سولتۇستىك كورەيا حاۋىپسىزدىك القالار كەڭەسىنىڭ سولتۇستىك كورەيا جايلى قاۋلىسىنا جالپى بەتتىك قارسى تۇردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 16:53:00

 

    شينحۋا اگەنتتىگىنىڭ حابارى: سولتۇستىك كورەيانىڭ سىرتقى ىستەر مينيسترلىگى قىركۇيەكتىڭ 13-كۇنى مازمۇنداما جاريالاپ، ب م ۇ حاۋىپسىزدىك القالار كەڭەسىنىڭ سودان 2 كۇن بۇرىن ماقۇلداعان سولتۇستىك كورەيا جايلى قاۋلىسىنىڭ «زاڭسىز» ەكەندىگىن، سولتۇستىك كورەيانىڭ وسى قاۋلىنى «قاتاڭ جازعىراتىندىعىن جانە جالپى بەتتىك قارسى تۇراتىندىعىن» ايتتى.

 

سولتۇستىك كورەيانىڭ ورتالىق اقپارات اگەنتتىگى سول كۇنى جاريالاعان سىرتقى ىستەر مينيسترلىگىنىڭ مازمۇنداماسىندا بىلاي دەلىندى: ا ق ش-تىڭ ٴتۇرلى ايلا-شارعىلاردى قولدانىپ جاساعان حاۋىپسىزدىك القالار كەڭەسىنىڭ 2375- ٴنومىرلى قاۋلىسى سولتۇستىك كورەيانى ورىندى قورعانۋ ۇقىعىنان ماحرۇم ەتىپ، جان-جاقتىلى شارۋاشىلىق قۇرساۋ ارقىلى سولتۇستىك كورەيانى جانە سولتۇستىك كورەيا حالقىن تىرىپ ەتكىزبەي مەڭگەرمەك بولعان ارانداتۋشىلىق ارەكەتىنىڭ تۋىندىسى، سولتۇستىك كورەيا بۇنى قاتاڭ جازعىرادى ٴارى جالپى بەتتىك قارسى تۇرادى.

 

مازمۇندامادا تاعى بىلاي دەلىندى: ا ق ش-تىڭ جەتەكشىلىگىندە تاعى ٴبىر رەت جۇرگىزىلگەن زاڭسىز جازالاۋ قاۋلىسى سايقالدىعى سولتۇستىك كورەياعا ٴوزى تاڭداعان جولدىڭ دۇرىس ەكەندىگىن تانىتىپ، وسى جولدان تيتتەي دە اۋىتقىماي، ٴتىپتى دە تەز قارقىنمەن تۇبىنە جەتۋ يراداسىن بەكەمدەي ٴتۇستى. مەملەكەتتىڭ يەلىك ۇقىعىن جانە ٴومىر ٴسۇرۋ ۇقىعىن قورعاۋ ٴۇشىن سولتۇستىك كورەيا قۋاتىن جەدەل مىعىمدايدى.

 

اۋدارعان: امانتاي مۇسايىپ ۇلى