تۇبەگەيلى شەشۋ ٴۇشىن ورتاعا قويعان جوباسى. بۇل جوبا ماسەلەنى تۇبىرىنەن شەشەدى، ٴارى ۇيلەسىمدى. قاتىستى جاقتاردان جۇڭگونىڭ كەڭەس وتكىزۋ قۇلشىنىسىن بەلسەندى قولداپ، جۇڭگومەن بىرلىكتە كورەي تۇبەگى ماسەلەسىن بەيبىت شەشۋ ٴۇشىن سىندارلى رول اتقارۋىن ٴۇمىت ەتەمىز.

 

اۋدارعان: گۇلنۇر قابىلقاق قىزى