جۇڭگو ۋاكىلى سولتۇستىك كورەيانىڭ يادرو ماسەلەسىن شەشۋدە ٴار جاق ورتاق قۇلشىنۋى كەرەكتىگىن باسا دارىپتەدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-14 10:32:00

 

    شينحۋا اگەنتتىگىنىڭ حابارى: ۆەنا قالاسىندا تۇراتىن جۇڭگونىڭ ب م ۇ-ىنداعى تۇراقتى ۋاكىلى شى جۇڭ ٴجۇن باس ەلشى قىركۇيەكتىڭ 13-كۇنى ۆەنا قالاسىندا اشىلعان حالىقارالىق اتوم ەنەرگياسى قۇرىلىمىنىڭ القالار قوعامى ماجىلىسىندە بىلاي دەدى: سولتۇستىك كورەيا جۇڭگونى قامتىعان حالىقارالىق قوعامنىڭ قايتا-قايتا بەرگەن ٴناسيحاتىن مىسە تۇتپاي قىركۇيەكتىڭ 3-كۇنى تاعى ٴبىر رەت يادرو سىناعىن جاسادى. مۇنىسى يادرو قارۋلارىن كەڭەيتپەۋ جۇيەسىنە سوققى بولىپ، حاۋىپسىزدىك القالار كەڭەسىنىڭ قاتىستى قاۋلىسى مەن حالىقارالىق قوعامنىڭ تىلەگىنە اۋىر دارەجەدە قايشى كەلىپ، تۇبەكتىڭ قىسىلتاياڭ جاعدايىن ونان ارى اسقىندىرىپ، ٴوڭىردىڭ بەيبىتشىلىگى مەن ورنىقتىلىعىن ٴبۇلدىردى، جۇڭگو مالىمدەمە جاريالاپ باتىل قارسى تۇراتىن قاتاڭ مايدانىن اڭعارتتى.

 

باس ەلشى شى جۇڭ ٴجۇن مىنالاردى باسا دارىپتەدى: جۇڭگو ٴوز جاۋاپكەرلىكتەرىن ارقالايدى، الايدا سولتۇستىك كورەيانىڭ يادرو ماسەلەسىنە قاتىستى بارلىق جاۋاپكەرلىكتى جۇڭگوعا ارقالاتپاق بولۋ شىندىققا جاناسپايدى. ٴبىز تۇبەك ماسەلەسىنە تىكەلەي قاتىستى بارلىق جاقتى تيەسىلى جاۋاپكەرلىكتەرىن ارقالاپ، ناقتى شارالار قولدانىپ، تۇبەكتىڭ قىسىلتاياڭ جاعدايىن قۇلشىنا باسەڭدەتىپ، سولتۇستىك كورەيانىڭ يادرو ماسەلەسىن تەزىرەك سۇقپات-كەلىسسوز ارناسىنا تۇسىرۋگە قۋزايمىز.

 

اۋدارعان: امانتاي مۇسايىپ ۇلى